قلب قابل للكسر

part20

#قلب_قابل_للكسر

//////بقلم الكاتبه زينب ماجد//////

البارت_20

يسار....تلمين صاكين موو.. كامت تصفن بوجهي الخدود كامت تشمر طماطه من الاحمرار.. عافتني وكامت مني..

جاي اتفوت ربدت الصواني وراها وركضت ما اهتمت.. هزيت راسي مو اكول هلبنيه شافطه مو صاحيه..

كمت.. صعدت للغرفه اخذت هدوم وطبيت للحمام .. ارتميت بالبانيو على ماي بارد استرخاء نفسي..

حوراء..... كمت من يمه ركض شكد عيب سامعني واني احجي... يبووووه يلفشله..

باوعت للبنيه نايمه... شكد انقهرت عليها خطيه.. شكد تأذيت بوفاة بابه واحس نفسي بقيت بلايه سند بس فقدان الام اصعب..

وهاي طفله تحتاج امها.. باوعت للساعه 9 ونص.. ودنكت ورجعت باوعت لا يا الله ... العشق الممنوع بادي شلون هسه .. شلون اباوع

عيب منهم اشغل تلفزيون وهمه عدهم فاتحه.. خرب اشلون هسه ما اشوف حلاوة گلبي ..

بقيت الوب.. اخر شي قفلت الباب وشغلت التلفزيون ونصيته حيل.. وكعدت يم التلفزيون اباوع..

شفتها بعدها ممخلصه.. كعدت الطفله.. اوف يا الله.. شلت البنيه تبجي ... اسكت بيها تصرخ.. كمت اهز وامشي..

بالنص ساعه... وهي بس تبجي فرفح كلبها.. اني كمت ابجي وياها ما تسكت يا الله شلون.. اندكت الباب..

ردت افتح.. اتذكرت التلفزيون مشغل.. طفيته.. وفتحت الباب.. طلع يسار..

-شبيها الطفله ليش هيج تصرخ..

-شمدريني ما جاي تسكت..

-اخذتها من ايدها.. كافي خالو كافي اباوعلها حوراء هم تبجي... صحت انتي الثانيه شبيج..

-انقهرت عليها ما تسكت..

-دسكتي هسه لا تخبلين الطفله.. تشوفج تبجين وتزيد.. خالو خالو خالو حبيبتي.. اقنع بيها ماكو..

تعالي تعالي حبيبتي.. اخذتها للمطبخ.. اهز بيها.. وهي تشمر نفسها وره.. باوعت وراي حوراء.. كتلها شنو تريدج..

اخذتها.. وبس تبجي.. طلعتلها برتقال موز.. ابد ما قبلت... فتحت موبايلي وانطيته الها جرت الموبايل..

باوعت بيه انوب بجت.. خليته بيدها واخذتها وطلعت للحديقه.. هدت من طلعت.. حوراء وراي بس تبجي..

صحت والله خبلتيها هيه ما بجت بكدج..

-شسوي تقهرني..

-دسكتي كافي.. تمشينه بالحديقه وكعدتها على المرجوحه وكمت اهز بيها.. افترهت البنيه  انوب شافت بزون..

نزلت من حظني وراحت علبزون تصيح.. دمعت بابتسامه.. الله يرحمها اليوم ليلة وحشه عليها