المراهقة الفاتنة (الجزء الثاني)

البارت 1

كاتجري وسط الشجر ورجليها حفيانين، ألم الشوك اللي كايطلع معاها مايبانش قدام الألم اللي كايتسناها فديك اللحظة، كاتنهج ومع ذلك ماستسلماتش بغات تهرب بأي طريقة وصوت الأقدام وراها كايزيد يرعبها، غصن غادر تعرض طريقها وشد خصلات شعرها المشعتة العارية من وشاححها اللي طاح ليها فاش كانت كاتجري، زمات فمها كاتكتم صرختها اللي كاتعبر على ألمها، مدات يديها جيهتو كاتحاول تخلص خصلاتها بدون فائدة فالأخير جراتهم بجهد حتى بقاو عالقين فيه، ضارت تكمل طريقها ولكن يدين فشلو محاولتها ولواو شعرها عليهم وجروها بجهد الشيء اللي خلاها تغوت بأحر جهدها قبل مايكممو ليها فمها، حاولات تخلص نفسها منهم ولكن محاولاتها باءو بالفشل وكيف لا وهي فيدين ذئاب بشرية وأجساد ضخمة ماكايبانش قدامهم جسدها الهزيل، عينيها جات فعينيهم شافت نظرات عمرها تنساهم مهما حيات، نظرات كلها شر ومكر والأقسى شهوة، ترجاتهم ولكن ماسمعوش ليها، طيحوها فالأرض وسط التراب والحجر اللي نهش ظهرها بقسوة وقطعو ليها حوايجها وبيهم سدو ليها فمها وربطو ليها يديها ورجليها، عرقلو حركتها وبداو كايقربو ليها، دموعها فقط اللي كايسيلو وراسها كاتحرك فيه بجهد كاتدعي فسرها وكاتغوت فالداخل ديالها، كاتنادي عليه يجي يعتقها يحميها كيف موالف، همهماتها وصوت أنفاسهم اللي كايتسمع، شافو فبعضياتهم وابتاسمو بمكر وتغامزو، تفاهمو بالعينين، واحد وقف مراقب والآخر بدا فجريمتو، انتهاك براءة، آهة مكتومة انطالقات من فمها المكموم ودمعة سخونة نزلات على خذها ودماء سالت دليل على فقدان عذريتها، تناوبو الوحشين والنتيجة فتاة فمقتبل العمر مرمية فالخلا عارية الجسد ملطخة بدماء شرفها وفاقدة الوعي ..
فاقت مفزوعة وجسدها عرقان، دارت يدها موضع قلبها اللي غايخرج من بلاصتو، زيرات عليه وبدات تردد "أعوذ بالله من الشيطان الرجيم" بقات هاكاك حتى انتاظمو انفاسها وضارت جنبها كاتقلب على الما لقات القرعة خاوية وناضت من بلاصتها وهزاتها باش تعمرها، خرجات من غرفتها وتمشات بشوية باش ماتفيقش البقية، دخلات للكوزينة وشعلات الضو ومشات للثلاجة هزات قرعة أخرى خوات فالكاس وشرباتو فدقة كاتروي عطشها، فزكات يدها ودوزاتها على وجهها وعنقها، تنفسات وضارت باش ترجع لبيتها وهي تشهق ..
نجاة : بسم الله عليك ابنتي، شنو فيقك فهاد الوقت؟
فرحة : حلمت حلمة خايبة ا ماما، وقرعة الما خوات وجيت باش نشرب
نجاة : اللهم اجعله خير، نفس الحلمة؟
فرحة : اه ا ماما نفسها 😢 مابقيتش نقدر نعس فخاطري اماما غير كانغمض عينيا كاتجي صورتها قدامي وغواتها فوذنيا 😢 كاتعذبني اماما اهئ اهئ كاتعذبني بزاف
قربات منها ماماها وحضناتها بحنان كاطبطب عليها وكاتهدن فيها وهي عاد مازادت انفاجرات بالبكا ..
فرحة : أنا السباب اماما أنا اهئ ضاعت بسبابي
نجاة : ششش ماتقوليش هاكا ابنتي، نتي مادرتي والو وهاداك قدر الله وكان داكشي غايوقع سواء بديك الطريقة أو بطريقة أخرى، استغفري الله ابنتي وسيري توضاي وصلي جوج ركعات ودعي الله يفرجها من عندو وقراي شوية القرآن ينفس عليك ونيت الصبح مابقا ليه والو ونصليو أنا وياك
فرحة (كاتمسح دموعها) : واخا ا ماما، واش يحيى جا؟
نجاة : دخل معطل كيف عادتو
فرحة : قلبي واكلني عليه حتى هو
نجاة : حتى أنا محروقة عليه، وحالتو عاد مكاتزيد تكفاس الله يصاوب من عندو وصافي
فرحة : مانقدرش نشوفو هاكا وأنا فيديا نريحو اماما 😢
نجاة : هووششش 😡 ماتفكريش فيها سمعتي واياااااك، ماتعاوديش نفس الغلط مرة اخرى ا فرحة، المرة اللولة خرجات سالمة ولكن هاد المرة صعيب سمعتي، حيدي هادشي من راسك وربي كبير قادر يبدل الاحوال
فرحة : ولكن
نجاة : ماكاين ماولكن، ماتخلينيش نغضب عليك
حدرات راسها بخيبة ونجاة شافت فيها وتوعداتها بنظراتها، خلاتها وخرجات فحالها، تنهدات وتوجهات لبيت خوها دخلات عندو لقاتو مرمي فبلاصتو بحوايجو، سدات الباب وقربات ليه جلسات فجنب السرير ومدات يديها لراسو كادوزها عليه وعينيها دمعو لحالو، ضعاف بزاف ولونو تغمق وعينيه دخلو وحاوطاتهم هالة من السواد وشعرو ولحيتو مشعتين ونماو بزاف مابقاش كايحلقهم وحوايجو مبهدلين وريحتو خانزة بالكارو والشراب..
فرحة : خويا حبيبي 😢 عمري توقعت نشوفك فهاد الحالة، طموحك ونشاطك وأناقتك واي حاجة زوينة فيك تبخرات، مانقدرش نخليك هاكا 😢 نتا وماما أهم حاجة عندي ويلا قاسكم شي مكروه مستحيل نتحمل 😢 باراكا غير الفقدان اللي عشتو مابغيتش نعاود نعيشو مرة اخرى،كانواعدك نرجع ليك حقك كانواعدك نرجع ليك ضحكتك ولمعة الحياة فعينيك
تحدرات عليه باستو فجبهتو وحيدات ليه سباطو وغطاتو وسدات الشرجم اللي كان محلول وداخل منو الهوا وضوء الزنقة وخرجات فحالها وهي حاسمة قرارها ومتناسية العواقب، توضات وصلات صلاتها اللي ولات مواظبة عليها وبكات لله ودعاتو يوقف معاها وينور طريقها وياخذ الحق من الظالمين ..ختمات ببعض الآيات الكريمة ورجعات نعسات ..