تبديل! // !Alteration

Stolen!

انا عمري ما كنت عايزة اعمل نوتس في القصة ديه...
و السبب اني عملت النوت ديه ان الي حصل يُعتبر حاجة مش صغيرة بالنسبة ليا..

~ دلوقتي انا كنت كاتبة في بعض البارتس الي هنا شوية عبارات و حاجات من كتابتي انا... و فيه شوية ناس قالت عليها حلوة و فرحوني بجد..
انما اني ألاقي ان فيه واحدة واخدة العبارات ديه بالنص و نشرتها عندها بأسمها و بعدها مسحت البارت! ليه يا حبيبتي؟ التفكير و الإبداع عندك منعدم لدرجة انك سرقتي من غيرك؟!

_ فيه ناس قالتلي ان اُسلوب كتابتي حلو... و شكرًا بجد... بس لما ألاقي اني فيه اتنين أخدوا نفس اُسلوب كتابتي و استخدموه عندهم! لا اكيد من حقي اني ادايق! اكيد فيه ناس هتيجي تقول و هو انتِ ازاي عرفتي ما ممكن هما ديه اُسلوب كتابتهم... هقول لاء كل واحد لُه أسلوب خاص ممكن يتعرف منه و ده زائد ان فيه واحدة من الاتنين دول جت قالتلي ان كذا كذا في اُسلوب كتابتي حلو اوي... و بعدها بشوية ايام عملت نفس الحاجة في قصتها و كتابتها!!..ا لي هو معلش يا حبيبتي طيب ما تحاولي تفكري ممكن تعملي حاجة احسن مني؟! اكيد هيبقى فيه ناس بتقول اني بتفلسف و انه من المستحيل حد يقلد اُسلوب كتابة حد... بس كل الي انا هقوله ان الي عملوا كدة هيفهموا اني قصدي عليهم و انا مش هشرح ازاي أخدوا اُسلوب كتابتي لان مع كل ده انا ما زلت مش هقول اسماء اَي واحدة فيهم مع ان الي عملوه ده فعلا يدايق اَي حد.. مع ان لحد دلوقتي لسه واحدة منهم بتعمل كدة و مفيش  أدب او احترام او زوق الصراحة..