#بلا_عنوان

#بارت5

#بارت5

ساره :مرت الايام واني مااحجي وي سمير
مهند گالي انو صاحبه گدر يتوسط وبدايه السنه الجديده يسوون مقابله بس شي روتيني واعتبر نفسي انقبلت
اهلي اروحلهم كل شهرين مره
ساعتين وارجع لان ميحبون اجيهم
مره من المرات ردت اجس النبض
سألت امي
يمه اني مامرتاحه عدهم
ام ساره :ليش ولج خوش ناس واوادم
ساره :اي يمه بس مامرتاحه وي سمير
زوجه محمد :ليكون تردين تتطلگين 😒
ام ساره : 😱😱 عزززه جا بكيفهه
يجيبوهه جنازه ولا ترجع مطلگه
شيگولون عنه العالم
ساره :هذا الي هامج
ام ساره :لج انتي بنيه وبالكوه عرستي النوب مطلقه
محد يگلبج
ساره :
كلش ضجت من كلامهه
ايست منهه ماراح توگف وياي
ماضل عندي غير ابو سمير
اذا قنعته راح يوافق

سمير :مرت الايام واني جياتي ع البيت قليله
ابوي معاجبه الوضع
ريام كامت تضوج من ساره وتريدني دوم يمهه
كامت تلح عليه انو نعلن زواجنه
زواجي وي ساره مر عليه تقريبا 6 اشهر
قررت افاتح والدتي بالموضوع
بلكي تقبل

يووم اريد احاجيج بموضوع
ام سمير :گول يمه
سمير :بالاول لاتعصبين
ام سمير: يمه خوفتني
سمير :لايمه ماكو شي يخوف
يوم اني اريد اتزوج
ام سمير :ليش يمه شعايزهه مرتك
سمير :يمه مااريدهه
ام سمير :يمه مو كلشي الجمال يابعد امك
سمير :يمه والله مامرتاح وهي موافقه اتزوج
ام سمير :سوده عليه واني اكول شبيهه البنيه
ليش هيج تسوي بيهه
سمير :يمه الشرع محلل هالشي
ام سمير :وابوك
سمير :انتي اقنعي
ام سمير :والله مااعتقد يقنع
بس اشوفه
ولو قلبي ماينطيني

سمير :كل املي انو امي تكدر تقنع والدي
علاقتي ب ساره مابيهه جديد
اغلب الاوقات مااتواجد بالبيت
بيوم حاجتني ساره

ساره :مهند انطاني خبر ع يوم المقابله وفعلا رحت وكالو تبدين الاسبوع الجاي
يوم الجمعه گلت لازم اكول ل سمير ع مود يصير عنده علم
من اجه بدل وكعد يلعب بالتلفون
باجر ابدي دوام بالمدرسه كلت لازم انطيك خبر
سمير :اي ع الخير
منو ياخذج ويجيبج
ساره :اول يومين مهند كالي اني اوصلج ع ما اشوف الوضع واذا اكو مدرسات قريبات ااجر وياهن
سمير :مو مهند شكله مهتم زياده
ساره : اي خطيه انقهر عليه
محد. الي يوكف وياي لا اهل ولا زوج
اتعمدت هيج احجي
سمير : 😡
ساره :حجيت هيج حسيته صار عصبي
عفته ورحت للمطبخ
وراهه اتصلت بيه نسرين بقينه نسولف شويه
بعدين رجعت لكيته ضايج
ماسألت ولا اهتميت
ردت اروح انام
صاحني

سمير :تحاول تستفزني او تضوجني ماادري
حجت وراحت
من رجعت ردت اكوللهه انو حجيت وي امي ع زواجي اتفاجئت ب ردهه
ساره :اي حلو
الله يتمم ع خير
سمير : 😕😕
ساره :اذا خالتي مگدرت تقنع ابوك كولي واني اتصرف
سمير :شتسوين مثلا
ساره :مو مهم شنو اسوي المهم يوافق
البنيه ما الهه ذنب تتزوجهه بهالطريقه
واصلا اني منتضره ع مايمر كم شهر واطلب الطلاق
هيج مقرره قبل مااعرف ب زواجك
يعني مو انت السبب
سمير :ومنو كلج راح اقبل
ساره : 😒
تصبح ع خير

عفته ونمت
ثاني يوم گعدت من وكت سويت الريوگ سبحت وبدلت
كعدت خالتي كلتلهه اليوم اول يوم اداوم
اجه مهند اتريك واخذني
بالاول عرفني ع المديره مبين يعرفهه
بعدين راح هو واني بقيت بالاداره المدرسه بس بنات مو مختلطه
المديره :اهلا وسهلا بيج
ان شاء الله ترتاحين
ساره :وبيج اكثر ست
تسلمي
المديره :تعالي اعرفج ع المعلمات شوفي الوضع وباجر تبدين
ساره :ماشي
رحنا ع غرفه المدرسات
عرفتني عليهن
مبينات حبابات
بقيت وياهن لنهايه الدوام
تعرفت ع وحده اسمهه مريم
كولش حبابه وحلوه تخبل
متزوجه وعدهه بنات 2 و 3 ولد
هم تعرفت ع بنات 2 قريب ع منطقتنه
جانن مأجرات خط
كالن نشوف السايق ونكولج
واذا قبل باجر من نرجع ناخذج ويانه ع مود يندل مكانج

رجعت للبيت نفسيتي مرتاحه
لان غيرت جو والبنات حبابات بلكي ارتاح بيهه
سمير ماشفته ولا اريد اشوفه
بس سلمت عليهم ورحت نمت
گعدت العصر ع صياح عمي وي سمير

يتبع...