تبديل! // !Alteration

الفصل الثالث و العشرون🎶

~مفيش اصعب من الغروب على الي متعلق بالدفا..~

---

(في بيت عمرو و غدير)

حبيبة :" انتِ كنتِ فين كل ده!! عمرو قاعد بيدور عليكي! لو عِرف اني هنا من غير ما أقله اني عرفت مكانك هيموتك و يموتني!"

غدير بهدوء :" احسن.. مش مهم اصلا."

حبيبة :" انتِ شكلك اتهبلتي؟ انتِ مشيتي ليه من غير ما تقوليله انتِ رايحة فين؟!"

غدير :" عشان ......(و حكيتلها بقا الي قالته لسلمى و عهد...)"

حبيبة :" نعم!! طيب احب اقلك مبروك بقا انتِ فعلا انتقمتي.."

غدير قاطعتها :" الانتقام حلو برده"

حبيبة :" انتِ انتقمتي اه... بس من نفسك يا هبلة!"

غدير و هي بتبص للأرض:" نتألم ولكن لا نعترض ؛ ف بداخلنا نعلم اننا نستحق هذا الألم"

حبيبة :" انتِ فعلا تستحقي قلم.. بس على وشك. هو انتِ اَي موضوع ترزعي فيه سطرين عمق؟"

غدير :" حبيبة ينفع تبطلي هزار شوية؟ انا هعمل ايه دلوقتي؟ كدة عمرو مينفعش يطلقني!"

حبيبة :" يبقى ترجعيله عادي يا غدير... متقوليلوش انك حامل الا بعد تلت شهور و بكدة ممكن تخليه يطلقك ساعتها!"

غدير :" لا طلعتي بتفكري يا بيبا!..بس انا فكرت في كدة برده بس بس انا مش هرجع له الايام ديه."

حبيبة :" يعني هتفضلي كدة مستخبيه منهم!"

غدير :" اه... و انتِ متقوليلوش... ولا لـ سي صالح حتى.."

حبيبة وشها احمر و ضحكت :" موعدكيش... اصل انا و هو بنقول كل حاجة لبعض.."

غدير باستهزاء :" هيييح و ايه كمان؟"

حبيبة :" غدير... كنت عايزة أسألك على حاجة.."

غدير :" الي هي؟"

حبيبة :" هي عهد قالتلك اَي حاجة كمان عنها هي و محمد؟! انا عايزة اعرف كل حاجة عنهم!"

غدير :" نعم؟ ليه ان شاء الله؟"

حبيبة :" بس عايزة اعرف.. هتعرفي ليه بعدين.."

(عند محمد و عهد)

زين :" ماما انا عايز انااام.."