We had it all yeah, but we walked away ! 🌻
_____________________
#صالح
عهد :" طلقني يا صالح"
" نعم؟! "
سكت شوية و بصيتلها و انا بحاول اتنفس بأنتظام
عهد صوتها بدأ يرتجف و هي بتقول :" زي ما سمعت، طلقني. انت متستحقش واحدة زيي انا، و الأهم اني انا مستحقش واحد زيك انت️ ! "
عهد بدأت تدمع فـروحت حضنتها لقيتها بتمسك فيا جامد و حطت أيديها حوالين رقبتي كأني ههرب منها و مش هرجع تاني!
حطت ايدي على شعرها و انا بقول بقلق :" فيه ايه؟ احكيلي كل حاجة مضايقاكي و انا هفضل أسمعك و هساعدك !"
لقيتها بتبصلي و هي لسه حضناني وعينيها حمرا اوي
عهد :" متسيبنيش... متسيبنيش ابدا يا صالح"
ابتسمت عشان اطمنها و قولت :" من اول يوم اتجوزتك فيه حلفت نفسي اني مش هسيبك و هحبك اكتر كل يوم"
عهد بصتلي فوق و ضحكت و انا مسحت دموعها و بوستها و رحنا عشان ناخد زين و نروح
مسكت ايدها و قومت و اول ما بدأنا نمشي سكتنا تاني، كل واحد فينا بيفكر في حاجة
معرفش هي بتفكر في ايه، بس كل الي اعرفه اني بفكر هي ليه طلبت كدة !
————————
#سلمى
محمد بصوت واطي :" قومي يلا هنمشي "
جيت ابصله عشان اعترض لقيته بيبرقلي عشان اقوم من غير كلام.. !
ابتسمت و قومت و قولت و انا بعدل هدومي :" طب يلا يا جماعة احنا هنقوم"
لسة حبيبة هتتكلم عهد و صالح جم، و عهد كان شكلها تعبان
صالح بصلنا عشان واقفين و قال :" على فين ؟!"
محمد حط ايده على كتف صالح و هو بيقول :" هنروح بقا انا و سلمى يسطا "
عهد بسرعة :" طيب احنا كمان كنّا هنروح عشان زين ينام و كدة"
صالح هز راْسه كأنه بيقول ان عهد الي قالته صح
محمد :" طيب يا صالح... نتكلم بقا لما نروح البيت "
و اعتقد انه بص على عهد او غدير و هو بيقول كدة، معرفش اصل عهد واقفة قدام غدير الي قاعدة ف معرفتش اعرف هو بص على مين
أنت تقرأ
تبديل! // !Alteration
הרפתקאותHighest rank : #1 in adventure 👅 لكل حكاية بداية... بس ممكن البدايه ديه تبقى بداية النهاية!؟ 🍃 و ممكن الحب يفرق الصحاب؟ ممكن الغدر يولد كره ما بينهم؟ ممكن عشرة سنين تنتهي في ثانية عشان الحب!؟ ☄️ "الي احنا عملناه ده اسمه تبديل " بدأت : ١٩ ديسمبر ٢٠...