« غلطة الشاطر بالف » مثل شعبي اكيد سمعته كتير ! بس انا عشته ، ولو فاكر انك الذكي الوحيد في الاذكي منك ، في ال قادر بسهولة يوقعك ! غلطة ، غلطة واحدة بس دمرت كل مستقبلي ، مش محتاجين تعرفوا اسمي ، مش محتاجين تعرفوا عني تفاصيل كتير ، محتاجين تعرفوا الغلطة ال انا ضعت بسببها ! ، في الحقيقة انا اتجوزت مونيكا من سنة ونص مبحبهاش ! مفيش بنا عشرة لدرجة حتي اني اتعود عليها ، في الحقيقة مفيش اي مشاعر نحيتها ، قررت افتح قلبي ولو مرة من شهرين وهو ان انا ومونيكا هنخيم يوم في مكان مفهوش حد !! بس كان يوم مرعب ، جهزنا كل امتعتنا وطلعنا بالعربية الساعة 10 بليل ، لما وصلنا المكان كان مظلم وفاضي تماما ! ، كنت بعمل الخيمة لحظت ان الموضوع جاب نتيجة بدات تقرب مني وتعملها معايا ، سهرنا شويه بس شوفنا خيال برا الخيمة طلعت لقيتها مسكت فيا ! احساس جميل ان مراتك تتحامي فيك ، طلعت اشوف في ايه ! ، بس مكنش في حد نهائي ، سمعنا صوت بين الاشجار ، حضنتني وقالتلي انها خايفة ، ولعت سجارتي وكنت مبسوط ، قولتلها ان لازم نشوف في ايه بس كانت رافضة تقعد لوحدها قالتلي انها خايفة عليا ، انا اول مرة الاقي فعلا ان في مشاعر بنا ! حتي لو الموقف مرعب ، كنت مبسوط بمسكتها ليا ، كانت مكلبشه فيا جامد ، كنت بمشي في اتجاه البحيرةة بس وقفت مرة واحدة وقالتلي الاصوات مكنتش جيا من هنا هو في ايه في حاجة غلط ؟
قولتلها ان فعلا في حاجة غلط ، وجه وقت تصلحها !! قتلتها ، طعنة بالسكين في مكان القلب مباشرة ! ، الموضوع فعلا نجح !! ، لقيت ال خيال ال كان في الخيمة واقف قدامي .. دي كريس بتقولي هنتجوز امتي ؟ هاهاها الفكرة ببساطة اني مبحبش ، انا اتجوزت مونيكا عشان فلوس ابوها ، بعد مماتت بقي معايا فلوس كتير ، من املاكها من شركتها ، الجزء ال ينقصني كانت في كريس لان ابوها عضو برلمان كبير وهو الاتجاه للسطلة ! ..
.
كريس بنت طايشة وصغيرة ، لما عرضت عليها وافقت ! وقالت انها هتشترك في العملية دي متجبش حد يعمل دور الشبح ، واظبط الخطه صح ، اقنعتني ..، بعد مقتلت مراتي مونيكا واتاكدت ان مفيش دليل ضدي ، بلغت الشرطة باختفاء مراتي واديتهم البيانات وانها رايحة تخيم في مكان ما مع صديقة ليها معرفهاش ! ، لما الشرطة راحت لقيت شيء غريب ملقتش الجثة لقيت الدم بس !! ، ازاي مكنتش عارف ، خرجت للتحقيق ، ولما رجعت لقيت السكينة في البيت مسكتها دي نفس السكينة ال قتلتها بيها !! ومكتوب بالدم علي الحيطة مش هسيبك ؟ طلعت البلكونة عشان الاقي مراتي واقفة تحت ! نزلت جري ، بس ملقتش حد !! شبح مراتي بيطاردني ، كلمت كريس قالتلي ان لازم تروح لبحيرة تشوف في اي ،لقيت نفسي بركب عربيتي وبروح البحيرة !! بس بعد دقيقتين لقيت البوليس محاوط المكان ؟ وجي مفتش بيقول للمحقق انه لقي السكينة دي هنا ! السكينة كان عليها بصماتي ! ، اتحكم عليا بالاعدام لان اختفاء الجثة مش نافي لعدم الجريمة بردو ! ، في اخر جلسه في المحكمة كانت كريس قاعدة وجمبها شبح مراتي انا شايفه !! بعد انتهاء الحكم وتاكيد الاعدام ، جت كريس ومونيكا قعدة في مكانها بتبتسملي ابتسامه سمجة !!
.
قولتها كريس !! شبح مراتي جبني هنا !! ، لقيتها بتضحك .. بتقولي في شبح بالذكاء ده ، كل الحكاية ان عرفت ان ال يخليك تعمل كده في مراتك تعمله معايا !! ليه لا ؟ مراتك ممتش انا قولتلها كل حاجة قبل العملية باسبوع ، وبما انك حاطط الخطة انا عملت لمسات بس زي اكياس تحت هدومها !! ، السكينة ال لقيتها في شقتك ساعدتني انك تحط عليها بصماتك ، انا ال اقترحت عليك ترجع البحيرة تاني .. قالتلي الكلام ده ومونيكا بتبصلي وتضحك !! ، قالتلي الكلام ده وسكتت !! وقالت لما تموت انا هورث كل حاجة هورث شركاتك وارضيك !! هتروح ضحية جشعك وخيالاتك ، ومونيكا هتعيش باسم تاني وفلوسها هترجعلها !!. مونيكا بتشاورلي باديها سلام وهيا بتضحك ، وكريس بتقولي اعدام سعيد .!!
