وصلنة شهد نزلت سلمت ما رديتلها سلام انتظرت دخلت للبيت يلة طلعنة
ها رجعنة للخبال ما صدكنة البنية غيرتك شوية....
يا خبال اسامة ما شفتها شلون باوعت عليه...
شنو الغريب البنية ما شايفتك قبل تتعامل وية الناس تعجبت ماكو داعي تكبر الموضوع وتسويها قصة عنتر احجي وياها بهدوء على كيفك وخلص لو الا صياح....
عوف السالفة يومين واراضيها..
عاي اذا قبلت تحجي وياك بعد كتلك هالبنية غير عن باقي البنات لو تتغير لو تعوفها...
بقيت صافن بحجي اسامة صدك شهد احتمال متحجي وياية بعد وتضيع مني غير اموت بقيت افكر وعيني عالشارع. وصلت للبيت نمت راسا كعدت المغرب سبحت بدلت وطلعت اني وجماعتي بالمنطقة رجعت للبيت متاخر ومشتاق لشهد جريت التلفون اريد اخابرها بس اسمع صوتها بس هي متقبل اخابرها تخاف من امها....
ثاني يوم كاعد والتلفون بحظني انتظرت للوحدة الصبح وهي ماكو كلت احتمال ما كدرت تخابر انتظرت يومين ثلاثة وهي ماكو اروح يم بيتهم ماكو كلشي اخر شي خابرت مصطفى كتلة اريد ميس تخابر شهد تشوفها وين من اخر يوم امتحانات وهي ماكو انتظرك تردلي خبر...
خالد خابرني انقهرت عليه وعرفت متعاركين حالتهم بالمطعم اخر يوم جانت مو كلش خابرت على ميس همزين هي ردت.. حبيبي شلونج
زينة شكو اشو هسة خابرت....
بشرفج هيج تحجين وياية...
مو اخوية موجود شبيك..
اوكي اوكي خابرتي شهد هاليومين...
اي البارحة حجيت وياها ليش شكو...
خالد خابرني يمكن متعاركين من اخر يوم امتحانات هي ماكو..
ماكو شي عادي البارحة جانت... اخابرها واشوف..
لا لا انتظري اخابرة واردلج خبر ابقي يم التلفون دقيقتين وارجع اخابرج...
رجعت خابرت خالد وحجيتلة كلشي...
بشرفك خابر ميس اريدها تخابرها تكلها تخابرني اليوم ضروري....
اوكي ان شاءالله... رجعت خابرت ميس وفهمتها...
اوكي هسة اخابرها واردلك خبر....
خابرت على شهد ردت امها هلو خالة شلونج...
هلو حبيبتي ميوس شلونج ماما شلونها والله خالة بخير الحمد لله زينين وماما تسلم عليج
الله يسلمها سلميلي عليها ان شاءالله يوصل خالة شهد موجودة..
اي هسة دقيقة...
الو..
هلو شهودة حبي شلونج..
هلو ميس حبيبتي شلونج
زينة الحمد لله انت اخبارج خالد شلونة..
زينين ماكو شي جديد نفس الشي..
هسة انت زينة وافتهمنة خالد شمعرفج زين لو لا...
ميس شبي خالد..
ههههه ما بي شي تبيعين ثكل وانت واكعة من السطح خابري متخبل مخابر على مصطفى يتوسل حتى اخابرج...
وليش ميخابر هو فوك راسة ريشة...
شهد شلون يعني انت مو كايلتلة ميخابر ابد...
وهسة
شنو هسة خابري خطية...
شوفي اليوم العصر ماما وجدو يرحون للطبيب واخابرة اذا تكدرين وصليلة هالحجي...
اوكي اخابر مصطفى واكلة ديري بالج على نفسج يالثكيلة...
ولي ام حلك...
سديت التلفون واني گلبي يرجف عليه والله احبة وعلى كولة ميس واكعة من السطح بس وين اكدر اعيش ويا اذا هو هيج غير اطك واموت اخابر العصر واشوف شلون... مريت على خالة اخلاص وحجيتلها واتفقنة من يطلعون ارجع للبيت واخابرة لان ماما متقبل ابقى بالبيت وحدي اذا يطلعون لازم اروح لبيت خالو...
العصر رحت يم خالة اخلاص شوية طلعوا ماما وجدو رجعت اباوع عالتلفون اخابر لو لا اخر شي خابرت وهو رد عالتلفون الو....
شهد وين جنتي ليش مخابرتيني..
الناس تكول هلو شلونج مشتاقتلج انت استلمتني رزالة.... عالعموم شوية جنت تعبانة وردت افكر بالصار...
شهد تدرين شكم مرة اجيت يم بيتكم ردت بس اشوفج وانت ماكو تخبلت لا اكدر اخابر ولا بيدي اي شي احس روحي مربط....
خالد تدري اني شصار بية اني ميتة لا اكل ولا نوم وحالتي حالة خالد اني متت خوف ما شفت نفسك شلون تحجي وياية اكثر من مرة كتلك بطل العصبية من تريد مني شي بس احجي وياية بهدوء لو نريد عيوني بيدك اخليها والله العظيم احبك واحترمك وما فكرت بيوم اقلل احترامك او استغل حبك خالد انت اول واخر حب بحياتي رضيت بكلشي لخاطرك...
شهد والله اني هم احبج واموت عليج انت هم عذريني لو واحد من الواكفين شايفج شلون تباوعين علية شيكول...
ميخالف خالد بس مو هيج احجي وياية بطريقة عادية شوية عصبية هم بيها مجال مو هيج خالد قبل جنت ما افكر بشي هسة التفكير رح يقتلني شلون اعيش وياك وانت هيج خلينة هالفترة نفكر شوية ومن الاحسن منتخابر لوقت الدوام وبذاك الوقت نشوف شلون يصير.... بعدني ما مكملة اسمع بس صياح والشي الوحيد الافتهمتة بسيطة شهد.... انسد التلفون اخابر وماكو رد اقل نص ساعة ردت ارجع يم خالة اخلاص سمعت صوت سيارة بالشارع وطلقات انكلبت الدنيا عرفت هذا خالد وخبالاته بس لهالدرجة...
من قهري ما اعرف شسوي ادمرت تريد تعوفني اول شي اجة براسي الرشاشة اخذت وحدة من السيارات الحكومية وطلعت اسامة يصيح عليه صعد السيارة ووراية ما حس نفسي الا بشارعهم وارمي خلصت الشاجور كلة الجوارين كلهم طلعوا بالشارع يباعون سيارة حكومية وترمي بقوا متعجبين ولا اهتميت طلعت للبيت واسامة وراية اول مدخلت للبيت نزل علية دفعني وضربني على صدري...
تخبلت انت مو والله لو ابوك يعرف تنكلب الدنيا على روسنة فهمني شبيك اخذت السلاح وجريتة بالسيارة شبيك احجيلي شنو هالخبال....
اسامة فدوة رجعني
احجيلي شكو
شكو يعني تكول نتعاوف ونشوف شلون...
طبعا من خبالك مليون مرة كتلك هالبنية تختلف ما متعلمة عليك وعلى سوالفك لو تبطلها لو شوية شوية تعلمها عليك والله اذا خابرتك بعد صدك انت محظوظ وامك داعيتلك البنية مثل الدرة....
بقيت ساكت واسمع لاسامة هديت شوية اسامة فدوة رجعني اريد اخابرها رجعت للبيت عدنة بنية تجي تساعد امي خابرت على شهد وخليتها تطلب. .
شهد الله يخليج لتسدين التلفون اريد احجي وياج...
اسمعك...
اني اسف مو قصدي اخوفج الله يخليج احجي لتضلين ساكتة.
خالد انت خليت شي ينحجي شتسمي تصرفك هذا العالم كلها تحجي وتسال...
شلون عرفتي اني...
هو اكو غيرك ما صار سنة اعرفك وشفت العجايب معارك وتهديد وصياح وطلقات بعد شعندك....
اريد اشوفج....
انت فعلا مو صاحي...
مخبل بشي اسمة شهد... اريد اشوفج...
ما اكدر....
من بعيد...
اشوف واردلك وخبر موضوعك جبير اسامة يمك
اي ليش
اريدة
شنو شعندي
هاي شبيك خالد اسامة مثل اخوية
ماكو شتريدين منة
خالد انطيني اسامة..
لحظة لحظة صارت عصبية
هلو اسامة
هلو شهد شلونج
شلوني متخبلة صاحبك خبلني فدوة اسامة هذا مخبل واني مو يمة الله يخليك عينك عليه بين منرجع للدوام واني باجر اريدك تخابرني الصبح رايدتك بشغلة ضرورية...
