تبديل! // !Alteration

الفصل الثاني 🎶

#flashback
(3/11/2014)
(فرح حبيبة و حسين)

قاعدين كلهم في اوضة الفندق الي فيه الفرح، كلهم ع السرير و حبيبة قاعدة بفستانها على كرسي كبير

سلمى بنبرة غريبة لحبيبة :" هتتجوزي قبلي يا مفعوصة ؟ "

عهد بصت لسلمى بقرف و قالت :" ما تبس بقا سيبيها"

حبيبة و هي بتبص للارض و بتتكلم بإيديها :"انتوا مش فاهمين حاجة! انا متجوزاه غصب انا مبحبوش! "

غدير  قامت و حطت ايدها على كتف حبيبة و هي بتقول :" بصي، اكيد هتحبيه بعدين! و طالما ابوكي وافق عليه يبقى شايف ان هو مناسب ليكي "

سلمى و هي بتدور عينيها :" عاملالي فيها فيلسوفة "

عهد بحدة :" ما تسكتي بقا يا سلمى! انتي بس متغاظة ان انتي مفيش حد اتقدملك " و بصتلها بجنب في الاخر و هي بتبتسم باستفزاز

غدير بعد ما سمعت الباب بيخبط :" يلا يلا، حسين جه، يلا يا حبيبة روحي! " و شدت حبيبة من ايديها و هي بتبتسم و كلهم قاموا وراهم

#flashback
(3/11/2015)
(فرح صالح و عهد)

عهد و هي بتمشي في الاوضة رايحة و جاية :" انا خايفة ، خايفة يا جماعة، خايفة !! "

حبيبة :" من ايه؟"

عهد بتنهيدة  :"من كل حاجة! "

سلمى بغمز :" تيجي نبدل؟ "
عهد بصتلها كأنها هتقوم تخنقها

غدير و هي بتبص لتليفونها :" أمشي يلا صالح جه، بعتلي رسالة اهو، و بعدين متخافيش يعني المفروض تفرحي" و ضحكت و هي بتحضن حبيبة

فتحوا الباب و نزلوا و صالح مد ايده ل عهد و هو بيقول :" يلا يا قلبي؟"

عهد و هي بتاخد ايده و بتبتسم :" يلا "

صالح وطى و همسلها :" بحبك"

عهد ضحكت بتوتر :" و انا اكتر"

سلمى بقرف :" اتمحنوا في بعض في بيتكواااا "

#flashback
(3/11/16)
(واخده بالك ابسملة من التاريخ؟👆🏻🌚❤️)
(فرح عمرو وردة و غدير)