عواطف مشت فتحت تلفون فضل و شالت رقم اخوهو رامي و اتصلت بيهو...... السلام عليكم معاي رامي...... ايوة منو معاي. .. .. انا عواطف زوجة فضل .......اهلين عواطف كيفك......الحمدلله بخير ......كيف الاولاد ان شاء كويسين.....بخير الحمد لله......بس فضل عيان......سلامتو مالو .......حكت ليهو كل القصة. ......رامي قال ليها ما تشيلي هم حاجة خلاص انا متكفل بكل التكاليف و ما تشيلي هم انا جاي و معاي الحاجة الاسبوع الجاي دا.....عواطف فرحت و قلبها ارتاح و شكرت رامي.......نحن المفروض نشكرك لانك بنت اصول وقفتي مع فضل رغم مرضو و عدم صرفو .......قالت ليهو اي واحدة في مكاني بتعمل كدا ........لا والله ما اي مراة بتعمل كدا لكن فضل محظوظ .......تسلم يارب.......
السلام عليكم ......اهلين يا سمية كيفك. ......الحمدلله تمام جاياك في خدمة .......اها شنو تامري.......بتي فيحاء حكت لي بي قصة صحبتها .....قصة غريبة انا عايزاك تعملي الاجراءات اللازمة عشان البت ما تضيع و دا عمل انساني في الاخر.......اها قصتها شنو دي. .......تخيلي بس ابوها بتحرش بيها ......لا حول ولا قوة إلا بالله سبحان الله بس خلاص انا حاتولي الموضوع دا بس اكتبي لي تفاصيلهم و ساكنين وين........خلاص تمام بسال فيحاء .......بس قصة غريبة الام وين من القصة دي ......ما دا الحارقني وقاطع قلبي الام عارفة و ساكتة عن الموضوع نسوان اخر زمن ما بهمهن شيء غير لقمة العيش و راجل يضلل عليها. .....
فعلا رامي و امو جو الخرطوم و نزلو عند ناس فضل. .....لقو فضل قاعد لما شافهم وقف علي حيلو.......امو مشت سلمت عليهو و الدمعة في عينها .......فضل بكل برود قال ليهم الجابكم شنو هنا ......رامي جبتها ليه و انت ما قلت انا زول كعب و عاق جايني لي شنو. ......رامي سكت لانو قدر موقفو. .......امو تبكي و تعتذر يا ولدي سامحنا انا وابوك والله ما كان قصدنا شئ لكن متوكل ولدنا و انت ولدنا. ......لالا انا ما ولدكم انا يتيم مقطوع من شجرة من يوم طلعت من البيت انا يتيم ........امو مسكت الاولاد تحضن فيهم و عواطف فرحانة بي اهل فضل .....
في اليوم التاني مشو مع فضل المصح و رامي دفع التكاليف و الدكتور دخل فضل اول جلسة .......كان بسالو اسئلة عادية جدا و بديهية......زي اسمك و اليوم شنو ،يوم كم ، الجا معاك منو ، قال عواطف مرتي .....و تاني المراة التانية .......ما بعرفها والله ........الدكتور حس الموضوع فيهو انة.......كيف ما بتعرفها ما بتذكرها يعني ولا قصدك شنو ........ما بعرفها قلت ليك ولا عايز اعرفها ........الدكتور فهم انو عندو مشكلة مع امو حدد ليهو مواعيد و قال ليهو تجي اليوم الفلاني........الدكتور قال لي رامي احكي لي اي مشكلة ممكن تفيدنا في العلاج قصتو شنو مع امو ........رامي اضطر حكي ليهو كل شيء بالتفاصيل.....و حكي ليهو انو فضل متهم بي قتل متوكل اخوهم الكبير. ......الدكتور دون القصة و بقي شبه متأكد انو فضل كتل متوكل ........
رجعو البيت و فضل ما طايق امو. .......بس ساكت ساي و ما قادر يهضمها ولا قادر يغفر ليها العملتو ......بعد كم يوم وقبل مواعيد المقابلة بابهم دق .......مشت ااميرة فتحت الباب لقتهم الشرطة و قالو ليها دا بيت فضل الله......ايوة......منو يا اميرة عواطف جات علي الباب .......ظهرو ليها عناصر الشرطة و جزو منهم قاعدين في البوكس ......وين فضل عندنا امر بالقبض عليهو .......فضل مالو عمل شنو .......لما تمشو القسم بتفهمو كل شيء دخلو خمو فضل و ختوهو في البوكس و مشو .......رامي لحقهم و عواطف معاهو ........وصلو و سالو الضابط في شنو ليه قابضنو .....الشرطي قال ليهم حماية المرأة و الطفل متهمنو بالتحرش بي بنتو الوحيدة ........
يتبع....
