قلب قابل للكسر

Part 1

#قلب_قابل_للكسر

،،،،،،،،،،،،بقلم الكاتبه زينب ماجد،،،،،،،،،،،،،،

البارت_1

الناس نوعان.. فئةً تراك طيب فتحبك.. واخرى تراك طيب فتأكلك..💔🍃

في زمناً أصبحت فيه الثقه .. ذنب.. نندم عليه كثيرا..في ما بعد..

لان برائة قلوبنا.. لا تتناسب مع بشاعة هذا العالم المليء بالنفاق والكذب..

أناسًُ تثق بِهم.. ويملئون عليك حياتك.. وتعتبرهم هم الاقرب اليك.. لكن للأسف..!!

تكتشف ان اقرب انسان لك.. يمتلك وجهان.. كأوجه القمر.. وجه مضيء حسن ..و وجه خفي ..مضلم ومخيف..

نكتشف هذا بعد فوات الاوان حقا.. لتكون قلوبنا قابله للكسر.. بقلم (زينب ماجد)

البصره_ الطمر الصحي _ يوم 30/5/ 2004 الخامسه فجراً

..سياره نقل صفت بمنطقة الطمر الصحي.. نزل السايق يفرغ النفايات.. وهو ديشمر بالزبل..

لكى جثة بشريه.... مملوئه بالدم.. من تحت الزبايل فنتفض خايف منها..

_لا اله الا الله شنو هاي ياربي.. جثه.. خفت اتقرب.. باوعت منا منا.. محد موجود.. الشارع فارغ..

سميت باسم الله.. وبعدت الزباله عن الجثه.. لكيت جثة شاب اصغير بحدود ال15 اقل هيج عمر..

مديت ايدي على ركبته.. اتحسس النبض.. ماكو نبض كمت من يمه بسرعه.. لا يا الله ميت هلولد انوب لزمته..

لا انوب تبقى اثار ايدي عليه واتورط.. شعليه.. افلت منا احسنلي.. ركبت السياره ومشيت.. بس ضميري ما انطاني ابقي جثته بالشارع حرام..

جثة ابن ادم اتركها للكلاب.. جان اكو مقر عسكري للقوات البريطانيا.. كلت بلكت الكى واحد يساعدنه بنقل الجثه..

صفيت السياره.. ونزلت.. اديه ترجف.. تخوف لا انوب تنشمر براسي.. شفت واحد من المقر طالع.. ركضت..

-السلام عليكم.. احجي وقلبي مثل الجرس دكاته

-وعليكم السلام تفضل يخوي..

-الحمدلله انت عربي

-مترجم كويتي .. آمر يخوي وش تبي.

-الله يخليك خويه هناك بالطمر اكو جثة وليد صغير شاب بعده.. مشموره جوه الانقاض ساعدني نشوفها وننقلها..

- وين في

-اخذت المترجم.. وركضنه طلعنه الجثه.. شلناه بسياره عسكريه ووديناه لمستشفى العسكري .. دخلنا للطب العدلي..

ما قبلو اروح.. رادو يسجلون اقوالي اول مره وبعدين اروح.. فبقيت.. شوي وطلعو الولد يركضون بيه..

كتلهم هااا شكو..

الدكتور احمد - هذا الولد بي نبض كللللش ضعيف.. عفت الرجال وتوجهت الصالة العمليات..