Namimiss na kita, nasaan ka na ba?
Namimiss na kita, makikita pa ba?
Nais ko nang marinig ang tinig mo
Gusto ko ring magpunta sa mga bisig mo
Alam kong malabo na na tayo ay magkita
Nasa malayo ka na, di na makababalik pa
Nais kitang hagkan, yakapin at makita
Kasi miss na kita, makamusta man lang sana
Alam kong madalas tayong magtalo
Pero alam kong sa huli, talo parin ako
Ikaw ang tama, iyon ang alam ko
Gusto ko lang na may diskusyon tayo
Saan ka na kaya, ayos ka na
Hindi ka na mahihirapan pa
Hindi narin tayo magtatalo katulad noon
Dahil masaya ka na sa buhay mo ngayon
Alalahanin mo nalang ako
At aalalahanin ko rin ang tayo
Ang mga memorya mo sa utak ko
Ang magsisilbing tanglaw ng buhay ko
Miss na kita, mahal ko
Maglaho ka man sa piling ko
Alam ko namang masaya ka na diyan
At palalayain ko na ang ating alaala
Ang mga alaala mo na narito sa puso ko
Sa mga masasaya at malungkot na tagpo nito
Nakaukit at nandito lamang sa puso ko
Natatanging ganda ng buhay mo
