عيد ميلاد مازن ابنى السنه دى مختلف.. لان اول مره من 4 سنين من يوم اول عيد ميلاد ليه مقدرش احتفل بيه واتأخر.. وده سببه اننا انتقلنا وعزلنا لشقه جديده.. وبسبب توضيبات العزال والانشغال بيه.. للاسف مقدرتش احتفل بمازن ... وحسيت طبعا انه زعل عشان اول مره ده يحصل.. وانسي احتفل بيه .. يمكن اللى زود الزعل ان والده مش معانا لاننا انفصلنا من 4 شهور.. يعنى الظروف كلها للاسف اتجمعت عشان تأثر ع فرحه مازن بعيد ميلاده..
عدى يوم عيد ميلاده وكام يوم بعدها وانشغلت جداا وفي عز انشغالى في يوم بليل لقيت صوت قطه جاى من اوضه مازن ! بس صوت القطه كان غريب .!!! كأن في حد بيتكلم بصوت نونوه !؟
مش قادره افسر الكلام ولا قادر افهم ده فعلا صوت قطه .. ولا صوت حد بيتكلم بس صوته يشبه القطط ولا ازاى اصلا حد بيتكلم ومفيش غيرنا انا ومازن في الشقه !!!؟؟
وقولت لنفسي يمكن بيتهيألى.. او يمكن مازن بيكلم طفل في عمره ابن الجيران مثلا ... ومابين حيرتى في تفسير الموقف .. قررت انى اتجاهله .. يمكن اكون اصلا بيتهيألى ..
فات يومين ومسمعتش الصوت تانى .. ومرضتش اسأل مازن عن اى حاجه .. وقولت لنفسي موقف وعدى... لحد ما في اليوم التالت بليل وانا في المطبخ وهو كان دخل ينام.. سمعت صوت القطه تانى.. وبدأت اتحرك في اتجاه اوضه مازن اللى كان بابها مفتوح واول مقربت من باب الاوضه .. صرخت !؟!! لما لقيت جسم مازن ممدود ع السرير ونايم.. بس في شخص تانى يشبه مازن قاعد نص قاعده ع السرير وباصص للبلكونه اللى كان ع بابها قط اسود ..!!! حتى عينيه سودا !!! مع صرختى القط جرى نط من البلكونه !! واللى كان قاعد نص قاعده نام تانى وكأن دخل جوه جسم مازن تانى !!!!!
قلبي هيوقف من الخضه ! وجريت ع مازن صحيته قام مفزوع وقاللى انا خايف اووى ياماما !! مش عايز انام لوحدى تانى.. انا عايز ارجع بيتنا القديم تانى ...
حضنته وطبطبت عليه ونيمته وانا فاقده لاى احساس بالامان. والخوف امتلكنى . من استغراب الموقف اللى شفته ..!!!
وتانى يوم لما مازن صحى سألتك كنت خايف ليه ؟!
وقاللى:
يوم عيد ميلادى ياماما بليل دخلت انام. ولما نمت لقيتك صحتينى وبتقوليلى جبتلك القطه دى هديه لعيد ميلادك ففرحت بيها اوى .. ولما نمت حلمت ياماما انى صاحى مش بحلم .صاحى بس نايم برضه وكان في واحد شبهى بس شكله غريب اووى وكان معاه نفس القطه اللى جبتهالى وقعدنا نلعب مع بعض .. وكنت مبسوط .. وبعدين صاحبي ده كان عايز يموتنى.. وانتى صحتينى وانقذتينى منه..
ماما انا مش عايز اقعد هنا تانى...
خوفت.! كلام مازن رعبنى.. مش من الموقف.. بس خوفنى عليه.. واخدت مازن وخبطت ع الجيران اللى جبنا ورحبوا بيا وطلبت مساعدتهم وحكتلهم ع الموقف وقالوا ان كذا حد جه الشقه هنا وقال نفس الكلام وكانوا بيمشوا بس محدش يعرف ايه السر خالص العماره مبقالهاش 5 سنين. وكل الشقق سكنت بسرعه ومحدش اشتكى من اى حاجه الا اللى بيسكن شقتك دى .. معرفناش اى حاجه للاسف ممكن نفيدك بيها..
خدت مازن ورجعت الشقه وقررت انى فعلا لازم امشي.. واتصلت ع صاحب العماره مردش .. فقررت اجمع هدومنا ونمشي .. معرفش هروح فين ؟ بس مش هقبل ان مازن يحصله اى حاجه...
وفجأه ملقتش مازن جمبي !!!! ولقيت صوت جاى من الصاله.. ! هو هو صوت القطه!!
اتنفضت وجريت .. ولقيت مازن ع الارض وواقف جمبه واحد شبهو بس شكله بشع.. كأنه ميت !! وجمبه القطه .. سودا وعنيها سودا وشكلهم مرعب !!! حاولت اتحرك واجرى ع مازن .. لكنه منعنى وحط ايده ع رقبتى وهو بيبصلى بصات كلها شر وقال:
دى آخر فرصه .. امشوا... وسابنى ومشي.. !!!
روحى كانت هتطلع وخدت مازن في حضنى وقومت فتحت باب الشقه ودخلت عند الجيران ..
لما شافوا اثر صوابعوا ه رقابتى .. والخوف اللى كان ع وشي عملولى لمون يهدينى واتصلوا بصاحب العماره وقالولوا لازم تيحى ب اى طريقه العماره بتولع.. عشان يرضى يجى بسرعه وميتهربش..
بعد ساعه جه فعلا واتجمع كل السكان وسألوه عن السبب بتاع الشقه والقط واللى بيحصل بيها لان المره دى مختلفه وكان في ست هتموت هى وابنها وبعد ضغط عليه قرر يحكى وقال:
لما بنينا العماره وقسمنا الشقق والعمال شغالين .. كانوا بيشتغلوا دايما بليل .. وفي يوم وهما شغالين وانا واقف تحت لقينا حد بيصرخ واترزع ع الارض من فوق وكان واحد من العمال.. واللى كان شاهد عامل تانى معاه قال ان العامل ده ضرب قط اسود بليل زقه من فوق القط وقع مات.. ومكنش همه انه قتل روح .. بعدها بيومين الشاهد ده بيقول انهم كانوا شغالين بس كل واحد بعيد شويه عن التانى .. الشاهد في الصاله والقتيل او الميت في البلكونه .. ودخل طفل من الباب ومعاه قط اسود ودخلوا في اتجاه الميت والولد زقه زى ماهو زق القط بالظبط وقع مات.. ورجع الطفل مع القط وخرجوا من الباب تانى !! وان الشاهد كان متكتف مقدرش يتحرك...
ده كل اللى حصل.. وليكوا عليا انا هقفل الشقه دى خالص ومش هسكنها.. ده وعد منى ورجعلى فلوسي كلها واتصل ع عربيه
تاخد عفشي وتوديه شقه تانى في عماره تبعه وقاللى مش هاخد فلوس ..
وفعلا وافقت ومشينا .. وانا بعد مافات سنين اهو لسه مش مستوعبه اللى حصل ولا قادره افهم اى حاجه بس الاهم ان مازن الحمدلله بخير ومفيش حاجه أذته..
