قلب قابل للكسر

part 22

#قلب_قابل_للكسر 💔

//////بقلم الكاتبه زينب ماجد//////

البارت_22

جاي اصعد.. وسمعت بشار صاح.. بوووووويه.. ابشر.. صحت هاااا.. كال خابرتي رحيم كال عمي اني باجر جاي بس عوفو ابني..

يسار... ههههههه خوش خبر يعني ينلزم سنان..

بشار..... بحيل الله اذا رحيم اعترف بكلشي يعني نشتكي عليه عند بوليس لبنان.. ويتم القاء القبض عليه ويرجع حقنه

صاح ابوي الحمدلله رب العالمين .. بويه اكللكمياها واحفظوها زين.. من كان مع الله كان الله معه.. واحنه الحق انه اكيد الله يعاونه...

يسار..... ان شاءالله بجاه العباس ينلزم سنان الا اكله بسنوني..

بشار.... انته تاكله بسنونك... والله لك انته اذا بچى كدامك وكالك يسار سامحني تحظنه.. وتكله مسامح

-هههههه والله ما استبعدها شسوي الگلبي الله بلاني بيه...

بشار... لتخاف لو سويتها صدك لا  من صدك اشك صدرك واگصه

-تسويلي فضل وربك

-ههههه يله اودعناكم تصبحون على خير ... 

-وانته من اهله... من الفرحه ما رحت لغرفتي نزلت للكراج كمت افتر منا واجي منا الله هيج والزم سنان يارب يوكع بأديه..

بقيت افتر بدون وعي وافكر.. دخلت للبيت.. جاي اصعد.. جان تصيح حوراء يساار..

درت وجهي .. نعم

-اذا متصير زحمه خلي الحاسبه مالتك عندي بس اباوع بيها ..

- اي كدامج  ادللي تعاي اخذيه... صعدت.. صعدت وراي.. شلتها وانطيتها الها..

-طلعلي هذا الموقع اليطلع المسلسل

-قصدج گوگل

-ما اعرف شسمه المهم طلعلياه لان اني ما اعرف افتحها..

-عمي هم ادللي.. بعد..كعدت علكرسي وخليت الحاسبه كبالي وفتحتها.. تانيتها تفتح..

شلت راسي الها وهي تباوع وياي... شمخلصه دراسه انتي..

-رابع ادبي وتوفى ابوي وما كملت بطلت من اجيت اهنا..

-ليش بطلتي.. ؟

-مو بعد وفاة ابوي امي تركت بيتنه وجابتني وياها هنا وانه جنت على ابواب امتحانات وغبت 20 يوم بالوفاة انلاصت

-رجعي السنه الجايه وكملي..

-انه اصلا مو زينه بالدراسه مو كلش شاطره  

-ليش.. باوعت على الحاسبه كمت ابحث بيها.. وهي تحجي..

-من جان ابوي موجود جان مريض وانه اداريه وانه اطبخ وانه عليه كلشي.. لهيج ما جان عندي وكت ادرس