طب و بالنسبة لاني معنديش كراش؟ ابعتها لحسين او عمرو يعني؟👆🏻😂😂💔
اجابات أسئلة البارت الي فات تحترُبما الامس ازعجنا ، و لكن ما ذنب اليوم ليرى وجوهاً عابسة!؟ 🌸
(مش قادرة اصدق اني كتبت حاجة فيها شوية أمل ، مش بؤس بس..)
-----#حبيبة
ناديت على غدير و هي طلعت تجري اول ما شافتني ، الراجل الي كان معاها بص عليا و على صالح و بعدين طلع يجري وراهاو كرد فعل ، انا كمان طلعت اجري وراهم!
و صالح برده طلع يجري ورانا. *قلبناها فاست اند فيوريس في المول😂😂💔*
وصلت عند الحتة الي غدير استخبت فيها ، الحمام الي جنب ستاربكس
دخلت الحمام و مكنش فيه حد .."غدير انا عارفة انك جوا! اطلعي يلا!"
محدش رد عليا ف فضلت اخبط على كل البيبان .. على اساس انها كدة هترد يعني.. معرفش بس في الافلام بيعملوا كدة و بتنجح معاهم !
فضلت ساكتة شوية مستنياها تطلع..
لحد ما اخر باب اتحرك و هي طلعت..
كان وشها باهت و اصفر جداً .. و اول ما شافتني ، جريت و حضنتني جامد اوي و كانت بتعيط بشكل هستيري !
كنت هبعدها عني عشان ازعقلها او اسألها مين الي معاها بس افتكرت ان ساعات الواحد و هو متعصب بيبقى كل الي عايزه حد يطمنه و بس..
بعد شوية لقيتها بتبعد و بتبصلي :" نزلته.. نزلته يا حبيبة.."
مفهمتش في الاول هي كانت بتتكلم على ايه و بعدها فهمت .. هي كانت حامل..
" انتِ بتهزري!!؟ ليه!؟"
هي فضلت ساكتة و بتبصلي ، او بتبص للفراغ معرفش.. مكانتش مركزة معايا اصلا!
هزيتها شوية :" ليه يا غدير!؟"
غدير :" عشان، ميستحقش انه يعيش مع ام زيي و اب زي عمرو... يبقى حرام لو سبته يعيش"
زعقت فيها :" و ده على اساس ان الي عملتيه ده مش حرااام!!؟"
لقيتها قعدت تعيط اكتر!!
غدير :" بس بقا كفاية! ليه كلكوا بتلوموني؟ ليه بتسيبوا كل الحاجات الصح الي انا بعملها و تركزولي في الحاجات الغلط بس؟ ها؟ ليييه!"
أنت تقرأ
تبديل! // !Alteration
AventuraHighest rank : #1 in adventure 👅 لكل حكاية بداية... بس ممكن البدايه ديه تبقى بداية النهاية!؟ 🍃 و ممكن الحب يفرق الصحاب؟ ممكن الغدر يولد كره ما بينهم؟ ممكن عشرة سنين تنتهي في ثانية عشان الحب!؟ ☄️ "الي احنا عملناه ده اسمه تبديل " بدأت : ١٩ ديسمبر ٢٠...