#بلا_عنوان

#بارت1

#بلا_عنوان

بقلم #Noor_H

دايما نسمع يكولون الحلوه ماعدهه حظ والي مو حلوه كل الحظ عدهه
ياترى فكرتو بيوم بهالشي؟!!
صح او خطأ!!!

راح احجيلكم قصتي اليوم وشوفو صحيح هالكلام 👆
لو لا!!!

#بارت1

اسمي ساره عمري حاليا 28 سنه
خريجه معهد معلمات كان طموحي ادخل جامعه وبالاخص كنت شاطره بس اهلي كانو معارضين
اني مو حلوه يعني من اكولهه اعنيهه
تگدرون تگولون بشعه سمره حيييل وملامحي محلوه
الشي الحلو بيه شعري
طويل كلش شكد متتصورون واسود بسواد الليل
احنا 3 اخوات اني الوسطى
اخواتي احلا مني بهواي الي اكبر مني متزوجه والي اصغر مني لا
اخواني 2 محمد ساكن ويانه بالنجف هو وزوجته وجهاله وامير خارج المحافضه هم متزوج

الكل ينتقدني ع شكلي عبالك اني الي خالقه نفسي بهالشكل وبهالبشاعه
دايما من نطلع يكولون ممبينه اختجن
انتن احلا
هاي وين لاگيهه
شلون تميزون وجهه عن شعرهه نفس اللون

كل هالانتقادات خلتني افقد ثقتي بنفسي
بعد مااتخرجت من المعهد گعدت بالبيت
طبعا ماكو واحد يتقدم لان كل الشباب يردون حلوات او ع الاقل ينطلع بيهن
وهنا زادت المأساه
امي همهه تزوجني لان تعتبرني عاله عليهه ومنو يگلبني
دايما كل مااطلب شي تكولي باعي لوجهج بالمرايا متشوفين محد مگلبج وگاعده ع قلبي
اني مابيدي شي اسوي غير البجي
الدموع هي الوحيده الي تسليني
كرهت نفسي كلش
مااباوع بالمرايا ابدااااا
الشغل الي بالبيت دايما عليه
زوجه محمد تنتقدني دايما وتكول الحمدلله ماطلعن بناتي يشبهنج
اختي الي اصغر مني
كملت سادس اعدادي وقبلو تروح جامعه
اني حيل انقهرت لان كنت شاطره وكان حلمي هيج وماقبلو ليش هيج يفرقون
هي جانت مطلعه معدل مو عالي دخلهه معهد تقني
خلص الكورس الاول اتقدملهه واحد وياهم يدرس مسائي هو موضف وحالتهم الماديه كلش زينه
هنا امي مابطلت حجي
كرهت نفسي
كرهت الزواج
كرهت كلشي بالدنيا
زين اني شبيدي ليش هيج وياي
بيوم خطوبه اختي اخوات خطيبهه يباوعن عليه ويضحكن 😭😭
اني بدون مينتبهون رحت ع غرفتي وگعدت ابجي
لما نمت ع گد مبجيت
اختي بالعطله واتزوجت
بقيت بس اني وزوجه اخوي
وطبعا الشغل والتعب كوله عليه
وصار اسمي العانس بالبيت

مرت الايام ومعاناتي ماخلصت
مااطلع من البيت ابدا
معامله امي وزوجه اخوي كلش اذتني
اتمنى يجي الليل بسرعه لحتى اطلع ضيم قلبي بالمخده
كنت اغمض واتصور اهلي غير ناس واني غير شكل
اتصور اني محبوبه ومحد يحجي عليه
اتصور اتزوج واحد يحبني ويداريني
كل هالخيال كفيل يغير مزاجي
لمجرد ماارجع للواقع كلشي يتغير
بنات عمي كولهن متزوجات وهالشي يغيض امي اكثر وتقسى عليه اكثر
بيوم امي اجت كالتلي صديق ابوج خطبج لابنه وهو وافق والخميس العقد لان همه اتفقو ع كلشي
ساره: هههههه تتشاقين مو
ام ساره :لا طبعا
ساره: بس اني مشفت الولد ولا اعرفه
ام ساره :احمدي ربج انه اجاج
مو همه سره ع الباب
غصبا عليج تتزوجي اصلا لازم تسجدين لربج اكو واحد دگ بابج
دباوعي ع وجهج بالمرايا
ساره: بقيت صافنه ع كلامهه لا ممعقوله هاي مو امي
اكو ام هيج تكول لبنتهه
طبعا امي من فرحتهه جهزت كلشي بيومين
صار الاربعاء اجتني مها زوجه محمد
مها :يله كومي ع الصالون
اكيد فرحانه لان انخطبتي
بس كون تكمل ع خير وميشوفج قبل الزواج حتى مايبطل
ساره :اطلعي بره
مها :هههه جرحتج سوووري
امج متانيتج يله كومي يالعانس 😏
ساره :😭😭😭 ياربي شنو ذنبي
انت الي خلقتني هيج
اهديهم عليه يارب 😭😭
رحت وي امي بس حفيت مقبلت اگص شعري ولا اصبغه
امي من گد فرحتهه كل شويه وهلهلت
طبعا بعدين عرفت انو متفقين الخميس العقد والي بعده الزواج
اجه يوم الخميس وقلبي مقبوض لان الولد لا اجه ولا شافني
اكيد مجبور والا شنو الي جابره ياخذ وحده مثلي
حتى امه مااجت ولاشفتهه
لليل اجو اهل العريس طبعا كنت لابسه فستان طويل وشعري شلت منه شويه والباقي سرحته
وشويه مكياج بس مااتغير هواي من شكلي
من شافوني استغربو يمكن متوقعين وحده احلا
المهم اجه الشيخ وكملنه العقد واني مااعرف شنو شكله العريس او شنو ردت فعله
مااعرف منه غير اسمه سمير
وره ماكملنه عقد اجه سمير ع مود يشوفني

سمير :اسمي سمير خريج اداره واقتصاد عمري 30
عايش وي امي وابوي واخوان 2 واحد متزوج وطالع ابيت لوحده اسمه عادل الي هو الكبير
واخ اصغر مني بسنتين اسمه مهند بعده ممتزوج
اخوات 2 وحده متزوجه اسمهه تقى والثانيه مخطوبه اسمهه نسرين
اني ماجنت رايد اتزوج بس والدي ووالدتي دايما يلحون عليه بالاخير استسلمت وگلت لامي تخطبلي ع ذوقهه بس اريدهه حليوه يعني مو اله عيون زرگ وشعر اصفر لا بس كون حبابه وحليوه
بيوم اجتني امي گالتلي ابوك خطبلك بنت صاحبه وهي قريبه ع عمرك
سمير :حلو لعد دبرولي موعد اشوفهه
ابو سمير :شتشوف ولك
سمير :اشوف البنيه يجوز متعجبني
ابو سمير :ولك مو عيب هيج تحجي
ولك اني ماشفت امك ليوم العرس
سمير :يابه ذاك الوكت راح الزمن تغير
ابو سمير :لا والله انتو تغيرتو
اني حددت وي الرجال كلشي
من تعقد عليهه وتصير حلالك عود شوفهه
سمير :يابه بلكي ماعجبتني شلون
ابو سمير :بويه الشكل مو كلشي الناس اوادم واني اثق بتربيه بناته
وامك شايفه اخواتهه وحلوات
ام سمير :اي والله حلوات البنات صح مو عيون لون بس حلوات بس ساره ماشايفتهه لان ماتحب تطلع
سمير :يعني اخطب وحده مااعرف غير اسمهه
ابو سمير :اي الي عندي كلته
الا اذا تريدني اغضب عليك ذيج الساعه بكيفك
سمير :لايابه الي تريده يصير
بلكي تشبه اخواتهه 😔

ماقبل ابوي اشوفهه الا للعقد واجه العقد وشفتهه وياريتني مشايفهه
سمره حيل ومعانيهه موحلوه
بس عيونهه حلوات لان كبار وسود
شعرهه جان كلش طويل اكيد باروكه
منيلهه هيج شعر وهي جكمه
ش ادعي عليك يابه هيج تورطني
دخيلك يارب شيخلصني هسه
ماصدگت شوكت طلعنه من عدهم
رحت عاتبت ابوي ماقبل عليه قررت اقنع امي لحتى افسخ الخطوبه

يتبع...