تبديل! // !Alteration

الفصل السادس و الثلاثون 🎶

سَتُميزُها من بين الف جميلة، فـالبدر بدر، و النجوم سواء 😌🖤🤙🏻

-----

سلمى :" انا نسيت اخد مانع الحمل ، و مبروك ! هتبقى اب لأول مرة في حياتك! و عشان انا عارفة انت هتقول ايه ، لاء مش هنزله و مش هتقدر تعملي حاجة! "

عمرو ببرود :" حد قالك اني هقولك نزليه؟ اكيد مش هقولك موتي ابني ولا بنتي يا سلمى. انا عايزُه عادي.. خلي بالك من نفسك بس عشان الحمل ، و لو عوزتي حاجة اتصلي بيا ، انا زي جوزك بردو لو تعرفي"

عمرو مقفلش الخط في وش سلمى.. لانه عارف انها مش متعصبة بس
لا هي زعلانة و متضايقة و متعصبة في نفس الوقت

و في معظم الاحيان ، الي بيبقى كدة بيبقى عايز يفضي عصبيته في اَي حد
عايز يحس ان فيه حد مهتم و عايز يعرف هو ماله
بس مش هيحكي بردو مع كدة.

سلمى :" انت اهبل!؟ لا انت مجنون! ايوه انت متخلف! انت ليه كدة!! ايه البرود الي انت فيه ده يا اخي ؟! ده انت حتى مسألتنيش انا فين!!"

عمرو قال بنبرة انه بيعدد كذا حاجة ورا بعض :" محتاجة اهتمام "

سلمى كملت و طنشته :" انت عمرك ما فكرت تسألني مالي ! انت اصلا عمرك ما فكرت تاخدني في حضنك لما بعيط باليل، انا ببقى نايمة جنبك بعيط و انت عادي!"

عمرو :" شايلة كتير جوا نفسك، ها كملي يلا "

سلمى اتعصبت اكتر و زعقت :" كلكم مش فاهمني!! ولا حد فاهمني انا زهقت ! زهقت!! "
وطت صوتها و كملت بهدوء :" زهقت.."

عمرو :" مبتعرفيش تعبري عن مشاعرك كويس ، حاجة تانية ولا كدة خلاص؟"

سلمى :" حاجة تانية؟ اه فيه ، انا احسن من كدة! ايوه انا اصلا استاهل  اني ابقى في مكان احسن مع كدة و مع ناس احسن من كدة.. انا استاهل اكتر من كدة"

عمرو ضحك و قال :" اخيراً و ليس آخراً ، عارفة قيمة نفسك جواكي بس مش مُظهرة كدة للعالم. "

سلمى :" هو انت بتقول أيه!؟"

عمرو طنش كلامها و قال :" نفس الشبه ، نفس المشاكل بس من منظور مختلف ، نفس كل حاجة يا سلمى.  أنا و إنتي نفس الحاجة و شبه بعض اوي أنتِ بس إليّ مش شايفة كدة.. "

سلمى :" لاء طبعاً، لان لو كنّا شبه بعض كان زمانك فهمتني و أنا فهمتك "

عمرو :" بذمتك يا شيخة أنتِ نفسك فاهمة نفسك!؟"