شهد اريدج تداومين وحلقتي بايدج... اريدج بس الي..
اخر حجاية سمعتها من عندة قبل ما اصعد بالسيارة وضليت الطريق كلة افكر فرحانة وشايلة هم بنفس الوقت يعني يجي اليوم وخالد يصير بس الي واحبه بكيفي واعيش ويا باقي عمري طبعا شهد وافقي ولتكولين لا انت تحبيه ومتكدرين بدونة اربع سنين راحت من عمري وجانت احلى اربع سنين ميخالف اقبل بكلشي بعصبيتة بالنحوسية بخوفة عليه قسوتة وحبة الية بقيت افكر وما حسيت الا احمد السايق يصيح شهد شهد..
ها العفو احمد والله سرحت شوية.. انطيتة الاجرة ونزلت شفت سيارة خالد بنهاية الشارع ميصيرلة جارة دخلت للبيت شافتني ماما...
ها حبيبتي تونستي...
باوعت عليها رحت حضنتها وبستها ماما انت اغلى شي عندي بالدنيا احبج واموت عليج...
حبيبتي اني شعندي غيرج الله يسعدج ويفرح گلبج وينطيني عمر واشوفج احلى دكتورة وعروس.
الله يخليج الي وميحرمني منج... رحت على جدو شفتة نايم غطيتة حس علية ها جيتي باباتي..
اي جدو رجعت..
شلونها طلعتج تونستي...
اي جدو تونست يلة ارجع نام اني اصعد ابدل خالة اخلاص تريدني...
لا بابا كافي غفيت شوية اكوم اصلي...
عفت جدو كام يتوضى صعدت بدلت طلعت صورة خالد واباوع عليها فدوة لطولك ولضحكتك الحلوة.. نزلت رحت حجيت لخالة اخلاص كلشي..
ماما شهودة انت ادرى بمصلحتج يجوز الولد صدك يحبج ورايدج اني ما اكدر اكول اي ولا اكدر اكول لا انت تقررين انت تعرفيه صارلج اربع سنوات المفروض هسة تعرفيه كلش زين...
خالة والله اعرفة يموت عليه ويتمنى بس ارضى بس هاي العصبية مالتة هي المخوفتني...
بنتي هو اكو رجال مو عصبي هذا خالج اكبر مثال يجي للبيت ندخل انذار انت بعد انت وشطارتج تكدرين تكسبين الرجال ووتخلي يصير مثل المحبس بيدج تعلمي شيحب سوي وشنو يضوج منة ابتعدي عنة يا حبيبتي مو صعية وانت تفتهمين مو صغيرة...
اي خالة صحيح..
حبيبتي كعدي وية نفسج وقرري واذا مكتوبلكم تصيرون لبعض لو الف سالفة وسالفة هم تصيرون لبعض.. كومي حبيبتي نتعشة سوة.
لا خالة اريد ارجع خطية ماما اريد اكعد وياها شوية... رحعت للبيت كعدت يم ماما بقيت اسولف وياها بقينة للوحدة بالليل جدو راح نام وماما نعست راحت نامت بقيت اشوف فلم وبالي يم خالد اريد اخابرة مشتاقة احجي ويا مثل قبل اخذت التلفون وصعدت لغرفتي....
وصلت حبيبتي شهد عمري لباب المطعم ما قبلت اطلع وياها متريد احمد يشوفني شفتها صعدت بالسيارة عالسريع طلعت وراها ما اكدر ما اطمن عليها طلعت وراهم بس من بعيد ما اريدها تنتبه ولا اريد احمد ينتبه دخلوا لشارعهم طبكت بنهاية الشارع واراقبها تدخل للبيت دخلت راح احمد دخلت للشارع خففت من يم بيتهم شوكت ولج شوكت اجيبج خطار لاهلج رجعت للبيت تلكاني اسامة...
وين جنت
طالع
رجعنا لسوالفك المكسرة..
هاي شبيك اسامة والله جنت طالع بشغلة
ولك تقشمر عليه لتخليني اتخاجل وية البنية
يا بنية شبيك ماكو شي والله
خالد اذا تريدها حاول ترجعها وحافظ عليها
ان شاءالله ان شاءالله... عفتة صعدت لغرفتي واني خربان ضحك يكلي سوالفك المكسرة ولك هي شهد كل سوالفي العدلة والعوجة....
بقيت بغرفتي مالي واهس انزل كعدت لعبت بلي ستيشن النشاط والحيوية يقرة عندي الف من الفرح بشوفتها... كاعد وما حسيت على روحي رن التلفون حتى فزيت اباوع عالساعة بالوحدة ونص اخ يا اسامة يخابر يشوف التلفون مشغول لو لا اباوع عالرقم شهد؟؟؟؟ رديت الو بتعجب!!!!
الو نايم لو كاعد..
كاعد حتى لو نايم اكعد علمودج.. شبيج حبيبتي...
ابتسمت اوووو صار شكد ما سامعتها
حبييتي حبيبتي حبييتي وحبيبتي...
ههههه كافي كافي مخبل شهد...
اي والله مخبل شهد.. شلونج شهد عمري ..
ززينة انت...
زين وهسة صرت احسن من سمعت صوتج...
شعجب ما نايم..
والله كعدت العب بالپلي ستيشن واخذني الواهس ما حسيت على روحي... انت شعجب ما نايمة..
افكر...
بشنو..
يعني بشنو ليش اني عندي غير شي افكر بي...
شهد..
نعم...
ماكو شي (جنت اتمنى تكول عيونها مثل قبل من جنت اكول اسمها)
شبيك خالد..
ماكو شي حبيبتي لتشغلين بالج.
وين رحت من طلعت من المطعم...
رحعت للبيت..
راسا..
لا..
وين رحت..
وصلت حبيبتي للبيت..
خالد رجعنة..
شهد والله مو بيدي اخاف عليج..
شلون عفتني ثلاث اشهر ما جنت تخاف عليه...
شوف هاي لج حتى حرس خليت يم بيتكم والتلفون راقبتة صدك تحجين..
انت صدك تحجي..
اي والله شنو قابل لعب جهال احبج بابا... ها اشو سكتي...
ماكو شي... اروح انام..
نعسانة
لا
ابقي شوية بعد وياية والله مشتاقلج
واني هم والله تدري اريد نسخة ثانية من صورتك..
يا صورة..
هاي بتكريت من طلعتوا تصيدون...
هههه هاي بعدها عندج
لوما هاي الصورة يمكن اني ميتة لو تحجي جان غلطت عليه شكد حجيتلها وشكد بجيت عليها...
ولج اروح فدوة لعيونج ان شاءالله اموت ولا تنزل دمعة من عيونج... شهد
نعم..
احبج.. شهد
نعم..
احبج.. شهد
عيونها
اييييييه ولج فرفحتي گلبي يلة كلتيها ولج ميت واسمعها.
عيون شهد وگلب شهد وحبيب شهد... خالد
ها حبيبي..
احبك حبيبي..
اشتعلوا وانبشوا
هههههه مشتاقة لحجيك الحلو... بقيت احجي ويا للصبح بدون منحس ولا عبالك قبل فترة متعاركين....
نمت وكعدت متاخرة نزلت ماما ليش مكعدتنيني...
شعدج كاعدة عطلة ارتاحي شوية باجر عكبة دوام وتكعدين من الصبح...
بقيت كاعدة وافكر شلون شسوي اكول اي لو اكول لا وانتظر اشوف شلون خابرت على ميس وكتلها اريد امرلها وخابرت اسامة وكتلة اريد اشوفة بيت ميس بدون علم خالد.... ثاني يوم مريت على بيت ميس وكعدنة اني وميس ومصطفى واسامة وحجيتلهم كلشي...
ايا ملعون ما كلي كلشي واشوفة يضحك من اسالة وين جنت...
والله اسامة اني راسا من شفتة وحدة سالتة عليك كال جيت وحدي تعجبت..
اني حتى تعاركت ويا من رجع عبالي جان يم جماعته..
