قلب قابل للكسر

Part 9

#قلب_قابل_للكسر

//////بقلم الكاتبه زينب ماجد//////

البارت_9

(ملاحظه صوت مهى اتخيلوه صوت امل العوضي لان هو دوم يشبه صوتها بيها نفس البحه هههه)

يسار..اول مجاي ندخل للجامعه.. انضربت ببنيه.. باوعتلها جاي اكول اسف.. بس عيونها حيل كبار وصفر ورموشها تكتل مدري اصطانعيات مخليه..

ارتبكت وكمت امتمت ااااا اس اسف..

مهى-ياااا اني الاسفه ما اعرف شلون ضربتك.. بليز لا تواخذني..

-بقيت صافن بعيونها كتلها اي..

-شنو اللي اي فونك بالكاع..

-شنو  هاا اباوع للكاع صدك فوني صاير وصل.. دنكت المه..

-اسفه مجنت منتبها وانضربت بيك اوووي يلفشله.. ضربت على خدها خفيف..

-لا عادي مصار شي.. انتي عراقيه..

-اي والله عراقيه انت عراقي..

-اي.. جاي نحجي جرتها صديقتها حيل وكالتلها تعاي نشوف القسم..

بقيت اباوع عليها بيضه حيل والوجه بيضوي وطول وجسم رشيق هلكد حلوه خرب يومك يسار هاي بدايتها يا الله..

-خب هيوووو

-هييووو بعينك صوتك احنه بالجامعه شوي استچن شخصيات عراقيه وكذا لتمثلنه بهمجيتك..

-خب هيو البوكس كلش حلو وين تريده على الخدين ميخالف فوك العين ميخالف  واذا  اذا علشفه بعد احسن👊👊👊

-همجي متصيرلك جاره  ..

-وانت حقنه ..

-باوعتله صفح .. دمشي امشي خل انشوف اقسامنه. دنمشي وضربني ضربه بزندي احس ايدي نخلعت ويصيح لك بااااوع اخ الله..

-شكو يمعود ايدي انكسرت..

-لك بربك بس باع هاي..

-باوعت لابسه قصير ومدنك .. كتله طاح حظك وحظ سوالفك هههههه امشي فضحتنه لخاطر الكعبه..

-لااااا اني اذا ابقى وي هلحلوات اموت..

-وعساك دمشي يمعود.. اجر بي وهو يدير راسه ويباوع.. كتله حقك انت مشايف يادوب حدك لشارع الجزائر وصحت دمشيييي

-ااااااااي فتهمت  خرب يومك

-هههههههه .. حظنته ومشينه.. رحنه شفنا قسمنا.. يسسسس .. بنفس القسم..

مشينا دخلنه القسم.. كعدت اول المقاعد على الاستيج.. صاح سنان

- دكوم عيني شكو هنااا.. ميت على جهرت الدكتور وكاعدله اول مقعد اللي يكعد بالاخير يستفاد اتعلم ابني لشوكت ابقى اعلم بيك..

-هههههه يله.. كمت ويا رجعنه ليوره.. كعدنه..

سنان انسان اجتماعي.. بساع يشمر ميانه ويه الناس كشكولي يضحك هواي.. سبورت لدرجه..