قلب قابل للكسر

Part 13

#قلب_قابل_للكسر

//////بقلم الكاتبه زينب ماجد//////

البارت_13

دخلت.. جاي يعدل بعگاله.. حجيت ها حجي الله يساعدك..

هو بساع شال راسه وصاح يساااار..

هههههه ركضتله حييل وكعت على راسه اوبه وابوس ايده واحظنه حيل.. خطيه هو دمعت عيونه ويبوس بيه ويكلي

- يا بويه شلون ارتاح كلبي بشوفتك

يسار .....هههههه الله يديمك حجي

بشار.....ما تعرف ولك شلون مشتاقيلك.. شنو هيج اجيت ليش ما انطيتنه خبر..

يسار.....ردت اسويها مفاجئه الكم..

الحجي... اكعد بويه اكعد ارتاح..

بشار.... يابه تره سنان وياه بقى بره..

الحجي.... افاا.. استقبله يابه عيب زحمه..

بشار.... تعاااال سنان تفضل يمعود قابل انت غريب ادخل..

دخل سنان سلم على الحجي وابوي رحب بيه

الحجي.... كل الهلا زارتنا البركه.. شلون اجيت للعراق غير تكلي..

يسار.... يابه خفت ما توافق وانه حيل مشتاقلكم..

الحجي..... هو صح صار امان احسن من قبل بس يا يابه بعدني اخاف عليك..

يسار.... يابه ميشيل الركبه اله اللي حطها.. هو يحميني..

الحجي .... والنعم بالله.. اخبر امك تحظرلك فراشك خاف تعبان..

يسار.... لا يابه لااا اريد افاجئها.. حيل مشتاگلها..

الحجي.. هاااا ا جا خوش اخابرها اكلها حظري وياي خطار..

خابرها وفتح سبيكر ورمشلي عود اسمعها.. ردت..

الوووو..

الحجي .... ها ام بشار الله يساعدج..

الحجيه..... هلا حجي هلا عيوني..

الحجي..... اكلج يابه وياي خطار مهم كلي للجماعه يحظرون غدا مرتب..

الحجيه.... هلا بالخطار نفرشلهم عيونه ان شاءالله حجي هلا بيكم..

الحجي..... يلا مع السلامه..

سد الخط وعيوني مدمعه يارب شلون راح اشوفها.. اخذت نفس وباوعت لأبوي..

الحجي.....لا تنقهر هسه تشوفها صايره تخبل مخليه حنه ومعدله رويحتها

يسار.... فدوه لأسمها..

الحجي... يلا كومولنه..

يسار.. كمنا وياه.. وخابر عمامي كاللهم يسار اجه.. بشار سبقنه للبيت.. ابوي راح للسكرتير مالته خلص كلام وياه وطلعنه..