قاب وطنين أو أدنى

لماذا؟

تلميح: الحقيقة.

دخل للمنزل وهي وراءه، نزعت ما يغطي وجهها وهي تأخذ نفساً وقالت/ متت متت شوووووووب حرام عليك احنا مروحين بالسياااارة شو فيها لو شلتو؟

أغلق الباب ونظر لها وقال/ اه عادي حتى خليكي بفستانك ومكياجك وتمشي بالشااارع
أساسا انتي ليه لابسة هيك؟ مين شافك بهالشكل؟

إسراء ابتعدت بخوف/ والله بسسس النسوان! حتى فراس ما أجااا إلا آخر الخطبة والله! واحنا لبسنا.

لم يستطع أن لا ينظر إليها، كانت ترتدي فستاناً أحمر طويل بدون أكمام، وشعرها الأسود الناعم متروكاً على ظهرها.

حسن/ بدي اسألك...
إسراء وهي تضم يديها بخوف من نظراته/ نعم؟
حسن/ انتي شو مشكلتك مع اللون الأحمر بالزبط؟ لو أفتح خزانتك بلاقيها كلها حمرا !
إسراء ابتسمت بحماس/ بحب الأحمر!
حسن بسخرية/ رومانسي وحركات؟

انحنى وخلع حذاءه، لتقول هي/ مش شرط... بس الأحمر حلو.

حسن بدون اهتمام/ طيب ادخلي البسي الأحمر الجزء الثاني.. خليني ألبس بجامة وانام.
راقبته وهو يدخل غرفته ويخلع جاكيت بدلته، أمالت فمها بعدم إعجاب وهمست/ شو أعمل عشان أعجبك؟؟ أعطيني اشي واااااحد بعجبك بالحياة والله لأعملوو

خلعت حذاءها الكعب الأسود وقالت بألم/ يما متت من الوووقفة!
مشت للمطبخ كي تشرب الماء، جلست على الطاولة وشربته وهي تفكر بما حدث اليوم...

أوّل الخطبة، حين دخلت ريم الصالة، لم ترتدي إلّا فستاناً عاديّا طويلاً بأكمامٍ طويلة، لم تصدق لوهلة... فريم لا تفوّت فرصة إلا وترتدي القصير!
كانت ترقص بجدية وتتمايل، ينظرن لها بقهر، ليست وكأنّها هي التي تكره زين وحور التي خلعت شعرها البارحة!

بعد أن دخل فراس كنّ يراقبن ما يحدث، قالت ريم بعدم إعجاب
/ كتييير أوڤر، شو حركات الورد هاي؟
جنين/ انتي شو خصك؟ عريس وعروسته حُرّين!
رسل/ استغفر الله والله ما بعرف ليه الناس بتتدخل بأشياء ما بتعنيها...
جنين/ بس شوفيلي حووور... والله طالعة قمر وأخيراً اقتنعت تلبس فستان..
رسل/ حتى لون الزهر عليها خرافي، جد شكلو حدا لاعب بعقلها؟
جنين/ اه عشان سمارها خفيف حلوة كثيييير

نظرت لهنّ ريم بغيرة وقالت/ انا لييييه واقفة معكن مش عاارفة!

ابتعدت عنهنّ، ونظرت لإسراء التي تراقب بهدوء، جلست على نفس طاولتها وقالت/ راقبي... ولا كإنّو عملتي اشي!
إسراء بارتباك/ ريم!
ريم/ انتي ما رح ترتاحي إلا لتدمريلي حياتي إسراااء!! ما رح يهدالك بااال... انتي الي حكيتي لحور عن الي صار، حتى اسم الدواااا... انتي شو بدك مني؟
إسراء بخوف/ ريييم... انتي بتعرفي حووور قوية ما بعرف كيف حكيتلها الي صااار... بس..
ريم/ لا بس ولا ما يحزنووون..