مرت يومين والكل مخبوصين بية وما اعرف شحجي بس اكول بطني توجعني وابجي على حضي ليش هيج سويت بروحي واكثر شي يوجعني سويت هيج شي بخالد حسيت الدنيا ضاعت مني ميس تخابرني ما احجي وياها يريدون ياخذوني للدكتور ما اروح اخاف من عندة والوم بروحي اخر شي جابولي طبيب للبيت اخو خالة اخلاص وكال لازم نسويلها تحاليل ما اكدر اكول شبيها بدون تحاليل واني ما اقبل اطلع باقية بس ابجي واباوع بالوجوه حتى ما احجي كلشي امي وخالة اخلاص كاعدين يمي ويبجون وجدو حبيبي سودة علية واكف يباوع علية لا حول ولا قوة وكل ما اسمع التلفون افز من مكاني كليتي اخذولي اجازة مرضية وصارت امتحانات نهاية السنة وما كدرت اروح اجلوها على الدور الثاني بالاجازات المرضية...
بيوم جنت اريد اروح للحمام وسمعت جدو يحجي بالتلفون بقيت اسمع وعرفت يحجي وية ميس ويسالها على خالد دخلت عليه جدو الله يخليك عوفة الله يخليك ما اريد كلش اصير زينة بس عوفة...
جدو ما اسوي شي بس احجي ويا يا بنتي ميصير هيج...
لا عفية جدو الله يخليك...
انقهرت عليها لتخافين حبيبتي لتخافين....
رجعت للبيت وبقيت بغرفتي ما نزلت اسبوع كامل لا اطلع ولا اكل بس انام اسامة يريد يحجي وياية واني ما اقبل خابرت واحد من جماعتي يشتغل بالمخابرات...
حبيبي حمودي رايد منك خدمة...
عيوني الك خلودي...
الله يسلم عيونك حبيبي بس عندي رقم نلفون اريدك تخلي مراقبة اربعة وعشرين ساعة عليه واي شي مو طبيعي اريد اعرفة....
حبيبي ادلل بس انطيني رقم التلفون واني اراقبة حتى اذا تريد بنفسي...
حبي تسلم رحم الله والديك متقصر..
انطيتة رقم التلفون ورة ساعة خابرني كال صار تحت المراقبة طلعت للحديقة صحت على واحد من الحرس علي رح انطيك عنوان من اليوم ورايح واجبك هناك متجي هنا وابوية معليك بي اني اكلة بس اي شي يصير تكلي الي طلعت صورة شهد هاي البنية اذا طلعت برة البيت راسا تخابرني افتهمت لو اعيد...
لا استاذ خالد افتهمت...
انداريت شفت اسامة وراية واكف يباوع علية عفتة ودخلت للبيت شوية ودخل وراية
خالد..
انداريت عليه..
هيج علمتك اني تتكاوى عالنسوان... لك عيب عليك وعلى شواربك ما تستحي..
انت معليك...
ولك انت صدك متستحي يا حيف التعب بيك..
اسامة لتصير براسي الواعض هاي حياتي وما اسمحلك تدخل بيها....
اول مرة خالد يحجي وياية بهالطريقة بس من خلال الحجي عرفت هو صدك متاذي بس غير يكول شبيه حتى اكدر اتصرف قررت اطلع اروح لبيت شهد واشوف شلون...
قررت ارجع لحياتي وانساها خابرت وحدة من صديقاتي وطلعت وياها وثاني يوم طلغنة اني واصدقائي شربت وضحكت واتونست بس من رجعت للبيت رجعت حنيت لعيونها لج ياروحي انت ليش هيجي سويتي بية بجيت لحد ما نمت وما حسيت بقيت على هاي الحالة يومية اطلع وية بنات و اشرب وارجع للبيت واتذكرها صورتها بقت على جربايتي...
خابرني محمد صديقي وكال ماكو شي مو طبيعي كلها تلفونات عادية بس يحجون على بنية مريضة ومتقبل تروح للدكتور... علي الحارس كال صار اسبوعين وماكو شي ما طلعت هاي البنية ولا شافها... گلبي يفرفح عليها بس شسوي مو بيدي...
قررت اروح لبيت شهد رحت وكتلة لعلي الحارس ميكول لخالد دكيت الجرس طلع جدو سلمت عليه وعرفتة بنفسي دخلني للبيت وام شهد جانت طالعة بالدوام...
كاعدة بغرفتي واسمع صوت رجال بالبيت هذا اسامة لو اني يتخيلي فتحت الباب اي هذا اسامة عزة بعيني شسوي بهالمصيبة... شوية وجدو صعد عليه تعاي جدو اسامة يريدج...
نزلت شفت اسامة اخاف ادخل للصالة...
تعاي شهد لتخافين اسامة شبي خالد..
ما بي شي تعاي لتخافين احجيلي شصار.
كعدت وحجيت لاسامة كلشي وهو بس ساكت منزل راسة ويحرك رجليه... ما كدرت اسال عليه واني گلبي مثل النار.. جدو حجة وية اسامة وراد رقم تلفون خالد يريد يحجي ويا بس اسامة كال...
حجي عوف الموضوع عليه واني اتكفل بي وان شاءالله شهد ترجع للكلية واني مو زلمة وهالشارب مو عليه اذا ما صار التريدة....
بقى شوية وراح حسيت شوية ارتاحيت بس هم بعدني خايفة شوية تحسنت نفسيتي وبدت انزل جوة بس ما اعتب الباب حلفت الا هو يكلي تكدرين تطلعين....
رجعت للبيت بالطريق وكعت الجداحة اني واسوق مديت ايدي صارت بيدي ورقة شلتها فتحتها شفت بيها الحجي مال هذا الناقص بسيطة بس احل هالمشكلة وبعدين اتفرغلك يا سگط.. وصلت للبيت اخذت الورقة وصعدت عليه شفت خالد طالع ما موجود نزلت على امه بالطبخ عمة وين خالد...
خالد ضاع من عدنة اسامة خالد بات برة البيت. والله ما اعرف اكول لابوه ما اعرف لا...
لا عمة انتظري اني اريد احجي ويا وبعدين.... لنتظرت بالحديقة ورجع الافندي بثلاثة الصبح سكران وبلكوة يمشي اول مدخل باوع عليه راد يدخل للبيت وكفته اريد احجي ويا دفعني على صدري اني متحملت ضريتة راشدي هو سكران وكع بالكاع وكام يذب من راسة شلتة دخلته للحمام ذبيت مي على راسة شوية صحصح كعدتة حجيت ويا شوية صافن وساكت ميحجي كلشي ما كتلة رحت لبيت شهد بسكتلة على الورقة اخذ الورقة مني وبقى يباوع بيها...
اسامة گلبي ممرود رح اموت عليها يكولون مريضة ومتقبل تروح للدكتور اعرف تخاف مني لان حذرتها متطلع من البيت متريد تكسر حجايتي...
تشجعت من شفتة هيج خالد اليوم رحت لبيت شهد..
اسامة كال رايح لبيت شهد رف گلبي بس اريد يكمل رفعت راسي و باوعت عليه ....
مشتاقلها؟؟؟
اسامة روحي بيها شلعت گلبي بعمايلها صدك مريضة...
خطية تكسر الگلب جدها يصيحها متقبل تجي تخاف الكلية ماجلة الامتحانات، هسة من شفت هاي الورقة شقررت تسوي...
اسامة شهد كسرت گلبي واني جنت اتباهى بيها كدام خلك الله تالي هيج تجازيني..
لتخلينة ناكل تبن مو عرفت البنية ما سوت شي غلط لتضل تعاند..
خلص باجر ردلها خبر تكدر تطلع واني اخابر محمد يشيل المراقبة واكول لعلي ميروح بعد...
وانت...
اني شنو اسامة صحيح عرفت هي ما عندها اي شي ويا بس هم ما كلتلي واتصرفت من كيفها وبدون علمي...
ميخالف مو انت متاذي..
ميخالف يوم يومين وانسى اكوم انام باجر مو تنسى روح عليهم وكلها تدير بالها على نفسها بعد ماكو خالد بظهرها.....
