تبديل! // !Alteration

الفصل السابع و الثلاثون 🎶

و لأنكِ فتاة، فأنتِ جميلة. و لأنكِ تعلمين بداخلكِ انكِ جميلة، فأنتِ ملكة. 🌸💛

-----

هدوء سايد في المكان.
عمرو واقف بيبص عليهم هما الاتنين
عهد بتبص عليهم هما الاتنين و غدير واقفة مبتسمة بجنب

عهد :" هو المفروض أيه الي هيحصل؟"
غدير :" معرفش بس أكيد هندخل أنا و عمرو في مكان مع شيخ و كدة"

فاجأة دخل واحد شكله وقور و قال :" السلام عليكم و رحمة الله و بركاته"

كلهم ردوا عليه و قعدوا قدّامه لما هو قعد
الشيخ بس لعمرو و قال :" مين فيهم مراتك؟"

غدير :" أنا ، أنا الي أبقى مراته "
عمرو بصلها من غير تعبير و بص لعهد الي كانت بتبصله أصلا و ابتسمت كأنها بتواسيه

عمرو ابتسملها و بص بعيد

الشيخ بس لغدير و هو بيقول :" اتفضلوا معايا عشان نبدأ الجلسة."

غدير بصت لعمرو الي قام و عدل هدومه و هو بيبصلها

بصت لعهد الي كانت قاعدة بتبصلهم هما الاتنين

عهد :" متعانديش، و افتكري انك في الاول و في الاخر بتحبي عمرو ، و انه جوزك"

غدير رفعت شعرها و هي بتضحك بأستهزاء و قالت :" كنت بحبه، و كاان جوزي"

عهد :"و هيفضل جوزك على فكره!"

غدير رفعت حاجبها و قالت:" معتقدش ، يلا عن اذنِك " و بعدين بصت لعمرو و الشيخ و قالت :"يلا بينا"

عمرو:"يلا"

و دخلو قعدو حوالي ساعه إلا ربع وبعدين عمرو طلع فاجاة و راح عند عهد

عمرو :" اغمى عليها "

عهد وقفت و هي بتبصله بعدم فهم :" ايه؟"

عمرو شد عهد عشان تيجي وراه :" غدير! اغمى عليها، ما تقومي انتِ مستنية ايه!!"

عهد :" طب هو ايه الي حصل !؟"

عمرو و هو بيشيل غدير عشان يسندها على كتفه :" الراجل قعد يسألها هي عايزة تعمل كدة ليه و انا عملتلها ايه و مردتش خالص و فضلت مصرة على قرارها و قالت انها هتتنازل عن كل حقوقها و هترجعلي كل فلوس المهر و كل حاجة اول ما بدأت انا اتكلم عشان نخلص الموضوع فاجاة داخت و ده الي حصلها "