قالو ليهو انت متهم بي اغتصاب و قتل الطفل خالد محمود ........متوكل نكر حطب و قال ليهم انا مستحيل اعمل حاجة زي دي اسالو مني .......امو قالت ليهو مستحيل ولدي يعمل كدا و فضل هنا اتصدم في امو .......كان سكتت كان قدر موقفها و دي امو في الاخر اكيد ما حتشهد ضد ولدها ......... المصيبة امو قالت ليهو متوكل كان مع فضل اخوهو و انا واثقة من كدا و فضل هدا ليهو .........فضل موش كنت قبيل مع متوكل اخوك .......فضل حس انو مختوت في موقف لايحسد عليه و اكيد ما حيشهد ضد اخوهو بما انو امو و ابوهو متواطئين معاهو .......فعلا متوكل طلع منها زي الشعرة من العجين و في ناس شهدو بي شرف العيلة و قالو مستحيل يعمل كدا .......بس في بعض الاطفال قالو اخر مرة شافو خالد كان مع متوكل و دا الجاب ليهو التهمة .......
.بعدها فضل بقى في نزاع داخلي هل العملو صاح ولا غلط و ربنا يمكن يحاسبو بالموضوع دا و بدأ يكره ناس البيت واحد واحد خاصة متوكل .......بعدها بي فترة للاسف متوكل اتعرض لي فضل ذات نفسو و بدا يقنع فيهو بالفحشاء ّ.......بس فضل كان برفض تماما و بقى مصدوم في اخوهو البحنس فيهو لي حاجة حرام حرمة مغلظة ........بس يوم متوكل حاول يغتصب فضل بالقوة بعد الاقناع ما نفع معاهو ........فضل كان لسة طفل تقريبا و قدام قوة متوكل ضعيف ........متوكل اغتصبو و خلاهو يكورك و فضل للحظة حس انو ممكن متوكل يكتلو زي ما كتل خالد ........رفض يسكت المرة دي و كلم اهلو و قال ليهم انا حامشي ابلغ فيهو و اكلم الشرطة بالعملو مع خالد و انا شفتو بي عيوني .........بس للاسف ردة فعل اهلو ما كانت متوقعة .......شاكلو متوكل و اي شي و قالو لي فضل لو بلغت ما ينعفي ليك دا اخوك و انتو الأتنين اولادنا مستحيل نقدر نستغني عن واحد فيكم ايا كان السبب .......بس فضل حس انو متوكل اهم منو في نظر اهلو و حس انو مافي عدالة .....كل همهم بس متوكل ما يضيع و ما يخش السجن ........امو جاتو بي طيب قالت ليهو انت لو بلغت اخوك ممكن يعدموهو حتستفيد شنو و نحن نستفيد شنو .......بس فضل كان كلامو بين دموعو .....يتعاقب يا امي اتعاقب علي الغلط العملو دي الفايدة و اسي انتو لو خليتوهو من اول مرة اتسجن ما كان عمل فيني كدا .......و بعدين ربنا دا عمل عقاب لي شنو ؟ حنستفيد شنو بعد الغلط يكون وقع و خلص ربنا يعاقبنا يوم القيامة لي شنو ؟ دا العدل العداااالة انو يتعاقب ........انت يا فضل مالك حاقد كدي ؟ حرام عليك اخوك دا قصر معاك في شنو و دا اخوك اساسا كيف تشيل ليهو الحقد الجواك دا كلو ........يعني انتي شايفة اني حاقد و هو ما عمل حاجة تستاهل دا كلو .......نحن شاكلناهو والله تاني ما بتعرض ليك إلا كان داير تخرب علينا حياتنا يا فضل ........فضل ما قدر يصبر عشان يسمع باقي كلام امو .......طلع من البيت الطلعة البلاء عودة .....
رجع ليهم بعد بقى راجل و عايز يتزوج ........امو لاقتو بالأحضان و الدموع و كانت فاكراهو نسى الماضي .......بس كان لقاهو بيهم بارد جدا ........و هم فرحو ليهو و مشو معاهو يخطبو عواطف عشان يرجع يرضى عنهم بس بعد تم الزواج و ساق عواطف تاني ما جا شافهم و حتى رامي اخوهو لاقاهو ياداب الوقت حق العرس .......قالو ليهو اخوك كان مسافر عشان الشغل ........بعدها رامي كل ما يجي الخرطوم لي غرض سواء دراسة بغشى يسلم على فضل ........اما متوكل رغم الشغل و التجارة البتجيبو الخرطوم بس ما حصل جاهو في بيتو يمكن خجلان من ماضيهو معاهو .........و بعد امهم غلبها و عايزة تشوف فضل و اولادو متوكل وعدها انو يمشي يتكلم معاهو و يستسمحو عشان يرجع ليهم .......
رامي بقى مزهول من كلام امو الكانت بتحكي و تبكي .........والله فضل كان كتلو ما خاتي عليهو سبحان الله .......معقول يا امي .......حرام عليكم والله .......يا ولدي عاد اسوي شنو ؟ ما بقدر استغنى عن واحد فيهم قدر موقفنا انا وابوك يا رامي ........ما عارف اقول شنو ؟ ما عارف بس الاتعرض ليهو فضل دا ظلم كبير شديد انا لو مكانو ما بتحمل ....
يتبع....
