قلب قابل للكسر

Part 11

#قلب_قابل_للكسر

//////بقلم الكاتبه زينب ماجد//////

البارت_11

بلغنا الشرطه اني والجماعه.. وطلعنه اندور عليه.. افتر راسي وين الكاه يا الله.. شنو اكو لأمه جبته وياي البنان وانكتل.. يا الله ساعدني

افتر بالسياره.. والجماعه وياي.. زيد كال لتخاف نلكاه والله.. كتله وين نلكاه فص ملح وذاب..

لل3 بليل واحنه ندور.. ماكو.. واتصل على رقمه.. مغلق..

لزمني زيد وكال الصباح رباح.. ارجع ارتاح.. واحنه ان شاءالله نشوف معارفنا هنا ونخليهم يساعدونه..

ان شاءالله.. رجعو هم لشققهم.. واني رجعت لشقتي يا الله وين يكون هسه.. وين راح الكاه.. اووف يا سنان شسويت بينا..

حاولت انام.. ماكو نوم ميجي لعيوني.. بقيت كاعد على الشرفه.. منتضر الصبح يطلع واطلع ادور عليه..

كعدت على كرسي هزاز .. ومخلي البطانيه فوكاي والجو بارد فد مره.. غفيت.. ما كعدت غير على صوت الباخره وهي تصفر..

فزيت.. ابوع بياض الصبح طلع.. شلت ايدي باوعت للساعه.. ب7 الا.. الموبايل يمي على الطاوله..

اخذته ودكيت.. على عمار اخوي.. اكيد يكون كاعد هسه..

الووو..

الوو هلا عمار شلونك

هلا حبيبي يسوري شلونك.. شكو اليوم شو من الصبح..

-حبيت اسلم عليك..

-خير لك اشبيك احجي صوتك مخنوك.

-بجيت متحملت.. كام يسمع بس صوت النفس  مالتي واني لسحب بأنفي بنشله  ..

-لك دكوول شبيك اخذت كلبي..

-سنان ماكو عمار ضيعته وضيعتنا لبنان..

-شنو يعني ماكو يسار شنو الصاير..

-ذاك اليوم رحنا سهرنا بنادي ليلي ولطشتلي وحده الا توصلني .. صوجي گلبي مابي خير واخذتها.. تالي طلعتلي فخ وصوروني وياه..

-شلون صوروك وياه.. ماخذها بالشارع..

-لا بس هي شمرت نفسها وسكرانه وصعدتها لغرفتها ..

-اوووف يا يسار هذا الجنت خايف منه ونوصيك بي.. لك بابا كتلك لبنان رب المافيات والزعران.  لدخلون بهيج سوالف..

-ما رايح والله اصلا تعرفني ما اطب هيج اماكن..

-بابا من حقك شاب تريد تشوف عادي اتمتع بس النسوان خليهن خط احمر عندك.. تره يجرنك لوين ماكو سالفه زفره..

-عمار هسه اشلون بسنان گلي..

-ما خبرت شرطه..

-خبرتهم..