و في يوم اميرة قاعدة في الحوش تغسل في العدة و لولو و حمودي قاعدين برة فاتحين باب الشارع بلعبو برة .........اميرة بتغسل في العدة كدا سمعت صوت ابوها من وراها .......اميرة ......نعم يا ابوي دقيقة ........قلت ليك يابت تعالي ........اميرة قامت قشت الموية من يديها و اتلفتت لي ابوها لقتو واقف زي ما الله خلقو.........اميرة قربت تقع من طولها ........جرت لي امها جوة .......يابت مالك واااي يا امي الحقي امشي شوفي راجلك ........جرت عواطف و مسكتو دخلتو جوة الغرفة .......جنيت انت يا فضل ........فضل بقى يضحك معاها و يهظر .......يا راجل انت ما بتخجل من بنتك كيف تمرق الحوش بالشكل دا ........اميرة كرهت ابوها جدا و بقت تقول مستحيل دا يكون ابوي ........اميرة بقت حاسة حياتها بقت جحيم ........بقت تتجنب ابوها باي طريقة حتى الاكل بقت تاكل في المطبخ .......امها بس شغالة و راجلها كل يوم حالو يتبهدل .......
في يوم جا البوليس دق الباب و ساق فضل وسط زهول عواطف ، اميرة و اولادو الصغار ........المحقق قال ليهو اخر مرة كان فيها متوكل في الخرطوم كان معاك انت و الجثة اللقيناها اتضح انها جثة متوكل اخوك ما شايف انو القصة بقت واضحة ّ........فضل بقى مزهول اخوي متوكل اتوفى يعني مكتول كمان .......و الجديد انت المتهم الوحيد ........ليه انا المتهم الوحيد ........اخوك رامي قال انو اساسا عندك خلافات مع متوكل و اخر زول جاهو انت .......فضل نكر كلو كلو انو عندو علاقة بالموضوع دا و قال متوكل طلع منو على رجلينو و اكيد الزول العمل كدا عارف انو انا ساكن في الحي دا و عايز يلفق التهمة لي ........بعد فضل طلع من التحقيق لاقى رامي و ابوهو برة ........رامي قال ليهو معقول يكون قلبك بالسواد دا ؟ تقتل اخوك ؟ مهما كان المشكلة البينكم او الخصام ما بصل للقتل ......فضل قعد يضحك لمن دمع .........رامي و ابوهو مستغربين فيهو ........قال ليهم انتو لو عندكم اي دليل ضدي تعالو اشنقوني .......اساسا عندكم تفريق بيني و بين متوكل من جبتوني .........ابوهو قال ليهو بس نعرف انك انت العامل كدا والله انا بي ضراعي دا اكتلك .......فضل دموعو ملو عيونو ........اصلا دا الانت عايزو لكن متوكل ما تحصل ليهو حاجة انا بس الممكن اتقفل و اموت زاتو لكن متوكل لا. ........الفرق شنو ؟ انا ما ولدك و داك ولدك ؟ ........دا كلام شنو يا ولد عايز تشكك في شرف امك ؟ .......رامي ما فاهم اي شئ ........لالا اشكك شنو انت الشككتني في انك ابوي زاتو ........يا ولد انت حاقد على اخوك من زمان عشان كدا انا متأكد انت العملت فيهو كدا ........حااااارقك ؟ طبعا حارقك ........ما ولدك البكر..ربنا ينتقم منك من فوووق سابع سما الله ينتقم منكم كلكم .........رامي مخلوع ضرب فضل في صدرو يا زول ارجع ورا دا ابوك و بعدين حتى لو ما ابوك زاتو دا ابوي انا ما بسمح ليك تقرب منو امشي يلا بلا حقد معاك ........انت يا رامي ما فاهم حاجة والله ديل ........و اشر على اصبعو في عيون ابوهو.ّّ......ديل بضيعوك زي ما ضيعوني ........رامي مسك ليهو اصبعو بي قوة قرب يكسرو ........قلت ليك ما تمد اصبعك دا امشي مننا لو ما عايزنا نحن زاتنا زول قلبو اسود زيك ما دايرنو ........فضل ضحك تاني و قهقه .........والله انا حاني عليك انت زول على نياتك يا رامي و ياداب قمت من الواطة ........فضل مشى و هو بضحك ........رامي قبل على ابوهو........يا حاج في شنو يعني فضل دا بعمل كدا و اساسا مشكلتو شنو البتخليهو لمن يصل يقتل اخوهو.........ابوهو بقى مقهي فيهو قال ليهو ......اها ؟؟؟ ........دي حاجة قديمة و اخوك دا حاقد ساي .......يا ابوي حاجة قديمة فهمناها هي شنو بس قولوها عشان الزول يفهم معاكم حاجة .........رامي خلاص بالله قفل لي سيرة فضل دي عشان انا تعبت ياخ .......رامي سكت بس لسة جواهو فضول يفهم السر الخفي الداسنو منو .......هو جواهو مقتنع انها ما مشكلة كبيرة شديد للدرجة دي حيكون نقاش عادي بين متوكل و فضل و امو و ابوهو و انتهى زمان بس فضل ما عايز ينسى ........رامي ساق ابوهو و شالو جثمانهم مشو بيهو الحلة و بدأ العزاء علي متوكل اخوهم الكبير .......
يتبع....
