قلب قابل للكسر

part 17

#قلب_قابل_للكسر

//////بقلم الكاتبه زينب ماجد//////

البارت_17

اتفاجئت... معقوله سنان يتزوج سهاد وميكلي.. اباوع لسهاد... مدنكه.. حجيت درفعي راسج خويه خل انشوفج... ان شاءالله  شايفه الف خير..

.. رفعت راسها عليه.. واني اباوع بالمرايا و اضحك.. من صارت بوجهي... انصدمت..بقيت صافن مهى..؟!!

شنو مهى العروس..اباوع لسنان مدنك وووجه احمر دم اباوعلها رافعه حاجبه وتبتسملي بحقاره بعمري ما ناسي نظرتها والله..

بقيت مصدوم فهموني شنو الديصير.. صاح ابوه اطلع يابه.. بقيت بس داير عيوني عليهم واباوع اريد افتهم شنو الموضوع..

شنو سنان عريس شنو مهى... سألته سنان شديصير.. صاح ابوه... بويه الناس تباوعلنه اطلع بساع شمالك..

اريد انطق كلمه.. انشل الساني من هول اللي جاي اشوفه.. حركت السياره وامشي واباوعلهم

عيوني حركتني اريد ابجي.. جسمي احسه صار نار.. بودي اضرب السياره واموتهم واموت وياهم..

اريد اوكف واصيح واكلهم شسويتو ليش هيج..  شنو القصرته وياكم وتسوون بيه هيج..

سنان اللي صار اسبوع ضهري انكسر على عرسه.. لو هاي اللي كل يوم اخابرها وتگلي مشتاقتلك وتواعدني وتريد تشوفني..

كل هذا جذب.. اشيل عيوني.. اريد سنان يجاوبني... مدنك ما شال وجه بعيوني.. وهي مبتسمه بحقاره ولا همها..

اريد اوقف السياره اريد انزل اكتلهم اريد افرغ طاقتي وحرگة گلبي بيهم... وگفت السياره.. سأل ابوه ها بويه شو وكفت..

فتحت باب السياره.. ونزلت... درت و فتحت باب السياره الوره.. ولزمت سنان من ياخته جريته وولكاع..

لك يا نذل بس گلي شسويتلك.. احجي.. مايرد... ولك جاي اكلك احجيييييييي ضربته بوكس..

ولك ابن الكلب.. ابن الحرام ما غزر وياك طيبي ما غزرت العشره بعينك... ولك صديقي تبيعني علمود مره.. ابن الكلببببببببببببب

فقدت واني اضرب بيه وهمه يردون يفرغونه مني يجروه ماكو دميت وجها.. جان تنزل مهى وتدفعني حيل من فوكاه..

دفعتني لو النار گبت بجسمي... كمت الها اريد اكلها اكل... كمت اصيح عاهره وادفعينيييييي  لزموني وجروها وصعدوها بالسيارات البقيه.  وهي تصيح تستاهل يا نذل

لج بنت الكلب.. بنت الشوارع.. لج لو بيج خير جان صنتي بس انتو نفس المستنقع ونفس الوصخ

متناسبوني... ولج انه نذل بنت الكلب ولكم اشرف راسكم وعشايركم اني مناعيييييييل... عبالكمممممم تذلونيييييي..

جبيركم هوه وچلبي... تعرفون هوفن لو لاااا اشرف واطهر منكم يا كلاااااااب بقيت اصرخ..