قلب قابل للكسر

Part 6

#قلب_قابل_للكسر

//////بقلم الكاتبه زينب ماجد//////

البارت_6

المكان🔍_بيت حجي هيثم

كانت الاجواء جدا مؤلمه ب بيت حجي هيثم.. بسبب فقدان ابنهم الصغير يسار..

الحجيه صفيه من قهرها على ولدها.. شكل معاها مرض السكري ونقلوها للمستشفى.. يومين. وطلعوها رجعت تنام بغرفة يسار وتشم بفراشه وتصرخ

- اريد وليدي جيبولي ابني كل شخص تشوفه يدخل عليها تصيح اريد يسار جيبوه .. يهل الرحم ماكو رحيم ولكم گلبي اشتعل نار اريد ابنييييي..

بقت على هذا الحال تبجي وتريد ابنها.. رغم محاولات اولادها بالتصبير عليها.  كان يسار هو كلشي بالنسبه لامه..

كأي ام.. تحب كل اولادها.. لكن اخر ابن يكون عزيز من الله تتعلك روح اهله بي.. وشكد ميكبر يشوفوه بعده صغير ميكبر بعيونهم..

على هذا الحال.. صابتها جلطه خفيفه.. نامت على اثرها المستشفى اسبوعين.. ومن بعدها خرجوها..

اما الحاج هيثم.. كان يمثل القوه لكن هو كالأسد الجريح.. يحاول يكابر امام الناس لينفرد بنفسه ويزئر ويصرخ على فقدان ابنه..

اعتزل الناس ونزل عكاله ويركض من مركز لمركز ومن دائره لدائره عسا ولعل يلكى اثر الأبنه يسار..

من بعد اسبوعين ونص من الاختطاف.. اتصلو المجرمين على والد يسار..

-الوو

-نعم تفضلو

-انته هيثم عيدان..

-اي انه انتو منو

-ابنك بأستضافتنه ويسلم عليك..

-شلووووون ابني .. گلولي شسويتو بأبني فهموني.. حسابكم وياي ولد الكلب ابني شعليه..

-اسمع 15 دفتر اذا متدفع بيه.. راس ابنك ينحط ابابك..

-شتريدون انطيكم بس يرحم والديكم وليدي صغير لا تأذو

-لا تضل تبجيييي حظر الفلوس ونتصل بيك احنه ولو فكرة تخبر الشرطه حياة ابنك هي الثمن..  وانقطع الاتصال..

والد يسار بيومها انهار.. جمع ولده واخوته.  وكاللهم اريد تحظرولي المبلغ حتى بس يتصلون نكلهم جاهزين لا يكتلون الولد..

حظرو المبلغ وجانو كاعدين كل اليوم بالبيت وينتضرون اتصال علمود يسلمون المبلغ. 

من بعد 3 ايام من الاتصال.. رجعو المجرمين اتصلو بأهل يسار..

-الو

-الووو نعم ابني فدوه بس لا تكتلوه

-حظرت المبلغ

-هاذ جاهز والله بس لا تكتلون ابني..

-اي زين اليوم الساعه 8 بساحة ........ يجي واحد على دراجه ملثم لابس قميص اسود مخطط ابيض تنطي الفلوس وابنك الصبح يمك..