She's Yours

24th

< Anna Grecque’s PoV >

“Bagay talaga sila!”

“Kinikilig ako kay Xyrus!”

“Ang swerte ni Anna!”

“Bagay talaga sila!”

Kahit saan atang parte ng school na madaanan namin ay panay kami ang pinag-uusapan nila. Hindi naman pinapansin ni Xyrus ang mga ito kaya pinapabayaan ko na lang din.

“Pass your notebooks.” –Utos ni Miss sa amin nang magsimula na ang klase niya.

Nasa klase na kami ngayon. Gaya nga ng sabi niya ay sumunod naman ang mga kaklase ko. Ganun din naman si Xyrus na naglabas pa ng blue na notebook. Ipinasa na nila ito sa unahan.

“Kulang ng isa, sinong di nagpasa?” –Miss

Ako yun. Nagtaas na ako ng kamay para ipaalam na ako yun. Baka kasi mas magalit pa si Miss kapag makipaglaro pa ako sa kanya ng Hide and Seek. Mukha din pating wala siya sa mood magturo at ibinaling niya sa amin ang galit niya. Well, sa tingin ko, sa akin lahat mapupunta ang mga ito.

Nasa akin na din marahil ang atensyon ng lahat pero hindi ko ito pinansin. Nasa harap na ng desk ko si Miss at magkaharap na kaming dalawa.

“Alam mo ba HS ka pa lang? Obligado ang lahat ng estudyante dito na magpasa ng notebook nila. Nasan yung iyo?”

“Nasa locker.”

“Kunin mo.”

“No need. There is nothing written there.”

“How dare you, Miss Grecque? I don’t tolerate lazy students in my class! Paano pa’t nabigyan ka ng notebook kung di mo man lang gagamitin? This lunch, go to my office.”

Kilala pala niya ako. Ang galing naman ni ma’am. Pagkatapos niyang sabihin ito sa mismong harap ko ay tumalikod na siya at bumalik sa teacher’s table na nasa unahan. Muli, itinaas ko ang kamay ko para tawagin ang atensyon niya.

“What’s your name, Miss?” –Tanong ko. Mabuti na rin na alam ko kung sino ang ahhanapin ko mamaya. Baka naman kasi maligaw pa ako.

Nanlaki ang mga mata ni Miss at galit na galit na tumingin sa akin. “You don’t know me?”

“No.” –Tipid naman na sagot ko. Hindi naman sa nakikipaglokohan ako sa kanya pero hindi ko talaga alam kung ano ang pangalan niya.  Tanging si Pinocchio lang ang kilala ko sa kanila. Required ba na dapat kialla ng bawat estudyante ang lahat ng magiging teachers nila? “Is this our music class?”

Mas lalo namang namula si Miss. Anong mali sa tanong ko? Masama na ba ang magtanong ngayon? Kinokompirma ko lang naman sa kanya kung music class nga ba ito. Oo o hindi lang naman ang isasagot niya e.

“I’m not your music teacher, Miss Grecque! You’re in my History class!”

Oooh. History teacher pala namin siya. Bahagya namang nagtawanan yung mga kaklase ko at kay Kris na naman ang pinakamalakas. Nagpipigil namang ng tawa si Jade at ang karamihan sa mga babae. What’s funny? Nang dumako ang mga mata ko kay Xyrus, seryoso siyang nakatingin sa akin. Para pa nga siyang galit e. What’s irritating?

“Salve Barra. Yan ang hahanapin mo!”

“Okay.”

Pagkatapos nun ay sinermonan lang niya kami. Keso daw ang mga kabataan ngayon ay iba na ang ugali. Hindi na daw marunong gumalang dahil masyado ng liberated. Ipinaliwanag pa niya ang kung ano-ano pang bagay na maaaring kahinatnan ng mga walang galang na bata sa lipunan. Mukha ngang mas lalo kong ginawang bad mood si Miss.