قلب قابل للكسر

part 21

#قلب_قابل_للكسر 💔

//////بقلم الكاتبه زينب ماجد//////

البارت_21

اريد الزم الموبايل بس ارجف وكع من ايدي... كمت كوه اتنفس.. صاحت امي  انعل ابو  فلوسكم شركاتكم الولد راح يمووووت

التمو عليه والحجي يصيح بويه يسار احجي شبيك.. افرك بكلبي... اريد اتنفس ماكو كمت اصرخ اااااه واريد اتنفس اختنكت...

ركض بشار لغرفتي.. دور الحبوب وجابها.. وصرخ مااااي بساااع... ركضت حوراء جابت ماي واجت وهمه كلهم ملتمين فوك راسي..

وابعد بيهم بأيدي اريد اجر الهوه وهمه مخبوصين فوكاي احسهم خنكوني... يردون يكوموني واضرب بيهم اوخرهم اختنكت..

حظنتني امي وخلتني بحظنها..

بشار.... لك بس ابلع هاي شبييييك.. حتى ترتاح

-اخذت الحبوب بلعتها... وشربتني امي الماي.. وكامت تفرك بصدري وتقره قران وتبجي..

هديت... خف التشنج بكلبي.. بس الم بقى.. ضميت راسي على رجل امي واعصر من الالم..

صاح ابوي شمتانين يموووت دگومو اخذوه... لزم ايدي عمار وصاح دگوم خل ناخذك يسار..

-هزيت راسي خف الألم ما اريد اروح.. كام الحجي يمسح على راسي ويصيح

- احترك ابو الفلوس لا بو اهلها بويه يسار لا توجع گلبك عليهن ارتاح انه ارد حقك..

عمار..... يسار تعتقد سنان اله ايد بالسالفه..

-شلت راسي من رجل امي... باوعتله .. ما ادري كلب هذا كلشي يطلع منه.. لازم نوصل لرحيم هوه الخان اكيد..

عمار.... خابرت على رحيم... مغلق.. 

بشار... سهله هسه نروح لبيته.. ومخلي مرته تخابره..

-كمت على حيلي.. وكتله امشي..

بشار.... اكعد انته گلبك احنه نروح

-مابيه شي.. كوم خل نروح..

الحجي... يابه اگعد انته ما نريد منك شي بس استر علينه احنه نتصرف

-يابه لخاطر الله لا تعاملوني هيج ما بيه شي ...

الحجي.... ولك غير اريد مصلحتك اذا متت منو يفيدك

-عساني اموت واخلص من هلدنيا.. جان المفروض اموت بيوم الرموني.. بس مكتوب عليه ينشلع كلبي اكثر من الموت..

كوم بشار خل انروح لخاطر الله... جاي اروح لزمتني امي.. باست راسي.. اذا تحبني يمه اهدء ولا تنقهر والله مابيه اتحمل صواب اختك لساع يسعر بصدري

اذا ما تهتم لامك.. وتريدها تموت امشي ولا دير بال...

-يمه والله بيه شي.. لا تخافين.. ما اموت.. الله لو ناوي ياخذني جان اخذني من زمان ما اموت مكتوب عليه شلاع الگلب..