..رجعت بيتها شايلة ليها عيش و ربع كيلو عدس عملت لي اولادها اكل .......المساء جا فضل .......عواطف جرت بقت تقول ليهو يا راجل نحن نعمل شنو نشحد و بقو يجوطو في بعض و هو يقول ليها ما عندي اجيب من وين اسرق .........اتصرف انا ما عندي شغلة .......عواطف جاتها فكرة سريعة و وقفت نقاش معاهو خلتو لما غرق في النوم و بقت تفتش في جزلانو و جيوبو .......مالقت ولا قرش بس حاجة بسيطة حق المواصلات ياداب ........عواطف قلبها اكلها الراجل دا بودي القروش دي وين .......ولا وقفوهو من الشغل و ما عايز يقول و نفسها بس تراقبو بس مافي طريقة مع شفعها و المراقبة دايرة قروش كمان هي ياداب بتحاول تتدبر في حالها. .......الصباح اميرة لبست للمدرسة و جات لي ابوها ......قال ليها كيفك يا اميرة اها المدرسة كيف معاك ........امها عاينت ليها و قالت ليها معليش يا اميرة مافي مصاريف الليلة .......فضل خت كباية الشاي و فتح جزلانو عندو زي (خمسمية جنيه بالقديم ) اداها ليها ........اميرة فرحت قالت ليهو دايرة اقول ليك سر يا بابا .......اها قولي سر شنو .......متذكر انت قلت لي لما زول يهبشك هنا حرام ؟ ........فضل بقى مركز معاها جدا و اتخلع و امها انتبهت و اتخلعت.......دا كلام شنو يا اميرة أمشي مدرستك عيب الكلام دا .......فضل أدى عواطف كف لمن اترزعت في السرير .........انتي تسكتي خالص سامعة ؟ ........عواطف بقت مصدومة شديد من ردة فعل فضل 10 سنين ما حصل عمل ليها كدا .......مشت عواطف دخلت جوة و بدات تلم في هدومها و هدوم اولادها ........
اها يا اميرة قولي احكي ما تشتغلي بي كلام امك ما عيب ......اميرة خافت من ابوها جدا و كمان بدات تبكي لما شافت امها بتبكي و دخلت جوة ........ليه يا بابا ضربتها كدا حرام عليك .......معليش معليش لكن عشان ماما كلامها غلط و انتي صاح اتكلمي قولي ........شفت تونة البت المعنا في المدرسة قالت لي دي لعبة سمحة و عايزة تهبشني قلت ليها كدا حرام بس هي قالت لي ما حرام حاجة سمحة ......اها عنلت ليك شنو بالضبط .......ختت لي اصبعها هنا بس انا جريت منها ......فضل دفر التربيزة القدامو و رفع اميرة فوق .......و انا مش حذرتك قلت ليك حرام ما تخلي زول يقرب منك .......يا بابا والله ما عملت حاجة .......خلاص خلاص معليش يا اميرة ما تخافي انا عايز مصلحتك ......اميرة بتبكي و عملت ليهو بي راسها كويس .......ارح خلاص انا بمش معاك المدرسة الليلة اوصلك و امشي الشغل .......
فضل لبس سريع و مرق مع اميرة المدرسة ......عواطف بقت قاعدة و لعنت الشيطان و بقت تقول لي روحها .......حتمشي وين يعني ؟ بس كدي قولي حتمشي وين .......ما عندك لا اب لا اخو يكون سند ولا ضهر الزول يعتمد عليهو ........جاتها فكرة سريع قامت دخلت حاجات و قررت تعتمد على نفسها و تعمل ليها مشروع ولو اسكريم او كسرة او حتى شاي تكسب قروش و لما القرش يجري في يدها تستغني عن فضل لانو اهانها بالكف دا .........بس بقت تفكر من وين تشتري المواد حتى لو اي شئ ما عندها راس مال ولو بسيط تبدأ بيهو .......خمت اولادها الاتنين و مشت ناس اخوها قالت لي امها انا عندي مشوار خلي معاك الاولاد ديل .......هي حلاتهم ماشاء الله حبايبي خلاص خليهم امشي مشوارك و انا بنتظرك .......
.مرقت عواطف و مشت محل العمارات و المباني السمحة و بقت تدق باب باب عايزة شغل ....... قالت ليهم اي شي غسيل نضافة مكوة ممكن تعمل اي شي........بعد صعوبة لقت ليها مراة كبيرة كدا قالت ليها عندي غسيل و المراة البتغسل لي سافرت اهلها من امس ممكن تغلسي لي .........عواطف بعد فقدت الامل و الوقت اتاخر بس حمدت الله لقت ليها شغل و ما رجعت فاضية ........ردمو ليها الملابس و الصابون و خلوها تغسل انتهت قريب ادان العشاء بس انجزت و المراة ما قصرت معاها ادتها قروش كويسة و كمان ادتها باقي عيش و دقيق و رز و بواقي اكل تاكلهم اولادها. .......جرت فرحانة رجعت لي امها لقتها لابسة توبها و الشفع لولو الصغير نايم و حمودي صاحي ........هي يا عواطف بالغتي لكن كنتي وين للوقت دا .......معليش يا امي اتاخرت والله ........لالا كنتي وين ما قلتي لي .......مشيت ادبر لي قروش يا امي ........امها اتحسرت و قالت ليها ........الله يكون في العون يا بتي الله يرزقك الله كريم ........الحمدلله لله ربنا كريم ........شالت اولادها و رجعت البيت لقت فضل قاعد راقد في سرير و مروة قاعدة في سريرها ......
يتبع....
