.مما جات نط من سريرو ........كنتي وين انتي يا مراة تخلي بنتك بي وراك براها .......ما خليتها براها خليتها معاك .........خليتيها معاي شنو جيت لقيتها قاعدة براها و بعدين لو ماشة اهلك بتخلي اميرة بي وراك .......منو القال ليك مشيت اهلي ........انا مشيت ادبر لي اولادي لقمة عيش ........فضل سكت و خجل من نفسو .......عواطف طلعت الاكل و العيش و عملت لي اولادها عشوة سمحة حتى نامو ........و فضل أبي ياكل معاهم قال ما عندو نفس........راقدة عواطف قربت تنوم جا فضل بي وراها .........عملت نايمة ........يا عواطف دقيقة دايرك جوة ........انا والله تعبانة ضهري انقص بي شغل الليلة دا .......عواطف انا اسف والله .......انا ما عارف الحصل لي شنو فجاة كدا انفعلت حقك علي.......انا ما واجعني الضرب قدر ما واجعني عدم احساسك بالمسئولية ........حصل ليك شنو فجاة يا فضل مالك ؟ كان فصلوك قول انا مالو زوجتك ستر و غطا عليك .......لالا ما فصلوني بس القروش بقت ياداب تكفيني .......اجي يا ود امي ؟ كيفن يعني يا داب تكفيك كل المرتب بمش وين .......فجأة فضل اتقلب عليها شنو يا مراة دايرة تحاسبيني في مرتبي ؟ و بعدين انا حر ياخ مالك انتي ........قام فضل رجع مشى رقد نام و خلي عواطف في حالة من الزهول و الصدمة من فضل و تغير احوالو ........
الصباح مشت عواطف بي نفس الطريقة ودت اولادها لي امها ووصلت اميرة المدرسة .......لقت المدرسة مقلوبة قلب و الشرطة بداو يسالو من الحاصل .........في بت لقوها ميتة في الحمام من امس البت اهلها بكوسو ليها و ما لقوها لحدي الليلة الصباح لقوها في الحمام ميتة .........اعوذ بالله عواطف خافت و قلبها قبضها قالت لي اميرة ارح ناس حبوبتك الليلة شكلو ما حيدوكم اي حصة ارح .......رجعتها لي امها و قالت ليها يا اميرة اوعك تمشي حمامات المدرسة امسكي نفسك لحدي ما تصلي البيت لكن اصلو ما تخشي الحمامات تاني خالص .......حاضر يا ماما ........
فضل عرف اولادو بكونو مع ام عواطف فبقى يجي يسلم عليهم و يسوق الاولاد و يرجع البيت ........و اخوها ما قدر يتكلم معاهو خايفو يطلق اختو و تجي تقعد معاهو و تزيد عليهو الحمل .......
بعد كم يوم اميرة قالت لي فضل ......بابا انت عارف حصل شنو في المدرسة .........اها حصل شنو........متذكر تونة القلت ليك .........ايوة متذكرها .........ماتت قالو في الحمام ........معناها خلاص ربنا عاقبها عشان بت ما كويسة .........اميرة خافت شديد .........ابوها بدا يفكر ......
#فلاش
..وينها يا اميرة صحبتك القلتي عملت ليك كدا .........هديك ليها ........فضل لقاها بنت كبيرة حجما و عمرا من اميرة الحجمها قليل و صغيرة ........نوى عليها و بقى يراقبها و مجرد ما طلعت مشت الحمام جرى بي وراها بدون ما زول يحس بيهو و خنقها لحدي ما ماتت و المدرسة جاطت وفي فصول فكوهم و الامور جاطت فضل بقى قاعد جوة الحمام لحدي ما المدرسة صنت و الناس طلعت حتى طلع و لقى الغفير و معاهو شخص قاعدين في باب المدرسة ...... فقام نط بالحيطة للشارع .........
عواطف بدات تاني تبحث عن عمل رجعت للمراة المشت ليها امس قالت ليها تعالي لي كل جمعة بس اتبسطت انها لقت ليها مصدر ثابت كل جمعة ضامنة رزقها ........مشت تكوس بعد جهد جهيد لقت ليها كم شغلة بسيطة كدا مكواة و غسيل و جات راجعة قبل العشاء برضو .......ّ و فضل بقى متضايق من الوضع و مرتو شغلها ما عاجبو بس واثق انها مراة بتخاف من ربنا ما بتعمل حاجة حرام مهما جاعت و لا ضاقت بيها الدنيا .......
فضل مشى قعد مع اصحابو عزابة و بقى ما بجي البيت .......عواطف بقت حياتها مسيخة بس همها كلو تدبر الاكل و الشراب و مصاريف المدرسة .......و في يوم جاها اخوها عز الدين ......... اهلا وسهلا يا عز الدين مرحب بيك والله انست ......بلا اهلا بلا سهلا يعني يا عواطف عايزة تفضحينا و تشتغلي في بيوت الناس ؟ .......
يتبع....
