مرحبا اسمي خالد طالب كلية الطب مواصفاتي طويل ضخم حنطي عندي لحية خفيفة عيوني سود وملامحي حادة شخصيتي قوية وثكيل عيبي الوحيد وجهي دائما معبس وما اضحك ما احب اتحرش بالبنات مع العلم عندي علاقات هواية بس كلها لعب والبنات يعرفون هذا الشي اي بنية اصادقها اكلها غرضي شنو اذا قبلت خير على خير واذا لا اكو الف غيرها عمري ما جبرت بنية على شي وما عندي اي علاقة جدية.
والدي كان مسؤول بالنظام السابق اني الولد الوحيد على بنات اثنين يعني بساطة سلطة ومال ودلال خواتي اكبر مني بهواية متزوجات وامي ربة بيت.
من كثر حب والدي وخوفة علية مخليلي شخص وياية اربع وعشرين ساعةحتى بالكلية اسمة اسامة.
رغم الدلال والعز وكلشس الاريدة يصير وخاصة والدتي بس والدي جان يعاملني عبالك جندي عندة مو ابنة صحيح موفرلي كلشي بس بحدود المعقول واذا سمع مسوي شي غلط يا ويلي وسواد ليلي تعذيب الشعبة الخامسة كلش يخاف علية.
كملت السادس والدي جان يريدني اصير عسكري بس اني طلعت عيني بالقراية حتى اطلع معدل عالي وادخل كلية بيها خير حتى يشيل هالفكرة من راسة.
اسامة الشخص الوحيد بالعالم يعرف علية كلشي اكبر مني بعشر سنوات صديقي واخوية هو مربيني احسة يخاف علية اكثر من اهلي.
بالسادس طلغت معدل وقدمت وبيوم رحت اني واسامة اشوف القبولات شفت بنية كلش حلوة وياها رجال كبير بالعمر ما اعرف ابوها او يمكن جدها كلش حلوة عجبتني.
دخلت كلية الطب الكلية كلها تريد بس تحجي وياية بس محسوبكم يعرف السالفة مو غريبة علية تعرفت على ولد وياية بالشعبة عرفتة خوش ولد وثكيل وما عندة سوالف مصالح اسمة مصطفى.
داومت اول ايام وشفت نفس البنية ضليت اراقبها من بعيد البنية كلش ثكيلة ومحترمة ما عندها سوالف مو حلوة عرفت هي ويانة بالشعبة ما كلت لاي أحد عليها حتى لأسامة ضليت بس اراقبها الشي الشجعني مصطفى جان يريد يتعرف على صديقتها واني بحجة مصطفى وصديقتها اراقبها.
بيوم حفلة التعارف عرفت عن نفسها حبيت احجي وياها سألتها سؤال ادري كان محرج بس جوابها بالظبط الشي الاريد اسمعة قررت لازم اتعرف عليها حسيتها خجلت وحرجتها قررت اعتذر منها...
خلصت الحفلة طلعوا هي وصديقتها وقررت اروح اعتذر منها انتبهت عليهم كاعدين ياكلون....
مصطفى اريد اروح اعتذر من هاي البنية حرجتها....
اي لك عيني روح اعتذر حتى اتعرف على صديقتها كلش عاجبتني.....
هاي شبيك يا ول ما عرفتك هيج بعدنة يا الله هسة بدينة نداوم....
لا والله خالد هاي البنية نيتي صافية وياها بس اريد اعرفها زين حتى اتوكل...
يلة عيني ابو النية الصافية امشي... تمشيت عليهم شفت ولد واكف يمهم ويحجي وياها؟؟؟؟
شهد اكو ناس جاينين علينة لتندارين بس تحظري....
شنو منو؟؟
ولد ما اعرفة بس شايفتة بالكلية اسكتي اجه....
السلام عليكم...
عليكم السلام....
ممكن دقيقة؟؟؟
تفضل!!!
ممكن اتعرف علييج؟؟؟؟ اسمي مهند طالب مرحلة ثانية....
اسفة ما اكدر....
اكو سبب معين لو انت متريدين.....
لا ما اريد من رخصتك.... وكفت اريد اروح.
لا اني اسف اخذي راحتج اعتذر منكم اترخص....
عادي ما صار شي......
اني مهند طالب مرحلة ثانية كلية الطب طولي متوسط ابيض شعري اسود عيوني سود شفت شهد وكلش عجبتني وبيوم حفلة التعارف قررت اروح احجي وياها بس مع الاسف رفضتني بس قررت ما استسلم واحاول مرة ثانية وثالثة لان البنية كلش عاجبتني....
اي عيني ليش لا يومية واحد معترف بحبه حلوة ومثل الگمر شتريدين بعد....
ميوس فدوة مو بحال شقاج....
انت مو مال واحد يكلج حلوة امشي امشي نتمشى شوية تعبت من الكعدة....
شفت ولد واكف يمهم كلش ضجت بقيت اراقبهم...
امشي يمعود شكو وكفت....
انت متشوف شكو ولد واكف يمهم....
اوكف هذا اصلا مو بقسمنة هذا مرحلة ثانية امشي نشوفة شيريد.....
وانت شكو عوفهم براحتهم.. بقيت اراقب ملامح وجهها واكول بس لا تضحك لو تنطي مجال بس الحمد لله شكلها صدت الولد لان شوية وراح حسيت هم وانزاح راسا اخذت مصطفى وتمشينة عليهم.....
مرحبا....
هذا الصوت مو غريب عليه انداريت شفت خالد ومصطفى تعجبت اهلا خالد.... ميس بغير عالم فرحانة واخيرا مصطفى....
شهد ميخالف اخذ دقيقة من وقتج؟؟؟؟
اسفة ما اكدر من رخصتكم وكفت على حيلي اريد امشي.....
لحظة لحظة انت مفتهمة الموضوع غلط بس حبيت اعتذر على الاحراج بحفلة التعارف اني اسف ما اعرف شلون سالت هيج سؤال بس الصراحه عجبتني الاجابة....
خالد يحجي واني اكول عزة بعيني شكد عيب عبالي جاي يحجي بغير شي... اعتذارك مقبول واصلا ماكو داعي تعتذر اني كلت مستعدة لاي سؤال....
يعني ما شلتي عليه بگلبج وضجتي...
لا ابد ومرة ثانية شكرا على الاعتذار... ميس بغير عالم ولا تحجي ولا شي بس تباوع.....
بهالمناسبة ممكن نعزمكم على گهوة لو چاي؟؟؟؟
هنا الكارثة طول الوكت الافندية ساكتة وكلشي متحجي ردت من مكانها.... اي عادي ماعدنة شي....
لا خلوها غير وقت الخط رح يجي اعذرونة......
لا احنة اسفين اذا سببنالكم اي احراج بس حبيت تصافى الگلوب...
ان شاءالله ماكو شي متصافين من رخصتكم.......
شكد ضجت من ما قبلت تجي ويانة بس فرحت بنفس الوقت شكد ثكيلة ومحترمة نفسها ضلينة وراهم تمشوا للخط بحجة مصطفى وميس...
شتتوقعون يصير بالجزء الجديد؟؟؟؟؟؟
