قلب قابل للكسر

Part 28

#قلب_قابل_للكسر

//////بقلم الكاتبه زينب ماجد//////

البارت_28

سهاد.... والفاجئ مهى بيك اكثر مقطع صوتي وانته تتوسل بسنان حتى تروح لشقة الاسمها  نوف...

يسار.... اني اتوسل بيه.. ماكو هيج حجي.. بقيت اباوع بالكاع شوكت توسلت بسنان.. اتذكرت.. بيومها خابرتني الاسمها نوف

ورادت تعتذر مني على الصار وسكرها ونومها بشقتي.. كتبها مصار شي فهي كالت لا اذا مقبلت عزيمتي يعني ما سامحتني ومن هلحجي البلا طعم..

ف ما حبيت اروح اشوفها وحدي وهي صديقة سنان مو صديقتي فكتله تعال وياي ما قبل ورحت التقيت وياها بمطعم مو بشقه..

-خابرتك مهى بوقتها.. ؟ وكالتلك وينك.. كتلها جاي افتر..

-اي لان فعلا وقت اللي خابرتني اني كنت افتر.. لقائي بنوف ما طول اكثر من نص ساعه.. بنت لا اعرفها ولا تعرفني عليش كاعد ادك حجي وياها..

-يعني كل هذا تخطيط سنان.. ؟ وهيج لعب عليكم اثنينكم..

-واللهي بعد اللي سواه ما استغرب كولشي اسمعه عنه.. وانه ما خسران... همه اللي خسروا.. ذاك سنان خسر كلشي..

وانه بقيت يسار ابن حجي هيثم.. وشركتي رجعتها وجامعتي هاي اخر سنه وامي وياي وراحت مهى اتزوجت الاجمل والاحسن منها.. وشفتي بعينج..

- والله يسار انته طيب الله شاهد وتستاهل كل خير.. وانه جيتك هنا حتى ابررلك موقفي وافتهم الصار منك ..

وما خابرتك والله لان ما عندي رقمك بالعراق..

-زين من جنه هنا ليش ما خبرتيني.. ليش ضميتو عني وخليتو سنان يبررلكم ليش ما طلبتو تبرير مني..

-والله حجيت وي مهى وكتلها احجي وياه واذا هاي انه احجي ويه يسار وافتهم منه.. كالت اطلعي منها الجذب كل هلسنين يعرف يتمسكن ويجذب مره لخ..

انهي علاقتي وياه اعرف شوكت.. بس ابد ما جابتلي سيره على زواجها من سنان حتى جان وفاة ابوها الناس كلها كامت تحجي..

وهي تعاركت وي اهلها واخوتها وكالتلهم بكيفي وعاندت واجت عدنه واتزوجت من بيتنه ..

سنان الكلب جان يقره براسها ان هوه يحبها من زمان.. ويخاف عليها منك.. ودوم يخابر ويحجي وياها..

حتى يكلها بطلت شرب ونسوان من وراج انتي كفيتيني كمت ما اشوف بعيني وحده غيرج..

-هههههي هزيت بيدي والله يا الله .. عمي الله يسعدهم.. شسويلهم.. يلاكوها بعافيتهم ان شاءالله..  همه جدرج ولگه قبقه. 

-اللي اتمناه منك متلخذ مني موقف لان وربك اني احبك مثل اخويه واتمنالك الخير والحمدلله الله بعدهم عنك لان جد ميستاهلوك..