تلميح : فلسطين، أنا قادم.
جلست مقابل رُسُل ووضعت كأس النيسكافيه بجانبها وقالت بصوتها المبحوح/ ماا فهمت!
رُسُل ستصيبها الجلطة من دماغها السميك/ شو الي مش فااهمتييه؟؟ عمو فهد مريض وراحو يزوروه.
أمالت حور فمها بعدم اعجاب/ وخير ان شا الله كل العيلة تروح عندو هو لسا ما مات كلو السكر الي ارتفع عندو!!
شهقت رسل / ولة!! هاد عمك الي بتحكي عنو هيك...
حور عقدت حواجبها/ اه عمي الي بضل حاط هالعقدة بين حواجبو؟ دخيلك شايف حالو على ايش وبضل معصب!!
اسااساً أنا كرهانة العيشة هوون، كنا بدبي مرتاحين لييه نقلنا مش عارفة.
رسل وقفت تدور في غرفة حور تتأملها بملل/ انتي كل يوم لازم تعيدي نفس الاسطواانة! ازا ما نقلتو قبل شهرين كنتو رح تنقلو بعد مية سنة يعني ارتاحي.
حور دمعت عينيها/ ولك انا ماا بقدر اعيش هييك، حاسة حالي محبوسة! لو تنفست بلاقي كل الحارة حواليي.
هناك بدبي كنا ما حدا يعرف حدا يا بنت! وغير هيك في حرية تسافري تطلعي مش متل هون سجن!
ابتسمت رسل وهي تمسك بدمية على شكل دب/ مين حكالك انو هوون حبس؟ يا هبلة انتي بجنة والكل من انحاء العالم بيجي يزور اراضي الداخل وبحر عكا ويافا وحيفا، فلسطين جنة!!
حور تنهدت / جنة بس احنا شو شايفين منها دخيلك؟ بنروح نزور الاقصى كإنّا أغراب وهمه المواطنين!
رسل بملل/ انتي ماا بنحكا معك! ليه هيك متشائمة! بالآخر أو بالأول رح ترجعلنا!
حور همست بقهر/ حتى ينوّر الملح!
رسل / أمانة الله شو فيه في دبي وما فيه هون؟ بعدين كلها كم سنة وبتتعودي عالعيشة!
حور بقهر/ وكلو كووم وفراس والسيمفونية الجديدة تبعتو كوم! هناك كنت عادي اطلع وين ما بدي ومتى ما بدي مع السواق وجود، أما هون ازا بدي أخطي عتبة الباب بطخني برشاش!
رسل/ بضل لكل مجتمع عاداتو وتقاليدو، هون الكل بعرف بعض، يعني ازا ضعتي بالبلدة القديمة اسألي اي حدا بحكيلك الطريق وخدي عاد لما يسألك انتي بنت مين
بطلعلك شروش العيلة وبحكيلك انا وسيد سيدك كنا قاعدين مع بعض بنفس الصف!
تأففت حور وشربت من كأسها قليلا/ انا مش حاكية انو اهل فلسطين مش مناح على فكرة بالعكس بجننو وأول على آخر يعني انا فلسطينية كمان، بس انا قصدي مش عارفة اتأقلم، حتى البنات بالمدرسة محسساتني اني جاية من المريخ!
رسل/ انسيهم والتهي بحالك يا بنت هالسنة آخر سنة بالمدرسة تحمليهم!
حور/ بنتحملهم ليه لا، الا احكيلي مالها زين كانت اليوم؟ وشو قصة عمر هاد؟
رسل ضحكت/ ازا حكيتلك رح تتعقدي أكثر من هالتعقيد الي انتي فييه.. احسنلك ما تعرفي والله.
حور بعدم فهم/ ليه؟
رسل/ قصة طويلة وانا ما بحب اشرح. بدي روح على البيت احسن اشي
حور/ بدك حدا يوصلك؟
رسل/ هلأبتصل على عبدالله ييجي ياخدني ليه هو أخوي يعني؟
اومأت حور وأدارت راسها حتى ترى المطر في هذا الليل. ابتسمت لأنها تعشق المطر ورائحته، وبسرعة فتحت الشباك لتراقبه.
أنت تقرأ
قاب وطنين أو أدنى
قصص عامةاقترب منها مؤنّباً وقال بصوته الرجولي/ حور... قاطعته بنبرة مهزوزة وهي ترتجف وتبكي/ شششش... بس جاوبني! مين بتحب أكثر؟ أنا ولا فلسطين؟ هزّ رأسه بالنفي، باستحالة ما ترمي إليه/ انتو التنتين معقودات بقلبي، هي بتشد وانتي بتشدي! بحبك قد ما بحب فلسطين. لاح...
