رامي و عواطف بقو يعاينو لي بعض مسافة .......بنتو منو قصدك ......انتو اكيد غلطانين .......لالا بنتو اسمها اميرة و هي الحكت للاستاذة القدمت البلاغ عشان البنت ما بتقدر تعمل حاجة و قاصر ........لالا مستحيل اميرة ؟ ........رامي قال ليهو طيب اسي العمل شنو ......حتكون في محكمة يوم التلات اول جلسة للاستماع .......لا حول ولا قوة إلا بالله .......عواطف و رامي رجعو البيت و عواطف اول شيء نادت اميرة .......معقول يا اميرة تتهمي ابوك بي حاجة زي دي بتستفيدي شنو. ......اميرة صبت فيها مطرة......لالا يا امي انا كنت فاهمة غلط .......فاهمة شنو غلط علي الاقل كان تجي تشكي لي انا ما تشكي لي زول غريب عشان تفهمي ........والله يا امي انا كنت شايفاك شايفة حركات ابوي و ما قلتي اي شيء سكتي .......هي لكن ابوك عيان ما بتفهمي انتي ........ما كنا عارفين انو عيان لكن و بعدين حركاتو كلها ما طبيعية .......ايوة فهمنا لكن هو عمل شنو عشان تقولي كدا ؟ حصل هبشك حصل عمل ليك حاجة ......لالا لكن نظراتو و حركاتو .......حرام عليك يا اميرة ابوك حتي لو عيان مستحيل يعمل كدا وهو بحبك جدا اكتر زول .......اميرة قعدت تبكي......اسي ابوك في السجن ما معروف يطلع ولا لا......
يوم المحكمة اميرة مشت معاهم عشان تشهد ......فعلا سالوها قالت لا ما حصل اتحرش بي .......قالو ليها ما تخافي ماف زول بقدر يعمل ليك حاجة .......نزلت راسها شوية وهي متوترة ......اصلا ابوي طلع عيان......عندو شنو .......اميرة ردت من بين دموعها ......ما عارفة بس الدكتور قال عيان .......انتي خايفة من منو ......ما خايفة من زول بس خايفة علي ابوي .......طيب انتي قلتي لي صحبتك شنو بالضبط ......بدات اميرة تحكي بي خوف و خجل ........طيب الخلاك تقولي انو بتحرش بيك شنو .......نظراتو و حركاتو ما طبيعية .......هل هبشك او عمل ليك حاجة معينة .......ابدا ما حصل .......القاصي عاين للجنبو و قال ليهم جيبو تقرير طبي بدل علي مرض فضل .......و طلعو فضل بي كفالة و ضمان مكان سكنو ......
ناس عواطف رجعوهو للطبيب مرة تانية و طلبو تقرير طبي .....الدكتور اساسا عايز الجلسة دي عشان يرفع تقرير للشرطة .......
دخلو و بدا يستفز فيهو. .......يا فضل انا ما مصدق انك قبلت متوكل اخوك يعمل فيك كدا .......معقول ياخ 12سنة دي راجل .......فضل غضب منو كيف رضيت ......يعني بس زوقت لكن ما عملت اي ردة فعل ......انت اسي راجل في راجل بقبل كدا ......فضل هاج راجل جوة عينك انا قتلتو و دفنتو .......ما مصدق قتلتو ؟ لالا ياخ انت جبان ما بتعملها اصدقك كيف. ......ياخ جبان شنو عملتها و كمان هو جاني قال شنو نتسامح قال انا طوالي خنقتو لحدي ما مات و جردتو من ملابسو و دفنتو ......اي زول زي متوكل دا لازم يموت . ...عقابو الموت بس .......حتي البنت صحبة اميرة قتلتها .......الدكتور اتخلع. ......كتلتها كيف دي كمان. ......حكي ليهو كمان برضو كل القصة .......لو ما مصدق امشي اسال ناس المدرسة .......و تاني عاقبت منو ......ماف زول بس ديل لو لقيت تاني متحرش بقتلو ......ماف عدالة اكتر من كدا ......الدكتور كتب التقرير و رفعو للشرطة بس للاسف كان ضدو ......حكمو عليهو بالسجن في المصحة العقلية عشان خطر علي المجتمع و علي اسرتو .......
....... الـنـهـايـة ........
#ملحوظة
*الظلم بطلع ناس مجرمين و مرضي للمجتمع ....
*الام و الاب بخافو علي اولادهم من القانون. ....ما عايزنهم يتعاقبو ابدا مهما كان التمن حتي لو التمن اخوهو .......الظلم ظلم و الجريمة تستحق العقاب ......ايوة صعبة ترضي ولدك يخش السجن و بتحاولو بكل الطرق تبرئته مع انو اذي غيرو و اذي اسرة ......انا بنصحكم حتي لو ولدك عمل جريمة ما تحاول تداري ليه لانو لو ما اتعاقب برتكب الاكبر بقول ابوي بطلعني منها .......
* طبعا حقيقة مولمة جدا انو زول يسلم ولدو للعدالة و الغالبية بقولو ولدنا برئ ديل اصحابو الكعبين .....لالا ولدك كمان كعب و سئ و انت اسوا لانك خليتو يصاحبهم من الاول. .....في حين انو ممكن يكون ولدك راس الافعي بتلصقها في اصحابو بس هو ما صغير ولا طفل ما بميز .......
* كمان ةكونو تقولو هم اخوان ماف مشكلة ؟ .....دي انا شفتها كتير .....استبحتو الاخوة و سمحتو بارتكاب ابشع الجرائم ......الاخو يسرق اختو ما تبلغ عنو لو بلغت امها و ابوها ما بعفو ليها .....الاخو يضرب اختو و يكسر فيها عضم لاسباب تافهة . .....قولي وقعت من السلم عشان دا في الاخر اخوك ....المرة الجاية للمقابر الاتنين اولادنا ما مشكلة ....
اوووع تقولو نحن بنعاقبو و ما بنخليهو بس عشان ما تصل السجن و الفضيحة ......عقابكم شنو ...ضرب ؟ حرمان من المصروف ....
الجرائم كتيرة بس انا ذكرت ابشعها عسي و لعل الناس تحس
دمتم في امان الله
لنا لقاء اذا ربنا مد في العمر
