جميعهم مروا بداخلي بسلام الا انت مررت واستوطنت..
هواية مروا بحياتي اذا جانوا بوقت الاعداية او الكلية ولا واخد جذب انتبلهي اوحتى تخركت مشاعري ولو شوي الا هو حسيت الدنيا كلها تضحكلي....
لا ابو فراس عصيركم مينشرب اذا متنطونة الموافقة وينها العروس خل نشوفها...
دخلت اني السلام عليكم.. الكل رد وعليكم السلام...
عزة بعيني شطالعة شنو هالجمال اول مرة اشوفها لابسة قصير لبسها كلة طويل مكياجها خفيف والخدود حمر من الخجل لج فدوة لعينج...
سلمت وكعدت بين ماما وام خالد..
ما شاءالله تبارك الرحمن تخبل جنتنة...
تسلمين ام خالد هذا عيونكم الحلوات هاي شمعة حياتي
الله يخليها وتنور بيتنة ان شاءالله..
بقى ابوه وجدو يسولفون اخر شي جدو كال احنة ما عدنة مانع ومنلكة احسن منكم واشتغلت الهلاهل امه وخواته خالد باس ايد جدو وسلم على امي وباس راسها جدو كال كومي شهودة بوسي ايد عمج وخالتج سلملت على ابو ومقبل ابوس ايدة هو باسني من راسي وامه نفس الشي ما قبلت بس بوستني وخواته اني بوست ايد امي وجدو شربوا شربتهم...من خالد سلم على ماما
خالد دير بالك عليها ترة هاي نور عيني...
خالة بعيوني شهد... ابوية كال..
ام شهد خيتي لتخافين على شهد يم خالد واخذيها من هالشارب شهد بعيونة..
الله يسلمك خوية هذا عشمنا بيكم.
اتفقوا على المقدم والمؤخر والذهب جدو كال احنة منحجي بهالسوالف انتو قرروا خطية همة ما قصروا حتى اكثر من اللازم ماما كالت لخالد تخليها تكمل كلية وتشتغل...
ام خالد ردت اي طبعا بعد تعب كل هالسنين وتكعد ابو خالد يسيويلهم واسطة ويداومون بنفس المكان...
الرياجيل بقوا يحجون بينهم وعمي بس ساكت...
النسوان يسولفون سوة واني وخالد على گولتة نسرق النظر.. ام خالد وماما اتفقوا على يوم نروح نشتري الذهب والجهاز وتصير مشاية وقراية الفاتحة يوم الخميس والنيشان والمهر بنفس اليوم وكالو همة يتفقون بينهم على الحفلة....
يعني بعمري ما فرحان هيج فرحة صارت الي وحدي وبكيفي احبها طلعنة للبيت اني وامي وابوية بسيارة وخواتي ورياجيلهم بسيارة والحماية ورانة...
ولك والله وعرفت تختار...
ترباتك يابة
اي فرخ الوز عوام مثل ما اختاريت امك..
غمزت لابوية اي ياب بس شهد احلى من امي...
لا امك احلى كل واحد يشوف مرته احلى..
يمة اتشاقى انت الاصل ...
يمة راحت علينة هسة الدور الكم..
حجية انت كاشان دائما وقتج..
ياب ترة احنة هنا..
هذا ابنج على منو طالع هيج سافل...
وصلنة للبيت اني فرحان اسامة والولد الحرس سولي هوسة وضربوا طلقات صار الليل وانتظر تخابرني كاعد وانتظر رن التلفون ركضت رديت لج حياتي وينج تاخرتي...
ما كدرت هذا قبل شوية هذا نام..
منو..
عمي مدلغم البومة على گولتك.
ول اروح فدوة لعينج لج شطالعة اليوم تخبلين..
صدك
والله احلى بنية بالدنيا مرتي...
بعدنة يا الله هي بس خطوبة سويتني مرتك..
شنو متريدين اكلج مرتي
لا حبيبي اتمنى اسمعها منك.. اكلك ترة ما اكدر احجي وياك هواية تعبانة اروح انام ان شاءالله باجر نتخابر...
ان شاءالله حبيبتي مو تنسين الثلاثاء نروح ناخذ الذهب والجهاز..
ان شاءالله..
