قلب قابل للكسر

part 23

#قلب_قابل_للكسر 💔

//////بقلم الكاتبه زينب ماجد//////

البارت_23

يسار.... بقينه نضرب اخماس بأسداس.. ما نعرف شنسوي وشلون نجيب هذا الكلب..

احس النار تسعر بداخلي.. اخذ كلشي مني وتالي يكول يتبلون عليه..

كاعدين بالصاله.. اني والحجي وعمامي وولدهم.. واحد يكول للثاني شنو الحل.. ونفكر شلون نجيبه..

درت وجهي لابوي.. يعني خلاص نستسلم لهذا القرد.. ونگعد عن حقنه.. ماكو طريق نلزمه بيها..

بشار.... خايب والله اشيل عگلنه عگال اعگال واشمره باقرب زباله... اذا  هذا القرد گدر يغلبنه..

ولك احنه عشاير والناس تحلف بروسنه ونكسر خشم اكبر واحد باطل ... هذا الجربوع يگدرلنه تهيييي يا الله..

الزمه وعلي سحل اسحله.. بس خل يصبرلي النغل.. الا اطلع حليب امه من خشمه واشوفه نجوم الضهر..

يسار....اي وشلون... ؟

بشار.... هاي الشلون يم الله هوه اليلكانه الطريقه.. مدام االنه الحق... ناخذه .. الله مع الحق وينصره ...

الا صدك يابه اتذكرت شغله... والله وتفيدنه اذا استغليناها...

الحجي... گول يابه... شنهو

بشار... رقم شيخ نزار عندك .. ؟

الحجي... اي عدي ليش وشتسوي بيه..

بشار... شيخ نزار عده علاقه زينه بالكتائب والكتائب تابعه لحزب الله الاسلامي بلبنان.. خل نشوف اذا يكدر يساعدنه..

الحجي... هاك هذا الموبايل وطلع اسمه..

بشار.... اخذت الجهاز.. بحثت الرقم.. اخذته واتصلت.. جاوب.. الو..

-الو نعم

-هلا شيخ نزار شلونك

-هلا ومرحبا  ياهو ولا صغرا

-انه بشار ابو علي ابن الشيخ هيثم المقاول

-ااااااهلا وسهلا بيك وبأبوك يا طيب شلونكم بويه الحجي شلونه

-والله الحمدلله تحت رحمه... انتم شلونكم

-الحمد لله بخير

- اكلك شيخنه نريد نجي يمك نشربلنه استكان جاي ..

-يا هلا ومرحبا  تنورونه وتشرفونه..

-تسلم يا طيب يبن الاجاويد ان شاءالله نص ساعه واحنه يمك شيخنا

-هلا بيك بويه هلا ومرحبا انه بالانتضار

-مع السلامه... قفلت الخط... باوعت ليسار.. گوم وياي نروح للشيخ..

- يلا ... كمت وياه.. اخذنه سيارتنه ورحنه على بيت حجي نزار.. بالحكيميه... دكينه الباب جان هوه وابنه بأنتضارنه..