الووووو........فضل الحق ما حتصدق الجانا منو .......منو يا عواطف .......انقر كدي بس انقر ........يا ولية انا في الموقف حق المواصلات و الشمس في نص راسي و زهجان و قرفان تقولي لي انقر ؟ ما داير اعرف زاتو ّ........دقيقة دقيقة استهدي بالله .......اها شنو اخلصي .......متوكل اخوك .......فضل بعد كان متحرك وقف .......منوووو ؟ .....متوكل متوكل اخوك قلت ليك ........جا متين دا كمان ؟ و الجابو شنو ياخ دا اسي ......بسم الله مالك يا فضل اخوك و جاي يشوفك و يشوف اولادك .......ما دايرو ولا داير اشوف زول .......اها انا اعمل شنو اسي .......خلاص خلاص جاي .......طيب ......فضل قفل من عواطف و جرى سريع اجر ليهو تاكسي و جرى البيت ........عواطف راسها يودي و يجيب ليه فضل ما فرح بي جية اخوهو مع انو متوكل دا بالذات ما حصل عواطف شافتو الا سمعت امو ايام عرسها بتحكي بيهو ........و ليه اساسا فضل قاطع اهلو كدا .......فضل جا داخل اولادو جو جارين و معاهم عواطف.....
وين قاعد؟ .....في الصالون .......ابوي شوف عمي اداني شنو .....خلاص سوقي الاولاد ديل جوة........عواطف مشت دخلت و معاها اولادها و بقت تفكر ......اجي ؟ مالو فضل دا زهجان كدي من جية اخوهو ؟ انا فرحانة اكتر منو سبحان الله.......هو وقت جا يفقدو و يفقد اولادو ؟ ........فضل مشى سلم على متوكل اخوه بأطراف اصابعيهو مع انو متوكل وقف علي حيلو عشان يسلم بالأحضان .......متوكل قعد و بدا يحكي ليهو بالبلد و اهلها ......امك و ابوك مشتاقين ليك والله عايزين يشوفو اولادك ديل في الاخر احفادهم .......فضل مدنقر في تلفونو بس برد عليهو .......اممممممم ايوااا اممممم .......جا ولدو الصغير بابا عاين عملت شنو ......متوكل قال ليهو تعال فالح ماشاء الله ماشاء الله .......ختاهو في كراعو و بدا يونس فيهو و فضل مراقب الموقف .......في الاخر فضل قال لي ولدو .......امشي يا حمودي لي ماما اجري .......متوكل باسو في خدو و نزلو اجري لي ماما .......
فضل عاين لي متوكل مسافة ........الجابك هنا شنو يا متوكل ؟ ........متوكل ارتبك قال ليها يا فضل يا اخوي والله جايك محنة و بعدين امك والله مهاتية بيك مما طلعت من البلد ......نفسها تشوفك و تشوف اولادك ........حنية؟؟ لالا ياخ ........فضل انت مالك اذا كان على المشكلة الزمان ديك .......فضل طوالي وقف من مكانو بي عصبية و قرب من متوكل و مسكو من رقبتو ........مالها المشكلة الزمان ؟ عايز تبرر بي شنووو........متوكل نفسو كتم قال ليهو .......فضل براحة دقيقة نتفاهم ........نتفاهم ؟ نتفاهم على شنو هو شنو دا الحتتفاهم فيهو .......فضل ..اععع فضل اعععع حاكون حاموت........اي موت دا الانا عايزو اساسا جيتني بي رجلينك .......كان مفروض اكتلك من زمان بس ما كان عندي القوة ........متوكل سكن تماما بقى ما بتحرك و وشو بقى احمر رغم انو لونو ااسمر بس الحمرة ظهرت فيهو ........رماهو فضل في السرير بي كل برود.......جراهو و قلع ملابسو كلها و خلاهو زي ما الله خلقو و لفاهو في اكياس خيش كانت برة مرمية و ختاهو بي ورا الشجرة .........
عواطف كانت تتطبخ في حاجات كتيرة عشان مضيوفة شي رز و شي شية و سلطة اسود و سلطة خدرا و ملاح بطاطس و عملت ليها قراصة بي دمعة قالت لو اشتاق لي اكل البلد ولا كدا .......نادت بتها الكبيرة اميرة (كانت عمر 6-7سنوات ) قالت ليها أمشي كلمي ابوك قولي ليهو الغداء جاهز تعال شيلو ........جرت اميرة سريع بي غادي .......لقت ابوها عرقان و مكفكف يدين القميص و البنطلون و قاعد تحت الشجرة .........بابا ماما قالت ليك تعال شيل الغداء .......فضل نفسو قائم ......حاضر حاضر قولي ليها انا جاي ختيهو ........جرت قالت ليها بابا قال ليك ختيهو انا جاي .......لالا قصدي يجي يشيلو عشان ياكلو هو و عمك خلاص خلاص اقيفي .......اميرة بقت واقفة تعاين في الصينية المليانة وجبات شهية .......منتظرة متين ينزلوها ليهم في الطربيزة عشان تلتهمها .......عواطف جرت لي راجلها لقتو قاعد في ضل الشجرة .......فضل ؟ ؟ ......اخوك وينو ؟.....
يتبع....
