تبديل! // !Alteration

الفصل الاول و العشرون🎶

~ أصبحت احب كُرهي لك ولكن اكره حُبي لك! ،افتقد وجودك و مع ذلك افرح بغيابك..!

~~~~~

#زين
من امبارح و احنا في المستشفى قاعدين في أوضة كدة عشان مسكوا راسي و خيطوها!

هو صحيح انا محستش عشان أعطوني حقنة بس هما فاكريني شورت يعني عشان يخيطوني؟

كنت قاعد على السرير و ماما جنبي نايمة و حضناني و على الكنبة عمو محمد نايم و على الكرسي بابا حاطط راْسه بين أيديه و بيبص لعمو محمد و بعدين لماما و بعدين ليا؟!

عمو محمد اتقلب و فتح عينه شوية و بص عليا... او على ماما معرفش :/

" ماما... عايز ماية "

عهد و هي بتقوم من مكانها:" حاضر يا زين هجيبلك اهو.."

شربت الماية الي ماما جابتهالي و مسحت فوق بؤي عشان شنب الماية الي جالي ده

"ماما عايز شيبسي.."

عهد :" لما تاكل يا زين.."

يووه بقا... كل ما أقلها عايز حلويات تقلي بعد الاكل!

أساسا الدكتور بيأكلني حاجة كدة مهروسة و لونها رمادي و ملهاش طعم و بيقول عليها مكرونة و فراخ پانيه! دوكتور احول في حواسه!

"ماما راسي بتوجعني"

ماما قعدت بسرعة و بصت عليا و بعدين حضنتني جامد!..

عهد :" صدقني هتبقى كويس... انا اسفة.."

و بعدها عمو محمد قام و قعد يلعب معايا شوية هو و بابا و بعدها لقيت عمو عمرو و غدير داخلين

غدير :" ازيك يا زييهااعااان "

ضحكت : " خرمتي ودني يا دودو"

بابا بصلي بأندهاش و اتعصب:" دودو؟ قول طنط طيب! مع انها اسخف من حسين و حبيبة بس يعني اعطيها شوية احترام! ولا كانت جوز امك هي بتكلمها بهزار؟"

عمرو و محمد في نفس الوقت :" هيهي. قال عليكي راجل يا حبيبتي / نعم! مسمحش انها تاخد مكاني! احم.. حسين بيتصل"

و راح عمو محمد قام و خرج!

غدير :" والله اذا كان انا الراجل يبقى انت تُعتبر الست بقا؟ " و بصت لعمرو بقرف..