انا من الصعيد ، بالتحديد في اسيوط ، في قرية علي قدها ، بتؤمن بحاجات انا عمري مأمنت بيها ، ومش هأمن بالخرفات دي ، مش حكاية ان مبعترفش بالعالم الاخر ، بس كل الحكاية ان دول مبيؤذوش ، ديما عارف انهم مش اقوي مننا ، احنا اقوي ، الانسان اقوي من الجن ، والجن عمره مجه علي هيئة بني ادم ، لانه لو جه ، كان ممكن يشتت قبيله ، يعمل شيخ ومصلح امه ويوديهم في دهيه ، الجن بنسبالي اخره قطه ، كلب ، كلام عبيط ، انما يتشبه بصورتنا لا ، عشان كده مبحبش اسافر مع امي كتير ، امي نفس الافكار والوساوس دي فيها ، تربية جدي ، بس يمكن عشان انا عشت هنا واتربيت هنا ، لما بروح انا بنسبالهم مجنون ، وهما العاقلين ، عندكوا خالتي مثلا ، خالتي بعد موت ابنها اتجننت وعاشت في بيت جدي ، بيقولوا ان جوزها كان معاه كتاب ومن طريقه اتجوز جنيه ، ولما قررت تبيع البيت ظهرلها ولاده ، بتقول 4 تؤام شبه علي ابني ، وقالولها لو بعتي البيت ، هناذي علي ، بغض النظر عن موت علي ال كان حادثه عادية وقدر ربنا ، بس هيا بتقول بعد مبعت البيت شوفتهم بيشدو في شعرهم برا ، وبيبصولي بغضب ، وبيقولولي شوفي غضبنا ومبتسمين ، بذمتكوا ده كلام يتصدق ، انا في 4 صيدله اصدق الكلام ده ؟ّ ، مش عايز اصدمكوا واقولكوا ان في حكايات اوسخ من كده بكتير ، بس انا عماتا مبيبقاش ليا خلق وبوصل امي وامشي ..
.
بس المره دي كنت لازم اقعد مع امي اسبوع ، عمري مقعدت في بلدي اسبوع ، اوسخ اسبوع مر في حياتي ، اتمنيت الموت ، اتمنيت الموت اكتر من مره ، الحكايه بدات لما خالي جه في نفس الاسبوع عشان يبيع بيت سيدي ، وسيدي عندنا يعني جدي ، بس هو الولد العاقل ، علي 6 بنات وفي اخ تاني خاالي رجب ، وحيد وانطوائي ومبيكالمش حد بحسه لوحده ، ناس كتير اتهمته بالجنون ، مذكرش ان اتكلمت معاه قبل كده ، اوضته كلها خنافس وحاجات مقرفه ، خالي حسن ال كان مسافر وقرر يبيع البيت ، مضي امه واخواته كلهم معاده امي وخالي رجب علي عقد بيع البيت مقابل 20 الف جنيه ، ليه ؟ّ عشان بيقولوا تحت بيت جدي اثاار ..، انا بيت جدي سمعت عليه حكايات كتير ، في ال قال ملعون وفي ال قال ده تحتيه مقبرة كلها اثار ، اوقات بستغرب بيت سيدي اوي ، اشمعني هو المضلم في اغلب القرية ، اشمعني بيت سيدي وهو كله انوار بس من بعيد مضلم تماما ! ، امي كانت حزينه علي هد البيت ومرضتش تمشي ولا هيا ولا خالي رجب وقالتله لو هتدفن البيت ادفنا معاه ، قعدت اقولها ياستي احنا عايشين في القاهرة احنا مالنا ، ابتسمتلي وقالتلي عايزني لما اجي المكان ال اتربيت في ابقي غريبه ! ..، ولو في حاجه في البيت يبقي لينا حق ولازم ناخدو ، انا مقدرتش اسيب امي في الظروف دي اول يوم بدا في الحفر ، كنت واقف نزلنا عمق 20 متر تحت الارض ، بس وانا واقف جه خالي رجب ، اول مره اسمع صوته ، بص لخالي التاني ، وهو بيردد كلمة مش فاهمها ، ومره واحده اتشنج وقاله ، ال بتعمله ده هيوديكووا في داهية ، ابوووك جرب ، وانت عندك 4 سنين وانا كنت شاب وبعد ال شوفته انا انعزلت ، لو حابب تبقي زي جرب عنيه اتقلبت وصوته اخشن وهو بيقول هتلاقي بوابه مبتتفتحش لو حولت تفتحها هتبقي نهايتك ده الغطا ال بينا وبينكم في المكان ده ، انا اترعبت من الصوت ، انا مبقتش عارف اصدق مين ، خالي المعتوه ال مبيتكلمش ونطق مره واحدة ، ولا خالي ال عايش برا ومش مصدق غير ان في فلوس تحت ، بقيت في صراع ! ، الحفر خلص علي بوابه مبتتفتحش !! مسكت ايد خالي ، رجاله خالي بالشيخ ال معاهم حولو يفتحوها بكل الطرق مفيش فايدة ، بس خاالي مصمم ! انا مسكت ايدوو كانت ايدي بتترعش ، وانا بقولوا ياخالي ، خالي رجب مش منجم ! هو قالك هتظهرلك بوابه وفعلا ظهرت ليه احاول افتحها ! ليه ياخالي هنعمل كده ، بصلي وضحك وقالي بقي هو ده ال سنه وهيخرج هو ده ال كان بينفي الكلام ده ، اول مره في حياتي مفكرش وامشي ورا عقلي مش قلبي ، ايوه انا عارف كل ده بس نسيت حاجه واحدة ، ان لو اذيتهم هياذونا ، وفتحنا للبوابه كان شكله اذيه ، طلعت وكان عقلي كان بيودي ويجيب وانا نايم والمفروض هنكمل بكرا بعد فتح البوابة ال تم ، بس انا قومت فتحت النور ، معرفش حسيت بحاجه ، عشاان الاقي الاوضه كلها عقاارب ، وي خنافس !! ايه ده ، ده نفس ال كنت بشوفه عند خالي ، سمعت صووت براا احصنة كانهم من ايام الفرس ، عشان اطلع من اوضتي ، الاقي طيف احصنة بيعدي راكب الطيف حاجه ملهاش وش ، بس ليها جسم ، نزل وهو بيضحك وبيقولي ال هتشوفه اقل عقاب ، انت شاركت في ضياع حاجز بينا وبينكم ، صوته كان وحش جدا ، البوابه اتقفلت تاني تاني يوم ، بس خالي وال معاه مطلعوش من ساعتها ، كلهم قاله ماتوا بس انا سامع اصواتهم ! بينادووا علينا وبيستنجدوا بينا ، مفيش غير ال انا ال سامعهم ، مره واحدة لقيت خالي رجب ال بيقولوا عليه مجنون، صوته اتحول وبيقول اسكتوووا محدش هيسمعكواا ، انا قولت وانتوا مسمعتوش ! ، هه خالي رجب مش مجنون وسامع ال انا سامعه ، امي مش سامعه ، الموضوع اتطور اني بقيت اشوف حاجات واطفال شكلها وحش بتلعب في الحمامات ! ابتسامه خالي مش حلوة ، وهو بيقولي ، اهلا بيك العالم المذدوج ! وابتساملي واداني ضهره .. انا روحت اكتر من دكتور اكتر من شيخ ، حالتي ميؤس منها ، انا بقيت اسمعهم واشوفهم ، مبقتش قادر اتكلم محدش هيصدقني ، امي يئست وعيشتني في اسيوط ، لو فضلت في القاهره هخش مستشفي امراض عقليه ، هاهاهاها .. انا بقيت مرعووب ، انا هنزل البوابه اعتزر ، يمكن ، تفتكرو هيتقبلوا اعتذاري ؟
