بعد ما مصطفى طلع العقدة رحنة للكافتريا كعدوا واني واسامة رحنة نوصي اكل انداريت شفت نفس الولد قبل فترة جان وكاف يم شهد وميس ضليت اباوع عليه عينة على شهد بس هي مبين عليها مرتبكة وخايفة بقيت اراقب وقررت اشوف شنو ردة فعلها حتى يكون القرار الحاسم اخذت الاكل ورحت كعدت مقابيلها والولد صار وراية ميس ومصطفى ملتهين اسامة انتبه اكو شي غلط بس ظل كاعد ما حجة اي شي بديت اسولف وياها واريد تباوع علية بس ابد ما رفعت راسها شهد شبيج اكو شي مضايقج؟؟؟؟
ها لا ماكو اي شي ليش.....
ابد ما رفعتي راسج متريدين تحجين وياية....
لا بالعكس ليش ما اريد احجي وياك بس اني هذا طبعي شوية خجولة.....
اذا اكو شي مضايقج كوليلي.....
لا ماكو لتخلي بالك. ...
اوكي يلة كملي اكلج لتديرين بال احنة موجدين....
اتعجبت من كال لتديرين بال احنة موجدين شنو انتبه عليه ما مرتاحة بكعدتي هذا كاعد وياشرلي ويضحك يا ربي شلون..... ميس بغير عالم ولا عبالك كاعدين يمها شاورتها يلة مو كافي متكومين..
شكو شبيج كاعدين اكو شي....
ماكو شي اريد اروح.....
وين تروحين شبيج... انتبهت مهند كاعد.... شهد عوفي شوية ونكوم...
شفت شهد وميس يتشاورون عرفت علمود هذا انداريت شفتة يباوع ويضحك واشرلي براسة حركة خبيثة معناها شسوي. صعدت عندي تخبلت مو بعينة ثلاث زلم كاعدين يمها وعيونة عليها انداريت على شهد منزلة راسها وتباوع بالكتاب. حجيت وياها بصوت خشن وبنترة عصبية شهد كومي كعدي بمكاني....
رفعت راسها وباوعت علية ضلت صافنة شهد ما سمعتيني... مصطفى انتبه علية
شبيك خالد شكو....
مصطفى معليكم ماكو شي..... كامت كعدت بمكاني واني كعدت بمكانها ضليت اباوع عليه وعينة صلفة ابد ما اهتم. ميس انتبهت اخذت شهد وطلعوا.... مصطفى روح وياهم..
خالد شبيك شكو...
روح وياهم بعدين نحجي... طلع مصطفى وياهم بقيت اني واسامة كاعدين بالكافتريا وعيني عليه ربع ساعة واسمعة يكول لأصدقائه اجيبها لو تمشي وية عشرة وكف يريد يروح وجان يكول بالعافية عليك مؤقتا هنا اني صرت اعصاب اريد اكوم عليه لزمني اسامة...
عوفة مو هسة ولا اليوم...
طلعت اني وميس اني جسمي كلة يرجف رحت غسلت وشربت مي....
شبيج متكوليلي اشو انت وخالد واخد يرفع والثاني يكبس....
هذا الحقير مهند كاعد وياشرلي ويضحك وخالد انتبه عليه شكد عيب هسة شيكولون عليه....
شكد خبيث هذا شيريد شكد لزكة....
ما اعرف وهذا شنو هيج يحجي وياية عبالة اشتغل عندة شنو يصيح عليه...
صحيح هو حجة بعصبية بس غير يخاف عليج.. هسة المهم عوفي بعدين نحجي بهالسالفة شلون صرتي انت...
احسن شوية بعد شكد ونطلع...
بعد ساعة ونص امشي شوية برة غيري جو اشتمي هوة لتضلين كاعدة هنا....
طلعنة شفنة مصطفى ينتظرنة برة....
متكولولي محركات لو رجلين اريد الحك عليكم ما اكدر... شكو شنو الصار...
ماكو شي مصطفى هذا واحد ميستحي قبل فترة شهد رفضتة وبقى مجلب وهسة جان كاعد بالكافتريا وخالد انتبه عليه....
يمعودة عادي عبالي شصاير هسة خالد ينهي الموضوع لتشيلين هم شهد...
لا عفية اني ما اريد مشاكل الله يخليك روح عليه ....
لتخافين ترة خالد مو مخبل يعرف يتصرف واسامة موجود...
تمشينة واني بالكوة امشي وراسي يريد ينفجر من التفكير وبس اريد ينتهي الدوام شوية وشفنة خالد واسامة جايين علينة اني راسا نزلت راسي وما حجيت مصطفى سأل شكو....
ماكو شي ناس متستحي وماعدها شرف....
كعدنة بالسنتر مال كلية لا محاظرات ولا اي شي بس انتظر الوقت يخلص ما صدكت خلص الدوام طلعت عالسريع حتى عفت ميس تمشي وراية وياها الولد صعدت بالسيارة حتى احمد السايق سالني اكو شي الطريق كلة ساكتة وميس تزن براسي وصلت للبيت تغديت قريت شوية جان ثاني يوم عدنة امتحان ونمت من وكت ماما صعدت عليه عبالها مريضة بس كتلها شوية تعبانة.....
راحوا البنات وسولفت لمصطفى واني صاير اعصاب...
خالد على كيفك شكو صاير عصبي شعليك انت بلكت هي تريدة يباوع عليها....
مصطفى صدك تحجي تريد تحجي ويا تروح بعيد مو كاعدة يمنة شنو تستغفلنة نشد گرون احسن ثانيا البنية جانت خايفة ومرتبكة وبس تريد تروح ....
يلة بسبطة ما صار شي بس انت هونها البنية مقهورة حجيت وياها بعصبية....
من ورة هذا الناقص غير يجي باجر ويصير خير.... طلعت للبيت واسامة يسوق. اني عيني عالشارع هاي ماكو شي بيني وبينها. اني هيج اغار عليها اذا صار شي شلون. وصلت للبيت راسا صعدت سبحت كعدت شوية اكلب بالملازم مالي واهس كلشي اسوي تمددت ونمت..
ثاني يوم كعدت الصبح راسي يريد ينفجر نزلت وكالعادة محاظرة الصبح من ماما لتوكفين وحدج وادخلي كل المحاظرات وووووو واني المفروض اكول حاضر ونعم ماما... طلعت صعدت بالخط ميس استقبلتني بضحكة ها شكو شبيج توزعين ابتسامات من الصبح....
ماكو شي خابرت مصطفى البارحة وسولفلي على خالد يكول يخاف على شهد....
يخاف عليه وهيج يحجي وياية اذا يكرهني شلون.... وصلنة للكلية دخلت للشعبة ما نزلت لنهاية الدوام واشوف خالد يروح ويجي من يم باب الشعبة بس ولا اهتميت نزلت لنهاية الدوام شفتهم ينتظروني جوة يم القسم سلمت وتمشينة للخط ننتظر وماكو الخط مرت اكثر من نصف ساعة وماكو...
