تبديل! // !Alteration

الفصل الثاني عشر🎶

~| يظنونها قوية فبات الجميع يرتكز عليها... و لو ان احداََ احتضنها لبكت بشهقةٍ تُوقفّ انفاس العالم |~

______________________

#حبيبة

كنّا قاعدين بناكل انا و حسين و فاجأة هو بطل اكل و بصلي

حسين " حبيبة... انا بحب الجبنة ديه اوي"

بصيتله بقرف بعد ما كنت بحسبه هيقول بجد :" حاضر هخطبهالك"

حسين :" طيب انا هقوم انام عشان عندي شغل بكرة. "

ابتسمت و قولت :" طيب وانا كمان عندي شغل من بدري" و طلعنا عشان ننام بعد ما روقنا المطبخ

———————

(تاني يوم)

#عهد

صحيت و لقيت ان صالح نزل شغله بدري و كان سايبلي رسالة ع الواتس بيقول فيها :" صباح الخير يا حبيبتي، انا اضطريت اروح شغلي بدري عشان حصل لخبطة بسيطة كدة في كذا حاجة و لازم اروح اشوفها، هحاول ارجع بدري عشان اقعد معاكي كتير النهاردة، بحبك ♥️ "

ابتسمت و رديت عليه، و بعدها روحت صجيت زين و اقعدت افطر معاه
و لبسنا عشان اوديه المدرسة و بعدين اطلع على شغلي

(في المدرسة)

دخلت معاه لحد صفه، و انا بدخله كان فيه مُعلمة قاعدة ف لقيتها جت عندي و سلمت عليا

المُدرسة :" حضرتك ام زين؟"

  " ايوه انا، فيه حاجة ولا ايه ؟"

المٌدرسة ابتسمت :" لو ينفع عايزة اكلمك شوية؟"

" اه طبعا اتفضلي"
و اخدتني المكتب بتاعها و قعدنا

المُدرسة :" انا من كذا اسبوع ملاحظة ان سلوك زين متغير... بقا عدواني شوية و منعزل عن بقية الصف مع انه كان اكتر واحد اجتماعي في صفه! حبيت بس اطمن عليه، هو كدة بس في المدرسة ولا برده في البيت؟ لان ممكن المشكلة مع حد من صفه!"

انا بصيتلها شوية بشرود.. هو فعلا زين متغير بقاله كتير حتى في البيت

" امّم لا... هو متغير برده في البيت!"

المُدرسة قالت بنبرة ليها معنى تاني مستخبي :" زي ما توقعت .. "

استغربت من كلامها و بصيتلها و انا مش فاهمة !