حدث بالفعل

سوزان

اي كلام عن الجن والعفريت والارواح بيبقي هزلي ،  مبتكملش ، بتحسها تفاهه وان مفيش حاجة زي كده ، بس انا مش لاقي تفسير لل حصلي !! ، عايز منك انت التفسير ، من اربع شهور انا عملت ل بنت جميلة جدا اسمها سوزن بعتتلي اكسيبت علي الانستا ! ، بطبعي تقيل جدا ومهتمتش لمدة يومين ، وبعدها قبلت ، متكلمناش علي طول ، صورها كانت بتشدني ، كانت جميلة فوق الوصف ! ، احساس محستوش من سنين اني هبقي اموت واكلم حد ، كنت بتخيلها معايا ديما ! ، في كل وقت بتخيلها معايا ! في نفس الوقت كنت بنزل صور عشان الفت نظرها بس مكنتش بتعمل فيفورت خالص ! ، الامر ال خلاني اتخلي عن تقلي واخش اكلمها ! ، عملت سين للمسچ بتاعتي ومردتش ! حسيت بقل من كرامتي شويه وحولت متكلمش وانساها بس بعدها بيوم قالتلي « اسفة كنت تعبانة ومرهقه ونمت » !! عامل ايه ؟ ، قريت الرسالة من غير مفتحها وبعدها بساعة فتحتها ورديت ، كان تعارف عادي ، لحد مبطرقتي الخاصة بقينا نتكلم كل يوم ! ، لا وهيا ال تزعل لو انا مردتش ، هيا قدرات شوية ، بس وقعت !! وقعت في حبها ، كل يوم كانت بتبهرني بيها مش بس جميلة من برا ! دي من جوها حاجات عظيمة ، هيا ! هيا ال هرسم معاها حياتي ؟ نزلت صورة انها في النادي مع صديقتها مونيكا ! ، وانا قولتلها ان قررت اشوفك لاول مرة ! ، كانت فرحانة جدا واخدت نمرتها وفضلنا اسبوع علي ال واتس ابب !!
.
اسبوع علي الواتس ابب بنخطط للمقابلة وبس ، كنت في المقابلة دي بخطط للزواج منها كفاجيء ، واني هجلها النادي وهعرض عليها الكلام ده وسط اصحابها !! ، اخدت عربيتي وطلعت علي المدينة ال هيا فيها ! ، ولما وصلت كلمتها وقولتلها انتي فين سوزن ! قالتلي انها جو وشايفاني ، كنت بلمح علي مونيكا صدقيتها ، قولتلها مونيكا !! قالتلي مين ؟ قولتلها انا صديق سوزن ، بس اول منطقت اسم سوزن ! وشها اتغير وبدا الحزن وبعدين لقيتها بتعيط بهستريا ! بتعيط ومش قادر اهديها ، قولتلها في ايه ! قالتلي افتكرت يوم موتها !! موت مين ؟ بصتلي وقالتلي سوزن ماتت من سنة ونص !! انت متعرفش ، قولتلها هو انتي مجنونة ؟ سوزن لسه قافله معايا في المكالمة والواتس ابب !! ، لقيتها برقت ونظرتها ليا بقيت غريبة وقالتلي يعني مش انا لوحدي ال سوزن بتكلمني ، انا كواحد عاقل لو فعلا سوزن ال بنت ال بحلم بيها كدبة يبقي مونيكا طول الفتره دي بتضحك عليا  .. !  بس كان في حاجة غريبة !  ورتني ان last seen بتاع شات سوزن علي الواتس ابب من سنة !
.
ورتها ان الشات بينا انا وسوزن بقالنا 4 شهور قالتلي انا مصدقاك اوقات بلاقي رنات علي تلفوني ومره واحدة فتحت وسمعت صوتها قولت ده من تعلقي بيها !! ، طلبت اعرف تلفونها فين ، قالتلي ضاع يوم الحادثه ، ورتني فيديو مهم جدا ! كان يوم الحادثة والعربية ال هيا ومونيكا فيها كانوا سايقين وهيا سكرانة وماتت ! العربية كانت مفحمه ! ومونيكا نجت باعجوبة ، مونيكا كانت بتعيط بهسترياا جمبي حولت اتصل بسوزن بس تلفونها كان مغلق  ، مقدرتش اشك فيها ، حولت اقنع نفسي ان حد سرق تليفون سوزن يوم الحادثه واشتغلني انا ، اي كلام بصبر بي نفسي ، بس انا في داخلي شعور غريب !! مونيكا طلبت اني اروح بيتها وان مش هينفع اروح في حالتي دي وانا كمان مكنتش عايز اسيبها في عياطها وزعلها علي صديقتها ، لما اتاكد ان مونيكا نامت فضلت افكر ، وانا داخل علي اكونت سوزن بس لقيت  بتجيلي رسالة ان موبايل سوزن فتح !!  .. ورسالة علي علي الواتس ابب بعدها بدقيقة بتقولي صدق مونيكا !! قولتلها سوزن انتي فين !! انتي موجودة ؟ بعتتلي ريكورد بصوتها بتقولي انا هنا !! ورتني ابشع صورة شوفتها في حياتي ! ورتني صورة قبرها .. ومبقتش اونلاين من ساعتها !