المراهقة الفاتنة (الجزء الثاني)

البارت 48

فرحة : اوك (ردات) ألو ماما .......... لاباس الحمد لله ........ وي كلشي بيخير ............. وزعما ماعارفاش علاش؟ ماعاودش ليك ولدك .............. ماما دبر لراسها دنيا مابقاتش صغيرة باش نحضيها أنا را عندها 18 سنة يعني ناضجة وواعية ............. ومن بعد؟ صافي جات عندي ضيفة ندير عليها العسة؟ وزايدون را تانا مارضيتش وتعصبت وخاصمت عليها وتا من الهضرا قطعتها معاها .......... ولدك مادار فيها مايصلاح خلطني تانا معاها وماشي غير هادشي عايرني بالوسخ أنا وبنتي وهان راجلي ونقص منو ....... لا لا إلا هادي مانسمحش ليه عليها كون جات عليا أنا نقدر ندوزها بجغمة ديال الما ولكن توصل لراجلي مانقبلهااااااش نهااائيا ونتي عارفاني مزيان أي واحد غلط معايا كانقلب عليه واخا يكون لي ولدني وشفتي على عينيك
هي كاتهضر معصبة ومراد كايهدنها بعينيه وكايحرك ليها يديه بمعنى بشويا وخفضي صوتك معاها ومها فالتيليفون كاتسايس معاها ..
فرحة : ماما نتي على راسي وعيني وواخا داكشي لي قال عمري نساك وديما تبقاي فبالي ونبقا نجي نشوفك برا دارو ولكن داك السيد صافي طاح من عيني ومابقاش عندي كي كان ....... واخا نعذرو ولكن ماكانتش بيه توصل لديك الدرجة عرفتي علاش؟ حيت قبل مايعرف بموضوع دنيا حشا فيا الهضرا ولمح ليا وطلبتو زعما مايدويش مع مراد حيت ماليه دخل فشنو بغيت أنا ولكن فاش تفرقع زيدنا تا حنا ........ اممم الله يكمل عليه .......... لا ماغانخضرش ........ هاكاك هضرا ديال التيليفون ماعندها مادير ليا ......... يجي يعتاذر من رااااااااااجلي وتااا يسمح ليه هو عاااد نشوف أنا ونزيدك العراضة ماكاتكونش فالتيليفون أولا؟ ......... أنا هي أنا ماتبدل فيا والو ا ماما ولكن ولدك شوف شنو خربق ليه داك الراس وتانتي نيت تابعاه فريو ........... حيت راجلي لي واقف معايا وبلا مانرجعو للور ونجبدو شي حوايج بغينا نساوهم ........ وي وديما غانختار مراد ........ اوك الله يعاون
قطعات معاها وضربات بالتيليفون فوق الفراش بعصيبة ومراد حاضيها، شد ليها يديها مزير عليها باش تهدن ..
فرحة : والله يلا زينا هادي ولدها ماخلا فينا غير لي ينسا وهي جالسة عليا هاداك خوك ورا غير تعصب وغلط وكذا وكذا
مراد : صافي هانيا ماوقع والو
فرحة : وقع امراد قالاك ماوقعش، ياك تبرا مني؟ اوا صافي يقلب عليا يحسابو يلا مادويتش معاه غانموووت كون كان هااكااا كون مت شحااال هادا فاش كان عايش 7 سنين وزايد على براا
مراد : فرحة كيما كان الحال كايبقى خوك وبغا ليكم غير الخير
فرحة : ومالو شافني ميتة بجوع ولا عريانة؟ راني عايشة فوق بيخير معاك وأصلا ماشي شغلو نهار تزوجت بيك وليت محسوبة عليك نتا ومايجيش دابا يبدا يلعب دور الأخ الحنون والمسؤول وولي الأمر، فين كان نهار باه رماني وباعني هااا؟ دابا عاااد وعا براسو 😡 قاليك عارض عليا لعرسو، يمشي يخرااا والله وما جا لهنا وطلب منك السمااااحة وقبلتيها نتا من قلببك وحسيييت بيها أنا لاحضرت ليه ولا باقي جا كلامي مع كلااامو بالله العلي العظيم .. وأصلا ولفت قطع الأرحام ماشي شي حاجة جديدة، باراكا عليا غير نتا وبنتي ولي بغا يمشي را الطريق والله مانحبسو
مراد تنهد ومابقاش كمل معاها الهضرا حيت عارفها معصبة وكلامو ماغايجيب نتيجة معاها فهاد اللحظة ..
نمشيو عند الاخرين لي صبحو ناعسين، دنيا عادتها هاديك ولكن سي زهر شراب لي شبحو ..
ضرباتها الفيقة وحلات عينيها بشوية كاتستقبل ضو الصباح، بغات تحرك وحسات بشي حاجة مثقلاها ضورات وجهها ولقاتو صاحب دعوتها ماعس مخشي فيها ومعنقها بديه بجوج بحالا خايفها تهرب ورجليها خاشيهم وسط رجليه وساد عليهم ووجهو قريب ليها بزاف، استوعبات المنظر وهي طلق زواكتها تا نوضاتو قافز من حداها كايحك عينيه وشاف فيها مدهوش ..
زهير : مالك على هاد الغوتة؟
دنيا : شنووو كادير نتااا هنااا حدايا؟
زهير : ناعس مالي شنو كاندير (كايمسد جبهتو بصباعو)
دنيا : وكاتقولها بوجهك حمررر 😡 لاش ناعس حدايا هااا اش بيني وبينك اسيدي
زهير (ضيق عينيه) : بيناتنا هادا (حط يديه على كرشها) وواحد الورقة يلا بيتيني نجبدها ليك تقرايها
دنيا : عاود هادشي لراسك ونوض تهز عليا فحالك من هناااا وآاااخر مرة مازال تدخل عندي ولا تقرب ليا (هازا صبعها فوجهو)
زهير (بقا شحال كايشوف فيها ويشوف فصبعها تا شدو فيديه لواه ليها) : غانهرسو لديلمك لاباقي هزيتيه 😡 وغانقطع لمك الحس لاباقي رفعتي عليا صوووووتك
دنيا : ااااااااي اهئ هئ طلق طلق ضريتيني واااااي صبعييي غاتهرسووو
زهير : واهي لاجمعتيه عندك، شفتك ضسرتي عليا هاد اليامات شفتيني دار ليك الخاطر
دنيا : اهئهئ الله ياخذ فيك الحق
زهير : وحقي أنا منين غاياخذو 😡 نوضي تهزي شوفي اش ديري وزيدي قدامي ولا نديرو بناقص منها مشية
دنيا : لا لا لا غانوض صافي 😢
خنزر فيها وجمع الوقفة هز جاكيطتو ولبس صباطو وخرج من البيت خلاها كاتمسح دموعها ودعي فيه ..