قلب قابل للكسر

part 19

بارت مفاجئ لعيونكم..😉

#قلب_قابل_للكسر

//////بقلم الكاتبه زينب ماجد//////

البارت_19

هد نص حيلي بغدره .. وتكلي لا تنقهر فدوه گلي  منين اتلكاها  وارتاح وهاي اخيتي جنازتها مشموره.. قليله عليه موتت اختي واطفالها صغار ميتمين..

تعبت وحق هوه الحق تعبت دنكت ابجي حيل.. حظني لصدره وباس راسي وبجه وياي..

رفع راسه.. مسح دموعي.. وكال حبيبي انته قوي.. وان شاءالله عساها بحظهم وابختهم بجاه هوه العباس ابو فاضل

يعثر كل واحد اذاك وجرح گلبك.. ما يسون البجي وتبجي عليهم.. راحو عساهم لا ردو..

-هزيت راسي.. مسحت عيوني.. كوم خل نرجع ابو علي ورانه دفن والوالد خطيه يضل باله..

كمت.. اني وياه وطلعنه بالسياره رجعنه لاهلي بعدهم يبجون.. امي تبجي وكالولها اجه يسار.. كامت تصيح يمه يسار وينك..

اجيتها هلا يمه.. كرفصت على ركبي وكعدت كبتلها مسحت دموعها..

-ييمه والله بعد ما بيه حيل صدمه..

-ووكعت بحظني تبجي.. حظنتها وبجيت.. صاح بشار يمه كافي الدكتور منعه من البجي ومن الحزن مو زين عليه..

الحجي.. شكاللكم الدكتور

بشار... گلبه تعبان.. والطلقات الجانن بجسمه اثرخن بجسمه لليوم اذاهن موجود.. وكال عنده تشنج بعضلات القلب..

يحتاج للراحه والابتعاد عن الحزن والتوتر والعصبيه كلش مو زينه عليه..

الحجي... بشار اخذ اخوك بويه وارجعو

يسار... لا يابه ما بقى ساعه علدفن.. اذا احنه اخوتها ما نظفنها منو يدفنها الغريب..

الحجي... بويه استر علينه ما بينه نتحمل بعد والله. 

-يابه والله ماليه شي بس لتكبرون الموضوع.. كل السالفه تعبت لان ما نايم.. شبيكم..

عفتهم.. ورحت للسياره.. خليت راسي على الستيرن ... احس دنياتي غابه بليل ضلمه. ضايع ما اندل طريقي منين..

صدقا تعبت..  اريد ارتاح ماكو.. خيانة مهى بصفحه وغدر سنان بصفحه.. وموت اختي بصفحه ثانيه تعبني موتها حيل..

اتذكرها لو اتذكر خوفها عليه لو جهالها اليتراكضولي خالو خالو.. رجعت راسي للكرسي.. وكمت ابجي حيل..

انكسر ضهري والله.. جاي ابجي فتح الباب بشار.. مسحت دموعي.. ودرتله..

-حبيبي يسوري كافي لا تنقهر والله مو هين علينه حالتك.. هاك اخذ هذا الدوه

-مال شنو هذا..

-مال قلب كتبه الدكتور الك..

-اخذت الحبايه منه وصاح حسين بطل مي ليسار.. جابولي مي شربت.. لهناك صلينه وطلعنه للمقبره الفجر بعدها الشمس ما طالعه..