حجيت وية اسامة وگلبي صار نار عليها نزلت شفت اسامة يدخل لبيتهم رجعت صعدت اباوع على صورتها وادخن گلبي ودماغي تعبوا من التفكير بيها رح تموتيني يا شهد عمري نمت ما حسيت على روحي....
الصبح اسامة صعد عليه...
خالد خالد اكعد رح اطلع اني لتطلع ابقى يم التلفون احتمال اخابرك جد شهد راد يحجي وياك البارحة...
اوكي انتظرك... طلع اسامة ولو بيدي اروح ويا...
طلعت لبيت شهد عيب انطيت حجاية لجدها دكيت الجرس طلع جدها دخلنة بالصالة شفت شهد جوة عيونها اسود وعيونها مورمة انقهرت عليها اعرفها تحبة وهو هم يحبها بس شحجي وشكول... عمي البارحة انطيتك حجاية واليوم رجعتلك واخذها حجاية مني خالد بعد نهائيا ميتعرض لشهد وعدني البارحة وكال تكدر تطلع وترجع للدوام...
بارك الله بيك ابني أن شاءالله خير..
انت شهد هم غلطانة انت تعرفين هذا الولد مو خوش ادمي وشكم مرة تعرضلج وصديناه جان المفروض تكولين لخالد حتى اذا متريدين تصير مشاكل على الاقل كوليلي الي لمصطفى واحنة نتصرف...
والله يا ابني مو عبالك اني ذاب اللوم على خالد بس لا والله وداعتها هي هم غلطانة وحجيت عليها ورزلتها بس سبحان الميغلط.
اسامة اني خفت تتعاركون ويا وتصير مشكلة هو جان سوء تصرف مني و هاي اخذت جزاتي وزايد... اندك الجرس جدو كام طلع اسامة شلونة خالد...
بالضيم مووعبالج مرتاح والله لو تشوفي حاله يصعب على الكافر كال كولها لشهد ديري بالج على نفسج
اسامة اذا ما اسمعها من عندة لا اطلع ولا حتى اروح بكليتي خلي هو يكول ماكو شي.. بهالاثناء رجع جدو...
عمي ميخالف استعمل التلفون واخابر خالد حتى تتاكدون ماكو شي...
لا عمو حجايتك كفاية...
ميخالف عمي احسن..
شهد كومي بابا جيبي التلفون...
ركضت جبت التلفون انطيتة لاسامة خابر عليه وفتح الحاكية دك التلفون ماكو جواب خابر مرة ثانية رد خالد....
نايم بالفراش وعيني على صورتها رن التلفون شفت رقمها بالكاشف جسمي كلة يرجف ما رديت رن مرة ثانية رديت اسامة
الو هلو خالد اني اسامة..
ها اسامة بشر...
ماكو شي كاعدين اني والحجي وشهد واريدك تكول ما عندك شي وية شهد وهي شتريد تكدر تسوي وتداوم كلية..
جدو اني اسف على الصار ما جنت اريد تعرفني بهيج ظروف بس هاي الحمد لله اني ما عندي شي وية شهد هي حرة شتريد تسوي وتكدر تداوم كلية ووعد رجال ما اتعرضلها وانت شهد ديري بالج على دراستج امتحني هالسنة وديري يالج على نفسج بعد ماكو خالد بظهرج...
هذا هو خالد اشوفك بالبيت..
اسمع صوتة ودموعي تجري على خدودي جدو منزل راسة واسامة ييباوع علية عفتهم وصعدت لغرفتي ضاع خالد مني واني السبب ما عرفت احافظ عليه بقيت ابجي وسادة الباب رجعت ماما من الدوام جدو كلها نايمة عوفيها... العصر طلعت للحديقة عبالك شلون الميت واحتيه، باقي اسبوعين على الامتحانات قررت اوكف على رجلي مرة ثانية صحيح رح ابقى شهد المكسورة بس ما اخلي هالشي يدمر حياتي بس اعتبره درس... عندي صورة خالد مرة اخذتها من عندة لابس دشداشة و شماغ وبيدة بندقية صيد كال بتكريت اخذتها ضاحك ضحكة حلوة وملامح وجهه بارزة احجي واسولف ويا يومية واحجيلة كلشي... جتي فترة الامتحانات رحت امتحنت جدو يوديني ويرجعني خطية ينتظرني بالكلية....
قررت امتحن بس ما اروح لشعبتي بغير مكان حتى لا اشوف شهد سويت واسطة وامتحن بالعمادة ادخل للكلية اشتم ريحة شهد بيها اختنك بس اريد اكمل اخر يوم الامتحانات قررت اروح اشوفها بس من بعيد اسامة وياية وكفت بمكان بعيد انتظرها تنزل اسامة يكلي هاي شهد واني ما مصدك عيوني ما عرفتها متغيرة هواية لا مكياج هدومها مخربطة ولا عبالك هي لو بيدي اروح واحضنها ابرد نار گلبي شفتها صعدت وية جدو وراحوا طلعت للسيارة اسامة يسوق..
خالد شنو الشي الخليك ترجع لشهد...
انداريت عليه اسامة شهد صعبة ما اتوقع بيوم ترجعلي.
