- ولو ان كل شئٍ كان بخير، لما تكونت و نضجت -
~~~~~~~~~~~#حبيبة
صحيت الصبح و بصيت جنبي لقيت حسين مش موجود
نزلت تحت اشوفه.. ببص على السفره لقيت اكل محطوط و جنبه ورقة
بصيت حواليا و بعدين فتحت الورقة أشوفها :" حبيبة، صباح الخير.. اضريت اقوم اروح الشغل بدري عشان عندي شغل كتير، لقيتك نايمة و محبتش اصحيكي و عملتلك الفطار. يا رب يعجبك. انا هرجع البيت على العصر"
حطيت الرسالة مكانها و انا ببتسم ب غباء، بجد فرحت اوي !
قعدت اكل و بعدين قمت و لبست و رحت شغلي (دكتورة أطفال) لان انهارده الshift بتاعي
قبل ما امشي بصيت ع الرسالة تاني، و روحت حطيتها على التسريحة عشان ابقى اشوفها علطول
معرفش عملت كدة ليه بس حسّيت اني عايزة اعمل كدة
——————
#عهد
"صالح..."
صالح بصلي و هو بيمضغ و قال :" نعم؟"
كنّا قاعدين على السفرة بنفطر، و صالح كان ساكت خالص !
و انا مكنتش مرتاحة..مسكت ايده : " ما تيجي نخرج بعد ما زين يجي من المدرسة و احنا نخلص شغلنا؟"
صالح هز راْسه :" تمام، انا هقوم بقا اروح الشغل "
" هترجع امتى؟"
صالح :" الحقيقة معرفش بس قبل ما ارجع هبقى اتصل عليكي، يلا سلام عشان هتأخر " و راح وطى و ابتسم براحة و باس راسي و مشي
و روحت قمت انا كمان عشان البس زين
و بعدها روحت أوصله مدرسته و اروح شغلي
.
.
.كنّا قاعدين في العربية و ساكتين
و قطع السكوت ده صوت زينزين:" ماما.. انتي كنتي بتكلمي مين امبارح و بتقوليله وحشتني؟؟"
بصيتله ورا في المراية و فرملت جامد اول ما سمعت الي قاله !!
——————
أنت تقرأ
تبديل! // !Alteration
ПриключенияHighest rank : #1 in adventure 👅 لكل حكاية بداية... بس ممكن البدايه ديه تبقى بداية النهاية!؟ 🍃 و ممكن الحب يفرق الصحاب؟ ممكن الغدر يولد كره ما بينهم؟ ممكن عشرة سنين تنتهي في ثانية عشان الحب!؟ ☄️ "الي احنا عملناه ده اسمه تبديل " بدأت : ١٩ ديسمبر ٢٠...