You and me were raised on the same part of town, got these scars in the same ground..! 🙂💜
_____________________
#عمرو
بصيت لغدير و قولت بسرعة :" انتي عارفة ان الشرع حلل أربعة و انا قررت اتجوز سلمى ! "
انا فضلت باصص لغدير عشان اشوف رد فعلها، لقيتها بترفع حاجبها اليسار !
لا، لا لااا !
انا عارف الي هيحصل دلوقتي، لا يا رب لا
وشها بدا يحمر من عند خدودها و عينها وسعت و العروق الي في ايدها اليمين بدأت تبان و بقت بتتنفس بسرعة زي كل مرة بتتعصب!!
غدير بعصبية و صريخ :" انت بتقول ايه!!"
قومت وقفت و انا بقول :" انا قررت اتجوز سلمى يا غدير عشان هي معندهاش راجل تبقى على ذمته و مينفعش كدة يعني لازم يب— "
معرفتش اكمل كلامي لما غدير قاطعتني
غدير زعقت و هي بتقف و قالت :" راجل ايه و هباب ايه!! عايزة اقلك بقا انها مش هتقبل بيك عشان زي ما انت قلت "هي محتاجة راجل" و انت مش بالمواصفات المطلوبة ! "
بلعت الاهانة عشان انا لو رديت هي هتتعصب اكتر ! و هي مش ناقصة عصبية
و راحت قامت و رزعت الباب وراها.
فضلت قاعد بفكر انها اكيد هتهدى بعد شوية و كمان هت— لحظة كدة ! ديه زمانها راحت أوضة سلمى!!
قمت بسرعة جري و انا في نص السلم سمعت سلمى بتصرخ!!
يا عمرو يا ابن الهبلة كان تقولها دلوقتي !
كدة سلمى هتضيع مننا و غدير هتدخل السجن في جريمة قتل!
———————
#صالح
رجعت البيت متأخر امبارح و نمت بلبسي، على الكنبة.
لسببين ؛
الاول اني مكنتش عايز اطلع الاوضة عشان عهد هتبقى نايمة هناك طبعا
التاني اني مكنتش مستعد أكلمها لو كانت صاحية
تاني يوم الصبح صحيت و بصيت على الساعة و طلعت فوق عشان اصحي زين عشان اخده المدرسة.
لقيت عهد نامية عنده في الاوضة!
وقفت ابصلها شوية، كان تحت عنيها منفوخ و كانت رجلها على السرير و التانية على الارض و شعرها جاي على وشها
أنت تقرأ
تبديل! // !Alteration
Phiêu lưuHighest rank : #1 in adventure 👅 لكل حكاية بداية... بس ممكن البدايه ديه تبقى بداية النهاية!؟ 🍃 و ممكن الحب يفرق الصحاب؟ ممكن الغدر يولد كره ما بينهم؟ ممكن عشرة سنين تنتهي في ثانية عشان الحب!؟ ☄️ "الي احنا عملناه ده اسمه تبديل " بدأت : ١٩ ديسمبر ٢٠...
