.يا عزالدين الشغل مافيها فضيحة انا ما بعمل شي غلط ......كيف ما غلط ؟ تمشي تخدمي في بيوت الناس عشان يقولو اهلها مقصرين منها عايزة سيرتنا على كل لسان .........اووووعك تعلي صوتك على و بعدين دي حياتي و انا حرة فيها اشتغل خدامة اشتغل ست شاي ما ليك بي دعوة .........كيف يعني حرة ؟ لو كنتي ما اختي كان تكوني حرة بس كدا ما حرة ابدا اوعك تاني تمشي تشتغلي عند زول و كدي اسمع بيك ساي مشيتي اشتغلتي لي زول والله اكسر ليك رجليك الاتنين ..........و بعدين زاتو الناس البتشتغلي عندهم ديل ما احسن مننا يعني كلهم تجار بعرفهم يقولو عني شنو ..........انا ما عندي شغلة و شغلي ما يخليهو .........عز الدين لزاها و قال ليها .......قلت ليك ماف شغل زي دا تاني اوعك يا عواطف انا كان قمت كعب ما بعرف اخت من غيرو ........واولادي يا عز الدين يموتو بالجوع ........ما بعرف والله وين راجلك ؟ أبوهم وين .........ااا مشى الشغل اسي بجي .......عواطف لو عايزة تجي معاي و تطلقي انا والله اصرف عليك من قرش لي الف بس طول ما انتي معاهو مستحيل نصرف عليك عشان تحلى ليهو الحكاية و ينوم قفا و يعتمد علينا ........و لو موافقة انا اسي دي اسوقك معاي والله تعيشي ملكة في بيت اخوك بس اولادك واحد فيهم ببراني مافي ....... شكرا يا اخوي ما بتقصر بس انا بيتي ما بخليهو و اولادي مستحيل أخليهم بي وراي .......و مستحيل حتى لو سكنت في الشارع ما برجع خدامة لي شادية مرتك .......خدامة كيف يعني ؟ و الفرق شنو هنا خدامة للناس الغرباء و هناك بتساعدي مراة اخوك ......لالا مستحيل مساعدة بالذلة والاهانة عليك الله خليني في حالي ........خلاص انا الليلة دي بتكلم مع راجلك ........عواطف اتخلعت لانو راجلها بقى ما بجي و خافت شديد .........عز الدين قعد مسافة منتظر و عواطف قلبها عايز يقيف ........
جابت ليهو شاي و قهوة........في الآخر عز الدين جاهو تلفون قام على حيلو قال ماشى و عواطف حمدت ربها و قلبها ارتاح .......قال ليها مخيرة يا عواطف بس تاني اسمع اشتغلتي عند زول والله اوريك النجوم عز الضهر ........بعد عز الدين طلع عواطف بقت تبكي و محتارة تتصرف كيف زول حاسي بيها ولا بي وجعها مافي ........قعدت اليوم داك ما مشت اي مكان بس تفكر تتصرف كيف بعد اخوها قفلها في وشها .......حسبت القروش العندها و مدخراتها و فكرت تاني في الاسكريم و الطعمية و كدا .......بس اتوكلت و بقت تعمل اسكريم و طعمية و بقت مرزقة ربنا رزقها و رزق اولادها و اتفقت مع كم دكان و هي بي نفسها بتمشي تقعد جنب المدرسة تكمل حاجاتها و تجي .........
و في يوم ناس المدرسة قالو ليها لازم تدفعي ........اتشاكلو معاها المديرة و الوكيلة قالو ليها إلا تدفعي مبلغ شهريا عشان تقدر تقعد جنب المدرسة .......عواطف بقت ما بتقيف جنب باب المدرسة بقت تقيف بعيد و الطلبة اساسا بقيو يعرفوها بجو يشترو منها ........
و في يوم فضل جا بعد طول غيبة ........بس جا ما طبيعي خالص ........مجرد ما جا .......عواطف وين انتي .......بسم الله الرحمن الرحيم اهلا وسهلا اخيرا جيت ........عايني اسمعيني انا عايزك .........عواطف اتخلعت و بقت منططة عيونها و فضل قلع البنطلون .......يا راجل دا شنو دا ما شايف اولادك ........انتي مالك ما بتفهمي ........عواطف بقت تعاين ليهو اكيد شارب حاجة ما طبيعي ........جرتو دخلتو جوة سريع قبل ما يتهور .......اميرة بقت تبكي و حاسة في شي ما طبيعي امها قالت ليها سوقي اخوانك امشو بي غادي ........اميرة مشت و بقت قاعدة تفكر .......معقول ابوها يكون عايز يضرب امها بالحزام ( قاش البنطلون ) لانها شافتو طلعو .........بقت ماسكة اخوانها و تبكي ........امها جات كمان بتبكي من حال راجلها الوصل ليها ........اميرة بقت تقول ليها ........ضربك يا امي ضربك صاح ؟ ........امها خجلت منها قالت ليها اي ضربني لكن ما مشكلة الامور كلها بتتعدل ربنا يصلح الحال .........الموقف اتكرر و اميرة اتعقدت جدا من ابوها و بقت تكرهو ........تشوف العمى ما تشوفو ........
عواطف بقت بس صابرة و فضل بقى ما بمرق من البيت خالص لا بمش شغل ولا بمش مكان قاعد بس .......و الحكاية دي ضايقت عواطف و اميرة الكبرت و بدات تفهم و توعي للبحصل .......بقت بس لما ابوها يطلع من البيت تكون مبسوطة و مرتاحة نفسيا بس مجرد ما يجي الدنيا تسود في عيونها ........وصلت اميرة الصف السابع .......و امهم مكفايهم و مجتهدة في شغلها عشان تكفيهم خاصة انو لولو و حمودي برضو خشو المدرسة و بقى الحمل على عواطف كبير ........
يتبع.....
